உணவில் "கொள்ளு" - கொள்ளு துவையல்! 2

**krishnaamma** · **krishnaamma** Sat Feb 23, 2013 7:25 pm

First topic message reminder :

கொள்ளு நம் உடலுக்கு ரொம்ப நல்லது. உடலுக்கு 'சூடு' தரும், சளி யை விரட்ட ரொம்ப நல்லது. குளிர் காலங்களில் இதை சூப் வைத்து குடிக்கலாம். உடலில் இருக்கும் ஊளை சதை யை குறைக்கும். எனவே தான் கொழுத்தவனுக்கு கொள்ளு என்று சொல்வார்கள் புன்னகை

இந்த திரி இல் கொள்ளை உபயோகித்து செய்யக்கூடிய சில சமையல் குறிப்புகளை பார்க்கலாம் புன்னகை

யினியவன் · யினியவன் Thu May 09, 2013 12:33 am

அதுதான் தமிழ் அம்மா வாழ்த்தாமே - அதான் புன்னகை

ராஜு சரவணன் · ராஜு சரவணன் Thu May 09, 2013 12:46 am

என்ன தலைவரே ரெண்டு நாளா சளி தொல்லைனு புலம்பனிங்க இப்ப எப்படி இருக்கு

யினியவன் · யினியவன் Thu May 09, 2013 12:59 am

சளித் தொல்லை கெடக்குது அது ஒரு வாரத்துல சரி ஆயிடும்.

முடிக்கு நீங்க என்ன வைத்தியம் பண்றதா உத்தேசம்?

**Dr.சுந்தரராஜ் தயாளன்** · 03/09/2011

krishnaamma wrote:முதலில் கொள்ளு சூப் , இதை வேகவைத்து அல்லது வரத்து செய்வார்கள். முதலில் வேகவைத்து செய்யும் முறை

தேவையானவை:

கொள்ளு - 1 கப்
மிளகு - 1/2 ஸ்பூன்
சீரகம் - 1/2 ஸ்பூன்
பூண்டு - 2 பல்
தக்காளி - 1
கொத்தமல்லித்தழை- சிறிது
மஞ்சள் போடி - 1/4 ஸ்பூன்

செய்முறை:

கொள்ளை குக்கரில் வைத்து 3 கப் தண்ணீர் விட்டு 4 விசில் வரும்வரை வைக்கவும்.
வேக வைத்த கொள்ளு மற்றும் மிளகு,சீரகம், பூண்டு ,தக்காளி இவை யாவற்றையும் ஒன்றாக மிக்ஸியில் அரைக்கவும்.
பிறகு,நன்கு கரைத்து, மஞ்சள் பொடி, உப்பு போட்டு அடுப்பில் வைத்து கொதித்ததும், கொத்துமல்லி தூவி இறக்கவும்.
சுவையான கொள்ளு சூப் தயார்
சிறிய குழந்தைகள் முதல் வயதானவர்கள் வரை அருந்தலாம்.
குளிர் காலங்களில் இந்த சூப் குடித்தால் சளி பிடிக்காது.
அல்லது சளி பிடித்திருக்கும் போது குடித்தால் சளி சரியாகும்.

குறிப்பு: பூண்டின் பச்சை வாசனை பிடிக்காதவர்கள் பூண்டு மற்றும் தக்காளி யை வதக்கி அரைக்கலாம்

கிருஷ்ணம்மா அவர்களுக்கு நன்றி. நல்ல பதிவு. இந்த கொள்ளு மற்றும் பூண்டு குறித்து நான் முன்பே ஒரு குறள் வெண்பா எழுதியது ஞாபகம் வருகிறது. இதோ அதைக் கீழே கொடுத்துள்ளேன்:

கொள்ளுரசம் வைத்தே குடித்திடுக கூடவே
வெள்ளைப்பல் வெந்தநறும் பூண்டு

:வணக்கம்:

ராஜு சரவணன் · ராஜு சரவணன் Thu May 09, 2013 9:29 am

கொள்ளுவின் மகத்துவம் குறளிலிலும் உள்ளதை கண்டு ஆச்சரியமடைகிறேன் புலமையே!

இந்த குறளில் வெந்தநறும் என்றால் என்ன?

**சிவா** · **சிவா** Thu May 09, 2013 9:30 am

கொழுப்பைக் குறைக்க கொள்ளு வாங்கி வைத்துள்ளேன் அக்கா, இன்னும் சமைக்கத் துவங்கவில்லை! தொடர்ந்து எளிய குறிப்புக்களாக வழங்குங்கள். சமையலைத் துவங்கிவிடுகிறேன்!

யினியவன் · யினியவன் Thu May 09, 2013 9:31 am

வேகவைத்த நல்ல என்று நினைக்கிறேன்

**krishnaamma** · **krishnaamma** Thu May 09, 2013 9:39 am

உடலில் இருக்கும் கொழுப்பு, ஊளைச் சதையைக் குறைக்க, மூட்டுவலி போன்ற பல பிரச்சினைகளுக்கு கொள்ளு மிகவும் நல்லது. அடிக்கடி உணவில் சேர்ப்பது, உடலுக்கு அதிக வலுவைக் கொடுக்கக் கூடியது. இந்தப் பொடியில் சாதம் கலந்து கேதுவுக்கு வேண்டுதல் செய்வா. இதற்கு 'காணா பொடி' என்றும் பெயர்.

தேவையான பொருள்கள்:

கொள்ளு – 1/2 கப்
துவரம் பருப்பு – 1/2 கப்
மிளகாய் வற்றல் – 3 - 5
மிளகு – 2 டீஸ்பூன்
பூண்டு – 4 பல் (விரும்பினால்)
பெருங்காயம்
உப்பு

செய்முறை :

துவரம் பருப்பு, கொள்ளு இரண்டையும் தனித்தனியாக எண்ணெய் விடாத வெறும் வாணலியில் சிவக்க வறுத்துக் கொள்ளவும்.
மிளகாய், மிளகு, ( நசுக்கிய பூண்டு) தனித்தனியாக நன்கு வறுத்துக் கொள்ளவும்.
நன்கு ஆறியதும் வறுத்த பொருள்களுடன் உப்பு சேர்த்து மிக்ஸியில் பொடிக்கவும்.
காற்றுப் புகாத பாட்டிலில் எடுத்துவைக்கவும்.
சுடு சாதத்தில் போட்டு எண்ணெய் விட்டு சாப்பிடவும்.

**krishnaamma** · **krishnaamma** Thu May 09, 2013 9:40 am

சிவா wrote:கொழுப்பைக் குறைக்க கொள்ளு வாங்கி வைத்துள்ளேன் அக்கா, இன்னும் சமைக்கத் துவங்கவில்லை! தொடர்ந்து எளிய குறிப்புக்களாக வழங்குங்கள். சமையலைத் துவங்கிவிடுகிறேன்!

நல்லது சிவா புன்னகை

கொள்ளை வெறுமனே ஊறவைத்து முளை கட்டி கூட சாப்பிடலாம் சிவா புன்னகை

சமைக்கணும் என்கிற அவசியமே இல்லை, முளை கட்டிய தானியங்கள் ரொம்ப நல்லது அல்லவா?

**krishnaamma** · **krishnaamma** Thu May 09, 2013 9:41 am

யினியவன் wrote:
krishnaamma wrote:
போட்டா போச்சு
.
கொள்ளு பொடி கூட இருக்கு பாலாஜி , 'காணா பொடி " என்று கூட சொல்வார்கள் அதை
சாப்பிடறவங்க காணாம போயிடறதால காணா பொடீன்னு பேராம்மா?

தெரியலையே இனியவன் அநியாயம்

Sponsored content · Sponsored content

உணவில் "கொள்ளு" - கொள்ளு துவையல்! 2

உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

கொள்ளு பொடி - 'காணா பொடி'

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

Re: உணவில் "கொள்ளு" - கொள்ளு துவையல்! 2

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக