கேலி செய்தவர்களை தாக்கிய மாணவி மீது வழக்குப் பதிவு..

DERAR BABU · DERAR BABU Wed Feb 20, 2013 6:11 pm

தன்னைக் கேலி-கிண்டல் செய்தவர்களை தைரியமாக எதிர்கொண்டு, அவர்களை அடித்து, உதைத்த கல்லூரி மாணவி மீது வழக்குப் பதிவு செய்யப்பட்டுள்ளது.

திருவனந்தபுரத்தைச் சேர்ந்த கல்லூரி மாணவி அம்ரிதா, சங்குமுகம் கடற்கரையில் கடந்த பிப்ரவரி 14-ஆம் தேதி நடந்த,"ஒன் பில்லியன் ரைஸிங்' என்ற நிகழ்ச்சியில் கலந்து கொண்டுவிட்டு வீடு திரும்பிக் கொண்டிருந்தார்.

அப்போது, இளைஞர்கள் சிலர் அவரை கேலி-கிண்டல் செய்தனர். கராத்தே கலையில் கருப்புப் பட்டை வாங்கியுள்ள அம்ரிதா, அந்த இளைஞர்களை காலால் உதைத்தும், அடித்தும் துரத்தினார். இந்த சம்பவத்துக்காக, அவரை தொலைக்காட்சிகளும், பத்திரிகைகளும் பாராட்டின. மாநில அமைச்சர் ஒருவர் வீட்டுக்கே சென்று அம்ரிதாவை பாராட்டினார்.

மாணவியை கேலி-கிண்டல் செய்ததாக இரண்டு இளைஞர்கள் மீது போலீஸôர் வழக்குப் பதிவுசெய்தனர். இந்நிலையில், அந்த இளைஞர்களில் ஒருவர் நீதிமன்றத்தை அணுகி, மாணவி அம்ரிதா தன்னை தாக்கியதாகவும், தனது காரை மறித்ததாகவும் புகார் அளித்தார்.

இளைஞரின் புகார் குறித்து விசாரிக்குமாறு போலீஸூக்கு நீதிமன்றம் உத்தரவிட்டது. இதையடுத்து, மாணவி அம்ரிதாவுக்கு எதிராக போலீஸôர் திங்கள்கிழமை வழக்குப் பதிவுசெய்தனர்.

தினமணி