அஷ்வின் 6 விக்கெட்: கிளார்க் சதத்தில் மீண்டது ஆஸி.,

**Powenraj** · **Powenraj** Sat Feb 23, 2013 11:23 am

http://imgsports.dinamalar.com/Sports/editorial/sites/vssports.vishwak.com/files/Ashwin-300.jpg
சென்னை: சென்னை டெஸ்டில்"சுழலில்' அசத்திய இந்தியாவின் அஷ்வின் 6 விக்கெட் கைப்பற்றினார். ஆஸ்திரேலிய அணிக்கு கேப்டன்மைக்கேல் கிளார்க் கைகொடுத்தார். தூணாக நின்ற இவர் சதம் அடிக்க, மிகப் பெரும் சரிவில் இருந்து மீண்டது.
இந்தியா வந்துள்ள ஆஸ்திரேலிய அணி நான்கு போட்டிகள் கொண்ட டெஸ்ட் தொடரில் பங்கேற்கிறது. முதல் போட்டி சென்னையில் உள்ள சேப்பாக்கம் மைதானத்தில் நேற்று துவங்கியது. "டாஸ்' வென்ற ஆஸ்திரேலிய கேப்டன் மைக்கேல் கிளார்க்,"பேட்டிங்' தேர்வு செய்தார்.
புவனேஷ் அறிமுகம்:
இந்திய அணியில் துவக்க வீரர் முரளி விஜய் வாய்ப்புபெற்றார். நீண்ட இடைவேளைக்கு பின் சுழற்பந்து வீச்சாளர் ஹர்பஜன் இடம் பிடித்தார். பிரக்யான் ஓஜா நீக்கப்பட்டார். இளம் வீரர் புவனேஷ்வர் குமார், அறிமுக வீரராக வாய்ப்பு பெற்றார். இதே போல ஆஸ்திரேலிய அணிக்கு"ஆல் ரவுண்டர்' ஹென்ரிக்ஸ் அறிமுக வீரராக களமிறங்கினார்.
மிரட்டிய அஷ்வின்:
ஆஸ்திரேலிய அணிக்கு கோவன், வார்னர் ஜோடி துவக்கம் தந்தது. "சுழலில்' மிரட்டிய தமிழக வீரர் அஷ்வின், முதலில் கோவனை (26) வெளியேற்றினார். அடுத்து வந்த ஹியுசையும் (6)"பெவிலியனுக்கு' அனுப்பினார். எதிர்முனையில்சிறப்பான ஆட்டத்தை வெளிப்படுத்திய வார்னர் (58), அரைசதம் கடந்த நிலையில், அஷ்வினிடமே சிக்கினார். பின் ஆபத்தான வாட்சனை (28) அவுட்டாக்கிய அஷ்வின், மாத்யூ வேடையும் (12) வெளியேற்றினார். இப்படி"டாப்-ஆர்டரை' அஷ்வின் அசைக்க, ஆஸ்திரேலிய அணி 5 விக்கெட்டுக்கு 153 ரன்கள் எடுத்து தத்தளித்தது.
ஹென்ரிக்ஸ் அபாரம்:
பின் கேப்டன் மைக்கேல் கிளார்க் உடன் இணைந்த ஹென்ரிக்ஸ் பொறுப்பான ஆட்டத்தை வெளிப்படுத்தினார். இருவரும் இணைந்து அணியை சரிவில் இருந்து மீட்டனர். 6வது விக்கெட்டுக்கு இந்த ஜோடி 151 ரன்கள் சேர்த்தது. ஹென்ரிக்ஸ் (68), டெஸ்ட் அரங்கில் முதல் அரைசதம் கடந்தார். இவரும் அஷ்வினிடம் சரணடைந்தார். பொறுப்பாக ஆடிய கிளார்க், டெஸ்ட் அரங்கில் 23வது சதத்தை பதிவு செய்தார். ரவிந்திர ஜடேஜா பந்தில் ஸ்டார்க்(3) போல்டானார்.
முதல் நாள் ஆட்ட நேர முடிவில், ஆஸ்திரேலிய அணி முதல் இன்னிங்சில் 7 விக்கெட்டுக்கு 316 ரன்கள் எடுத்தது. கிளார்க் (103), சிடில் (1) அவுட்டாகாமல் இருந்தனர்.
இந்தியா சார்பில் "சுழலில்' மிரட்டிய அஷ்வின் 6 விக்கெட் கைப்பற்றினார். 100வது டெஸ்டில் களமிறங்கிய, ஹர்பஜன் சிங் உள்ளிட்ட, மற்ற பவுலர்கள் ஏமாற்றம் அளித்தனர்.
இன்று ஆஸ்திரேலியாவின் எஞ்சிய விக்கெட்டுகளை இந்திய பவுலர்கள் விரைவாக கைப்பற்ற வேண்டும். தவறினால் நம்மவர்களுக்கு சிக்கல் ஏற்படும்.
-
தினமலர்

அஷ்வின் 6 விக்கெட்: கிளார்க் சதத்தில் மீண்டது ஆஸி.,

அஷ்வின் 6 விக்கெட்: கிளார்க் சதத்தில் மீண்டது ஆஸி.,

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக