உலக சாதனைத் கவிதைத் தொகுப்பு

by yarlpavanan Fri Feb 22, 2013 3:37 pm

உலக சாதனைத் கவிதைத் தொகுப்பு

தமிழகக் கவிஞர் கலை இலக்கியச் சங்க வெளியீடாக "கவி விசை" என்னும் உலக சாதனைத் கவிதைத் தொகுப்பு ஒன்று 09/02/2013 அன்று வெளியாகியுள்ளது. இந்நூலில் எனது கவிதை உட்பட 402 கவிஞர்களின் கவிதைகள் உள்வாங்கப்பட்டிருக்கிறது. இதில் அரசியல், சமயம் சாராத 25 அடிகளுக்குட்பட்ட பல துறை சார்ந்த பதிவுகள் உள்ளடங்கி உள்ளன.

முதலில் இவ்வுலக சாதனைத் கவிதைத் தொகுப்பு 5005 கவிஞர்களை ஆசிரியர்களாக இணைத்து உருவாக்கப்பட இருந்தது. என்ன காரணமோ ஏதுமறியேன்; ஈற்றில் 402 கவிஞர்கள் இணைந்துவிட்டனர். இந்நூலை தமிழகக் கவிஞர் கலை இலக்கியச் சங்கம் அழகுற வடிவமைத்துள்ளதோடு தரமான கவிதைகளையே தெரிவுசெய்துமுள்ளனர்.

எப்படியிருப்பினும் தமிழகக் கவிஞர் கலை இலக்கியச் சங்கத்தின் முயற்சிக்குத் தமிழ்ப் பற்றுள்ள ஒவ்வொரு தமிழரும் நன்றி கூற வேண்டும். உலகத் தமிழ்க் கவிஞர்களை இணைத்து இன்னும் பல நூல்களை ஆக்கி வெளியிடக் கூடியவர்கள் என நிரூபித்தமையைப் பாராட்ட வேண்டும். இவர்கள் பணி உலகெங்கும் தமிழைப் பரப்பிப் பேண உதவுமென நம்புகிறேன்.

தமிழகக் கவிஞர் கலை இலக்கியச் சங்கத்தின் 402 கவிஞர்களின் கவிதைகள் உள்ளடங்கிய "கவி விசை" என்னும் உலக சாதனைத் கவிதைத் தொகுப்பைப் பதிவிறக்கிக்கொள்ள கீழ்வரும் இணைப்பைச் சொடுக்குக.

http://tamilkavinjarsangam.yolasite.com/%E0%AE%AE%E0%AE%BF%E0%AE%A9%E0%AF%8D%E0%AE%A9%E0%AF%82%E0%AE%B2%E0%AF%8D-%E0%AE%AA%E0%AE%A4%E0%AE%BF%E0%AE%B5%E0%AE%BF%E0%AE%B1%E0%AE%95%E0%AF%8D%E0%AE%95%E0%AE%AE%E0%AF%8D.php

இந்நூலைப் பதிவிறக்கிப் பார்வையிட்ட பின்னர், உங்கள் கருத்தைப் பகிருங்கள். இந்நூலில் எனது கவிதை 128 ஆம் பக்கத்தில் உள்ளது. இந்நூலில் வெளியான எனது கவிதையைக் கீழே தருகின்றேன்.

கடற்கோள்(2004) காட்டிக்கொடுத்த நற்றமிழ்!

கடற்கோளென தொடுவானொடுவந்த அலைதான்
நத்தார் பெருநாள் வழிபாட்டையும் விழுங்கினான்
இந்து, இஸ்லாம், கத்தோலிக்கமெனத் தான்
எல்லா இன, மத, ஊர், நாட்டு உறவுகளைத் தான்
கூட்டியள்ளிக் கொண்டுபோன துயரைத் தான்
எவர் தான், மறப்பது எப்படித் தான்?
ஆற்றுப்படுத்த அறிஞர்கள் நூல்களை அலசத்தான்
குமரிக்கண்டம் தமிழர் நிலமென்று தான்
"கல்தோன்றி மண்தோன்றாக் காலத்தே வாளொடு
முன்தோன்றி மூத்த குடி" என்று தான்
புறப்பொருள் வெண்பா மாலையிலே தான்
புலவர் ஐயனாரிதனார் கூறிய தமிழர் தான்
வாழ்ந்த குமரியுமுடையத் தமிழருமழியத் தான்
முன்னொருகால் விழுங்கியதும் கடற்கோள் தான்!
முன்தோன்றிய உலகின் மூத்த தமிழ்க்குடி தான்
எழுதிப் பேசிய உலகின் மூத்த மொழியைத் தான்
ஊடுருவி, துருவிப் பார்த்தால் தான்
வடமொழி, ஆங்கிலமெனப் பல மொழிகள் தான்
நுழைந்துவிட இன்றது தமிழில்லைத் தான்!
வேர்ச் சொல்லறிந்து நற்றமிழ் பேசேல் தான்
நாளை நாம் தமிழரில்லைக் காண்!

by யினியவன் Fri Feb 22, 2013 3:44 pm

வாழ்த்துகள் யார்ல்பவணன்

தங்கள் கவிதை நன்று

by யினியவன் Fri Feb 22, 2013 4:02 pm

ஈகரையில் இருக்கும் இவர்களின் கவிதைகளும் இருக்கு:

இரா இரவி
காயத்ரி வைத்தியநாதன்
பேனா முனை பாரதி
ஷீநிசி
தமிழ்நேசன்
கரூர் கவியன்பன்
தயாளன் அய்யா

வாழ்த்துகள் அனைவருக்கும்

by பூவன் Fri Feb 22, 2013 4:04 pm

யினியவன் wrote:ஈகரையில் இருக்கும் இவர்களின் கவிதைகளும் இருக்கு:

இரா இரவி
காயத்ரி வைத்தியநாதன்
பேனா முனை பாரதி
ஷீநிசி
தமிழ்நேசன்
கரூர் கவியன்பன்
தயாளன் அய்யா

வாழ்த்துகள் அனைவருக்கும்

அனைவருக்கும் வாழ்த்துகள் ... சூப்பருங்க

by யினியவன் Fri Feb 22, 2013 4:17 pm

ஹிஷாலி கவிதையும் இருக்கு.

பூவன் கவிதை இருக்காம் - எந்த பெயரில் என்று தெரியவில்லையே!!!

by யினியவன் Fri Feb 22, 2013 4:20 pm

முகம் காண முடியாமல் - சரியா பூவன் - வாழ்த்துகள்

by **ஜாஹீதாபானு** Fri Feb 22, 2013 4:20 pm

அனைவருக்கும் வாழ்த்துகள் சூப்பருங்க

by ச. சந்திரசேகரன் Sat Feb 23, 2013 2:51 am

தங்களின் கவிதை நன்று யாழ்பாவாணன் அவர்களே.

விருப்பப் பொத்தானை பாவித்தேன்.

அனைவருக்கும் வாழ்த்துக்கள்.

by yarlpavanan Sat Feb 23, 2013 5:04 am

யினியவன் wrote:ஈகரையில் இருக்கும் இவர்களின் கவிதைகளும் இருக்கு:

இரா இரவி
காயத்ரி வைத்தியநாதன்
பேனா முனை பாரதி
ஷீநிசி
தமிழ்நேசன்
கரூர் கவியன்பன்
தயாளன் அய்யா

வாழ்த்துகள் அனைவருக்கும்

எல்லோருக்கும் என் வாழ்த்துகள்