அமெரிக்கா அணு மின் நிலையத்தின் அணுக்கழிவுகளில் இருந்து பெரிய அளவில் கசிவு ஏற்பட்டுள்ளது .

அமெரிக்கா அணு மின் நிலையத்தின் அணுக்கழிவுகளில் இருந்து பெரிய அளவில் கசிவு ஏற்பட்டுள்ளது . ஆற்று நீரில் கலக்கும் அபாயம்..!

அமெரிக்காவின் மிகவும் மாசுபட்ட பகுதியான அணு உலைகள் நிறுவப்பட்ட இடம்
வாஷிங்டன் அருகே உள்ளது. இந்த பகுதியில் எந்த அளவிலான அணுக்கழிவுகள்
கொலம்பியா ஆற்றின் அடித்தளத்தில் கசிந்துள்ளது என்பது இப்போது சரி வர
தெரியவில்லை . இதனால் கொலம்பியா ஆற்றின் நீர் மாசுபடுவது என்பது மட்டும்
உறுதி.

கொலம்பியா ஆற்றின் கரையோரம் அமைந்துள்ள ஹான்போர்ட் அணு
மின் நிலையத்தின் அணுக் கழிவுகள் தான் தற்போது கசிந்துள்ளது என்று
தெரிகிறது. இருப்பினும் அணுக் கழிவுகள் ஆற்றின் நீரோடு கலப்பது என்பது
உடனடியான நிகழ்வு அல்ல , இன்னும் மாதங்கள் ஆகலாம் என்று விஞ்ஞானிகள்
தெரிவிக்கின்றனர். எனினும் இந்த கழிவுகளின் கசிவுகள் இன்னும்
நிறுத்தப்படவில்லை .

அமெரிக்க அரசாங்கத்தை சேர்ந்த முக்கிய
அரசியல் பிரமுகர் மற்றும் மின் உற்பத்தி குழுவின் தலைவர் ஒருவர் இது
குறித்து கருத்து தெரிவிக்கையில், ‘இத்தகைய கசிவுகள் எல்லோருக்கும் பெரும்
அச்சுறுத்தல் தான் என்பதில் மாற்றுக் கருத்து இல்லை . அமெரிக்க அணுசக்திக்
கழகம் இந்த கசிவுகளை தடுத்து நிறுத்த எந்த மாதிரியான மாற்றங்களை செய்ய
வேண்டும், எப்போது இதை செய்ய முடியும் அல்லது எவ்வளவு செலவாகும் என்பதை
பற்றி இப்போது கூறமுடியாது என்றார். வழக்கம் போலவே அணு உலை விடயத்தில்
இப்படியான பதில் பொறுப்பற்றவை தான் .

இப்போது ஏற்பட்டள்ள இந்த கசிவுகள் எதிர்காலத்தில் அமெரிக்க சுற்றுப் புற சூழலை பெரிதளவில் பாதிப்பு உள்ளாக்கும் எனத் தெரிகிறது.

அமெரிக்க அணுசக்திக் கழகம் மேலும் தெரிவிக்கையில், இந்த கழிவுகள் மிகவும்
அபாயகரமானது . அணுக்கழிவுகளை நிரப்புவதற்கு 177 சேமிப்பு கிடங்கு இந்த அணு
மின் நிலையத்தில் உள்ளது. இதில் இருந்து ஆயிரம் லிட்டர் அணுக் கழிவுகள்
தற்போது கசிந்து வெளியேறுகிறது . இதனால் பூமியின் நிலத்தடி நீர் கடுமையாக
மாசுபடும் எனத் தெரிகிறது. அதுமட்டுமல்லாமல் இந்த கசிவின் மூலம் அணுக்
கதிர்வீச்சும் வெளியேறும் என அஞ்சப்படுகிறது .

அறிவியல் தொழில்
நுட்பத்தில் பன்மடங்கு சிறந்து விளங்கும் அமெரிக்காவிற்கு இந்த நிலைமை
என்றால் இந்தியா போன்ற நிர்வாக , தொழில் நுட்ப கட்டமைப்பு சரியாக இல்லாத
நாட்டில் அணுக கழிவுகளை எப்படி கசிவு இல்லாமல் பாதுகாக்க போகிறார்கள்
என்பது பதில் சொல்ல முடியாத பெரிய கேள்வி தான்..?

இன்று ஒரு தகவல்.

அட இதெல்லாம் ஒரு பெரிய பிரச்சினையா எங்க அணு விஞ்ஞானி மத்திய அமைச்சர் நாராயணசாமியை விட்டு கதிர்வீச்சு எல்லாம் பொய் அல்-கொய்தா கிளப்பி விட்ட புரளி என்று ஒரு அறிக்கை விட சொன்னா முட்டாள் அமெரிக்க மக்கள் உடனே நம்பிடுவாங்க.

ராஜா wrote:அட இதெல்லாம் ஒரு பெரிய பிரச்சினையா எங்க அணு விஞ்ஞானி மத்திய அமைச்சர் நாராயணசாமியை விட்டு கதிர்வீச்சு எல்லாம் பொய் அல்-கொய்தா கிளப்பி விட்ட புரளி என்று ஒரு அறிக்கை விட சொன்னா முட்டாள் அமெரிக்க மக்கள் உடனே நம்பிடுவாங்க.

ராஜா சொல்வதுபோல் அமெரிக்காவுக்கு இந்த ஆபத்தை விட அவர்கள் முன்னேற்றத்துக்கு மிக பெரிய தடை அவங்களுக்கு நாராயணசாமி போல் அறிவாளி அவங்க அமைச்சரவையில் இல்லை என்பதே.

அவருக்கு அமெரிக்க குடியுரிமை கொடுத்து அமெரிக்காவை காப்பாற்றலாம் - நம்மளையும் காப்பாத்திடுவாங்க