உன்னைத்தேடி...

**Powenraj** · **Powenraj** Thu Feb 21, 2013 11:56 am

http://www.thamilan.lk/news_images/453875081pome.jpg
வருடங்கள் பல கடந்தாலும்
ஏதேதோ மாற்றங்கள்
மனதினில்..!
காத்திருந்து நீளும்
இரவுகள்.. !
கனவுகளில் தொலையும்
நினைவுகள்..!
உனை பார்த்திட ஏங்கிடும்
கண்கள்.. !
உனை சேர்ந்திட துடிக்கும்இதயம்.. !
என ஏக்கங்களுடன்
நகர்கிறது என் வாழ்க்கை..!
-
செல்லமாய் உன் விழிகள்
என்னை தேட...
தொடரும் நிழலாய்
நீ எனைத்தொடர..
என் நெஞ்சத்து
ஆசைகளையெல்லாம் ,
சேர்ந்து அசை போட ,
என் சின்னச் சின்ன குறும்புகளை
உன்னிடம் செய்து அடம்பிடிக்க ,
பேசாத கதை எல்லாம் பேசிமுடிக்க
அன்பானவளாய் நீ என் கைப்பற்றும்
நாளை எண்ணியே
உனக்கான காத்திருப்புக்களுடன்
நீள்கிறது என் நாட்கள்..........!
-
அணு அணுவாய் நான்
ரசித்த உன் நிழல்ப்படங்களையும் ,
உன் நினைவாய்
நான் வடித்த கவிதைகளையும் ,
உன்னிடம் காட்டி ,
உன் அன்பு முகம் சிந்தும் சிரிப்பை ,
மழைச் சாரலாய் உள் வாங்கி ,
பரவசப்படும் நாளுக்காய் ,
தவமிருக்கிறது என் மனது...!!
-
மனதுக்குள் மெளனம்
மண்டியிட்டு உட்கார்ந்து
எதிர்கால நிகழ்வுளை
நிகழ்கால நிஜங்களாய்
எனை மீட்ட..
உன் வரவை
எதிர்பார்த்தபடி
ஏக்கத்துடன்
காத்திருக்கிறேன்
நீ வரும் நாளை எண்ணி....
-
நன்றி தமிழன்

chinnavan · chinnavan Thu Feb 21, 2013 11:58 am

நல்ல கவிதை அருமையிருக்கு

**Powenraj** · **Powenraj** Thu Feb 21, 2013 11:59 am

http://www.thamilan.lk/news_images/296979674win.jpg
சாதனை பயணத்தை
நோக்கி நடைபோடும் நீ
தளர்வது ஏனோ ?
சாதனையை நெருங்கும் போது
சோதனைகள் உன்னை நோக்கும்.
பிரிவுகள் உன்னை வாட்டும்.
நீ செல்லும் பாதை உன்
வாழ்க்கையின் அர்த்தம்.
கலங்கிடலாமோ நீ சொல்லு பெண்ணை!!
சோதனைகளை சாதனை ஆக்கு
வாழ்வு வளம் பெறும்.
கலங்கிடும் நேரமில்லை
கால்த்தடம் பதித்து தளராத துணிவோடு நட......

-
நன்றி தமிழன்