உணவில் "கொள்ளு" - கொள்ளு துவையல்! 2

by **krishnaamma** Sat Feb 23, 2013 7:25 pm

First topic message reminder :

கொள்ளு நம் உடலுக்கு ரொம்ப நல்லது. உடலுக்கு 'சூடு' தரும், சளி யை விரட்ட ரொம்ப நல்லது. குளிர் காலங்களில் இதை சூப் வைத்து குடிக்கலாம். உடலில் இருக்கும் ஊளை சதை யை குறைக்கும். எனவே தான் கொழுத்தவனுக்கு கொள்ளு என்று சொல்வார்கள் புன்னகை

இந்த திரி இல் கொள்ளை உபயோகித்து செய்யக்கூடிய சில சமையல் குறிப்புகளை பார்க்கலாம் புன்னகை

by **krishnaamma** Thu May 09, 2013 2:15 pm

தேவையானவை :

முளை கட்டிய கொள்ளு - 1 கப்,
தேங்காய் - 1 மூடி,
உப்பு - ஒரு சிட்டிகை
வெல்லம் - 1 1/ 4 கப்
ஏலப்பொடி 1 டீ ஸ்பூன்
நெய் 2 டீ ஸ்பூன்

செய்முறை :

கொள்ளை உப்பு சேர்த்து வேக வைத்து வடிகட்டவும்.
வாணலி இல் வெந்த கொள்ளை கொட்டி, வெல்லத்தைப் பொடித்துச் சேர்க்கவும்.
ஏலப்பொடி போடவும்; நெய் விடவும்; நன்கு கிளறவும்.
சுண்டல் நன்கு சேர்ந்து வந்ததும், தேங்காய்த் துருவல் போட்டுக் கிளறி இறக்கவும்.
குழந்தைகளும் விரும்பி சாப்பிடுவார்கள் புன்னகை

by **ஜாஹீதாபானு** Thu May 09, 2013 2:37 pm

இவுங்க பண்ணுற லொள்ளுக்கு ஏதாவது கொள்ளு சூப் இருக்காம்மா

by balakarthik Thu May 09, 2013 2:49 pm

ஜாஹீதாபானு wrote:இவுங்க பண்ணுற லொள்ளுக்கு ஏதாவது கொள்ளு சூப் இருக்காம்மா

கொல்லும் சூப் பாயசம் இருக்கே

by ராஜு சரவணன் Thu May 09, 2013 2:53 pm

balakarthik wrote:
ஜாஹீதாபானு wrote:இவுங்க பண்ணுற லொள்ளுக்கு ஏதாவது கொள்ளு சூப் இருக்காம்மா
கொல்லும் சூப் பாயசம் இருக்கே

உங்களுக்கு கொள்ளு சூப் வைக்க கூடாது கல்லு சூப் வைக்கணும்.

by balakarthik Thu May 09, 2013 2:55 pm

பனன்கல்ல இல்ல தென்னங்கல்லா ரெண்டுமே எனக்கு இஷ்ட்டம்

by **krishnaamma** Fri May 10, 2013 11:04 am

தேவையானவை:

கொள்ளு - 2 கப்
வெங்காயம் - 1
தக்காளி - 1
பூண்டு - 3 பல்
புளி தண்ணீர் - 1 கப்
மிளகு பொடி - 1 ஸ்பூன்
சோம்பு - 1 ஸ்பூன்
தனியா பொடி- 1 ஸ்பூன்
கறிவேப்பிலை,கடுகு, உளுத்தம் பருப்பு,எண்ணெய் தாளிக்க.
உப்பு

செய்முறை:

கொள்ளு பருப்பை 5 நிமிடங்கள் வறுத்து, பூண்டு சேர்த்து குக்கரில் வேகவைக்கவும்.
வேகவைத்த கொள்ளு பருப்புடன் தனியாபொடி,மிளகு பொடி, புளி தண்ணீர் ஆகியவற்றை சேர்த்து கொதிக்கவிடவும்.
ஒரு வாணலியில் எண்ணெய் ஊற்றி கடுகு, உளுத்தம் பருப்பு, கறிவேப்பிலை, சோம்பு, வெங்காயம், தக்காளி சேர்த்து தாளித்து கொள்ளு பருப்பு கலவையோடு சேர்க்கவும்.
சப்பாத்திக்கு தொட்டுக்கொள்ள ரொம்ப நல்லா இருக்கும்.

by **krishnaamma** Fri May 10, 2013 11:09 am

balakarthik wrote:பனன்கல்ல இல்ல தென்னங்கல்லா ரெண்டுமே எனக்கு இஷ்ட்டம்

என்ன ஸ்பெலிங் எழுதரேள் பாலா? அது 'கல் ' இல்லை 'கள்' புன்னகை

by **krishnaamma** Fri May 10, 2013 11:18 am

தேவையான பொருட்கள்.....

முளைவிட்ட கொள்ளு - 1 கப்
வெங்காயம் - 1 ( பொடியாக நறுக்கவும் )
பச்சை மிளகாய் - 1 ( பொடியாக நறுக்கவும் )
தக்காளி - 1 ( பொடியாக நறுக்கவும் )
காரட் - 1 ( பொடியாக நறுக்கவும் )
வெள்ளரிக்காய் - 1 ( பொடியாக நறுக்கவும் )
கொத்தமல்லி - ( பொடியாக நறுக்கவும் )
உப்பு
எலுமிச்சைச்சாறு - 1 டேபிள் ஸ்பூன்
அல்லது மாங்காய் - 1 சிறியது ( பொடியாக நறுக்கவும் )

செய்முறை:

ஒரு பெரிய பேசினில் மேல் சொன்ன எல்லாவற்றையும் போட்டு 'gentle ' ஆக கலக்கவும்.
ரொம்ப அருமையாக இருக்கும்.
இதனை சாப்பிட மிகவும் சுவையாக இருக்கும்.
டயட்டில் இருப்பவர்களுக்கும் மிகவும் உகந்த சாலட் இது.

by **krishnaamma** Fri May 10, 2013 11:36 am

தேவையான பொருட்கள்

கொள்ளு - 1/2 கப்
சின்ன வெங்காயம் - 1/2 கப்
தக்காளி - 1
புளி ஜலம் - 1/2 கப் ( தேவையானால் )
மிளகாய் வற்றல் - 2 - 4
பூண்டு - 10 பல்லு
நல்லெண்ணெய் - 1 மேஜைக்கரண்டி
உப்பு

தாளிக்க :

கடுகு,கடலைப்பருப்பு, உளுத்தம் பருப்பு, பெருங்காயபொடி 1 சிட்டிகை , கறிவேப்பிலை

செய்முறை

கொள்ளை தண்ணீரில் (சுமார் 4 மணி நேரம்) ஊற வைத்து களைந்து, கொள் நனையும் வரை தண்ணீர் விட்டு குக்கரில் 'நறுக்' கென வேக வைத்துக் கொள்ளவும்.
வெங்காயம், தக்காளியை பொடியாக நறுக்கிக் கொள்ளவும்.
அடுப்பில் வாணலி வைத்து எண்ணெய் விட்டு காய்ந்ததும், வெங்காயம், பூண்டு போட்டு நன்றாக வதக்கவும்.
பிறகு மிளகாய், தக்காளி சேர்த்து நன்கு வதக்கவும்.
புளி ஜலம் சேர்க்கவும்.
அது நன்கு கொதிக்கும்போது,கொள்ளை சேர்த்து, அதனுடன் தேவையான அளவு உப்பு சேர்த்து கொதிக்கவிடவும்.
நன்கு ஆறியவுடன் மிக்ஸியில் அரைக்கவும்.
தனியே வாணலியில் சிறிது எண்ணெயைவிட்டு கடுகு, கடலைபருப்பு, உளுத்தம் பருப்பு, கறிவேப்பிலை சேர்த்து தாளித்து அதனை அரைத்த சட்டினியுடன் சேர்த்து நன்கு கிளறி பரிமாறவும்.
இந்த சட்னியை எந்த டிபனுடனும் பரிமாறலாம் அல்லது சாதத்துடனும் போட்டு சாப்பிடலாம் புன்னகை