வைரம் பதித்த திருப்பதி பாலாஜி திருவுருவத்துடன் கைக்கடிகாரம் அறிமுகம்

**krishnaamma** · **krishnaamma** Thu Feb 21, 2013 9:21 pm

ஐதராபாத், பிப். 21-

ஆந்திராவில் சித்தூர் மாவட்டத்தில் உள்ள புகழ்பெற்ற திருப்பதி வெங்கடேசப் பெருமாள் கோவில், வைணவர்கள் போற்றும் 108 திவ்ய தேசங்களில் 2-ம் இடத்தில் உள்ளது. மிகவும் செல்வாக்கு மிகுந்த கடவுளாக திகழும் இந்த திருப்பதி பாலாஜியின் தரிசனம் எப்போதும் கிடைக்க வேண்டும் என்றே அவரது பக்தர்கள் விரும்புவார்கள்.

அவர்களின் ஆவலை நிறைவேற்றும் வகையில் சுவிட்சர்லாந்து நிறுவனம் அழகான, ஆடம்பரமான கைக்கடிகாரத்தை அறிமுகம் செய்துள்ளது. தங்கத்தில், ரூபி, எமரால்டு மற்றும் வைரம் பதிக்கப்பட்ட பாலாஜியின் உருவம் கொண்ட அந்த கடிகாரத்தின் விலை ரூ.27 லட்சம். 333 கைக்கடிகாரங்களை மட்டுமே தயாரித்துள்ள சுவிஸ் நிறுவனம் உலகம் முழுவதும் விற்பனைக்கு அனுப்பி வைத்துள்ளது.

இந்த முன்முயற்சிக்கு திருப்பதி கோவிலை நிர்வகித்து வரும் அறக்கட்டளை ஒப்புதல் அளித்துள்ளது. அறக்கட்டளையின் கீழ் செயல்படும் மருத்துவமனைக்காக இந்த கைக்கடிகாரங்களின் ஒரு பகுதியை விற்பனை செய்ய ஒப்புக்கொண்டிருக்கிறது.

நன்றி : தினமணி

**T.N.Balasubramanian** · **T.N.Balasubramanian** Thu Feb 21, 2013 9:42 pm

மனதில் வைத்து பூஜை செய்யவேண்டிய கடவுளை , வியாபார பொருளாக்கி , லாபம் பார்க்க நினைப்பது , என்னை பொருத்தவரையில் சரியாக படவில்லை. கையில் கட்டிக்கொண்டு ,நல்ல காரியங்கள் செய்பவரும் உண்டு.லாபம் கருதி செயல் படும் வேறு பல காரியங்கள் , கையில் இருக்கையில் செய்கையில் கடவுளை அவமானப்படுத்துதல் ஆகாதா? இதை விற்பனை செய்துதான் அறக்கட்டளைக்கு நிதி வரவேண்டிய அவசியம் இல்லவே இல்லை.
ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

**சிவா** · **சிவா** Fri Feb 22, 2013 12:00 pm

கடிகாரத்தின் விலை ரூ.27 லட்சம்

இவ்வாறான விலை குறைந்த கடிகாரங்கள் நான் வாங்கிப் பயன்படுத்துவதில்லை! ரிலாக்ஸ்

**krishnaamma** · **krishnaamma** Fri Feb 22, 2013 12:13 pm

T.N.Balasubramanian wrote:மனதில் வைத்து பூஜை செய்யவேண்டிய கடவுளை , வியாபார பொருளாக்கி , லாபம் பார்க்க நினைப்பது , என்னை பொருத்தவரையில் சரியாக படவில்லை. கையில் கட்டிக்கொண்டு ,நல்ல காரியங்கள் செய்பவரும் உண்டு.லாபம் கருதி செயல் படும் வேறு பல காரியங்கள் , கையில் இருக்கையில் செய்கையில் கடவுளை அவமானப்படுத்துதல் ஆகாதா? இதை விற்பனை செய்துதான் அறக்கட்டளைக்கு நிதி வரவேண்டிய அவசியம் இல்லவே இல்லை.
ரமணியன்

நீங்க சொல்வது சரிதான், இதை விற்பனை செய்துதான் அறக்கட்டளைக்கு நிதி வரவேண்டிய அவசியம் இல்லை தான். ஆனால் கை இல் 'பெருமாள்' மோதிரம் போடுவது போலத்தான் இதுவும் என்று நினைக்கிறேன். தவறானால் மன்னிக்கவும். என்ன கொஞ்சம் காஸ்ட்லி வாட்ச் . புன்னகை

Sponsored content · Sponsored content

வைரம் பதித்த திருப்பதி பாலாஜி திருவுருவத்துடன் கைக்கடிகாரம் அறிமுகம்

வைரம் பதித்த திருப்பதி பாலாஜி திருவுருவத்துடன் கைக்கடிகாரம் அறிமுகம்

Re: வைரம் பதித்த திருப்பதி பாலாஜி திருவுருவத்துடன் கைக்கடிகாரம் அறிமுகம்

Re: வைரம் பதித்த திருப்பதி பாலாஜி திருவுருவத்துடன் கைக்கடிகாரம் அறிமுகம்

Re: வைரம் பதித்த திருப்பதி பாலாஜி திருவுருவத்துடன் கைக்கடிகாரம் அறிமுகம்

Re: வைரம் பதித்த திருப்பதி பாலாஜி திருவுருவத்துடன் கைக்கடிகாரம் அறிமுகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக