உடல் எடையைக் குறைக்கும் மாத்திரை உட்கொண்டு உயிரை இழந்த ஹைதராபாத்தின் பணக்கார மகன்!..

தனது உடல் எடையைக் குறைத்து சிக்ஸ் பேக்ஸ் போன்று கட்டுடலாகக் கொண்டுவருவதற்கு மாத்திரைகளை உட்கொண்ட ஹைதரபாத்தின் பணக்காரர் ஒருவரின் 18 வயது மகன், லண்டனில் உயிரிழந்தார்.

ஹைதராபாத்தின் மில்லியனர் ஒருவரின் மகன் சர்மத் அலாதின். 18 வயது மாணவரான இவர், குண்டான தனது உடலில் சதையைக் குறைத்து, உடலைக் கட்டாக வைத்துக் கொள்ள எண்ணினார். உலகில் பல்வேறு உயிரிழப்புகளுக்குக் காரணமான டிஎன்பி என்ற வகை மருந்தினைக் கொண்ட மாத்திரைகளை அதிகம் எடுத்துக் கொண்டார்.

இவரது மருத்துவ அறிக்கை குறித்து தெரிவித்த மருத்துவர்கள், இந்த மாணவர் எடை குறைக்கும் மாத்திரைகளை அதிகம் உட்கொண்டதால், சதையை அது எரித்து உயிரிழப்புக்குக் காரணமாகிவிட்டது என்று கூறியுள்ளனர்.

பேஸ்புக் சமூக வலைப்பக்கத்தில் டிஎன்பி என்று கூறப்படும் சதைஎரிப்பு மருந்தினை வாங்கி உட்கொண்டுள்ளார் அலாதீன். இதனை எடுத்துக் கொண்டதும், பேஸ்புக்கில் அவ்வப்போது தனது சதைகள் உருண்டு திரண்டு வருவது போல் முஷ்டியை மடக்கி புகைப்படம் எடுத்து வெளியிட்டுள்ளார்.

பெர்ன்ஹாம் பல்கலைக்கு அருகே சர்ரேய் என்ற இடத்தில் எப்சம் பகுதியில் வசித்து வந்த இந்த மாணவர், பல்கலை சார்பிலான தங்கும் இடத்தில் இருந்துள்ளார்.

அவரது நண்பர் ஒருவர் இவரின் செயல் குறித்து மிகவும் விமர்சித்துள்ளார். “இப்படி எல்லாம் உடலுக்கு எடுத்துக் கொண்டு உடனே மாற்றி விடமுடியாது, அதுபோன்ற பேர்வழியும் அல்ல அலாதீன். நான் எவ்வளவோ எடுத்துச் சொன்னேன். உன்னை இந்த மருந்து குறித்து தவறாக வழிநடத்துகிறார்கள் என்று. அவர் இறந்தபோகும் வரை நான் அழுது தீர்த்துள்ளேன்” என்று கூறியுள்ளார்.

இவரது நடவடிக்கை குறித்து பல்கலையும் எச்சரிக்கை விடுத்திருந்ததாம். பின்னர் அனைத்து மாணவர்களுக்கும் இந்த மருந்துகள் குறித்து எச்சரிக்கை அறிவிப்பும் அளித்துள்ளது.

இந்த மருந்து குறித்து ஆய்வுமுடிவுகளை அறிந்த அதிகாரிகள் குழு, சுமார் 60பேரின் மரணத்துக்குக் காரணமாக இந்த மருந்து உள்ளது என்று கூறியுள்ளனர். புதன்கிழமை இரவு அலாதீனின் மரணத்தைக் கேள்விப்பட்டு, ஹைதராபாத்தில் இருந்து அவரது குடும்பம் லண்டனுக்குப் பறந்துள்ளது.

டிஎன்பி என்ற இந்த மருந்து, பல்வேறு பெயர்களில் இருந்தாலும், 2,4-டிரினிட்ரோபீனால் என்ற மருந்துவகையைக் கொண்டது.

தினமணி

அனைத்திற்கும் மருந்து தீர்வாகாது என்பதற்கு சிறந்த உதாரணம்!

ரொம்ப பாவம் பேராசை பெருநஷ்டத்தில் முடிந்துவிட்டது .....ச்சோ....ச்சோ

புற அழகை கூட்ட நினைக்க
உயிர் கூடு விட்டு பறந்த பரிதாபம்

இந்த செய்தியால் எனக்கு வருத்தமில்லை. வருத்தமே இல்லை. இல்லவே இல்லை

இருக்கிறதை வச்சுக்கிட்டு வாழமா இப்படி அதிக ஆசைபட்டால் இப்படி தான்!

அடப்பாவி

சிவா wrote:அனைத்திற்கும் மருந்து தீர்வாகாது என்பதற்கு சிறந்த உதாரணம்!

சரியா சொன்னீங்க தல

இது தான் அந்தப்பையன் போட்டோ