மின்கட்டண உயர்வால் அரசாங்கமே கவிழ்ந்தது - அதிர்ச்சியில் உலகம்!

by **Powenraj** Thu Feb 21, 2013 5:23 pm

http://www.thamilan.lk/news_images/973409568power.jpg
ஐரோப்பிய நாடான பல்கேரியாவில் கடுமையான மின்கட்டணம் உயர்த்தப்பட்டது. இதனால் நாட்டு மக்கள் வெகுண்டெழுந்தனர். போராட்டங்களில் குதித்தனர்.
-
போராட்டக்காரர்களை அமைதிப்படுத்தும் விதத்தில் நிதித்துறை மந்திரியை பிரதமர் பொய்க்கோ போரிசாவ் நீக்கினார். மின் கட்டண உயர்வை குறைப்பதாகவும் வாக்குறுதி அளித்தார்.
-
ஆனாலும் போராட்டங்கள் நீர்த்துப்போகவில்லை. போலீசாருக்கும் , போராட்டக்காரர்களுக்கும் இடையே நேற்று முன்தினம் மோதலும் வெடித்தது.இதையடுத்து பிரதமர் போரிசாவ் தலைமையிலான பல்கேரிய அரசு நேற்று பதவி விலகியது. இதை பத்திரிகையாளர்களிடம் போரிசாவ் முறைப்படி அறிவித்தார்.
-
அப்போது அவர் கூறும்போது , ‘‘ மக்களை தாக்குகிற போலீசாரை கொண்ட ஒரு அரசாங்கத்தில் நான் பங்கேற்க மாட்டேன் ’’ என்றார். பல்கேரியாவில் பாராளுமன்றத்தேர்தல் ஜூலைமாதம் நடத்த திட்டமிடப்பட்டிருந்தது. அது முன்கூட்டி நடத்தப்படுமா என்ற கேள்வி எழுந்துள்ளது.
-
நன்றி:தமிழன்