மிளகின் அற்புதமான மருத்துவ குணங்கள்

வரலாற்று ஆசிரியர்கள் கூற்றுப்படி கிமு 3000 ஆம் ஆண்டுகளிலிருந்து சிறந்து விளங்கிய கடல் வியாபாரத்தில் தங்கம் போல் விலை மதிக்க முடியாத ஒன்று மிளகு. மிளகை வீணடித்தால் உப்பு போட்டு அதில் நாள் முழுவதும் மண்டியிட வைக்கும் தண்டனை போர்ச்சுகல் நாட்டில் நடைமுறையில் இருந்தது.

மிளகில் உள்ள சத்துக்கள்:

தாது உப்புகள்
1. கால்சியம்
2. பாஸ்பரஸ்
3. இரும்பு

வைட்டமின்கள்
1. தயாமின்
2. ரிபோபிலவின்
3. ரியாசின்

சளித் தொல்லைக்கு:
மிளகை நன்றாக பொடித்து அதனை தேனுடன் கலந்து சாப்பிட்டு வர சளி தொல்லைகள் மற்றும் சளியினால் ஏற்படும் தொல்லைகளான மூக்கு ஒழுகுதல் குணமாகும். அதிகமாக சளி தொல்லைகள் உள்ளவர்கள் மிளகை நெய்யில் வறுத்து பொடித்து அதனை தினம் அரை ஸ்பூன் முன்று வேளை சாப்பிட்டு வர குணமாகும்.

கொஞ்சம் மிளகு, ஓமம், உப்பு சேர்த்து மென்று சாப்பிட்டு வந்தால் தொண்டை வலி குணமடையும். கல்யாண முருங்கை இலையுடன், அரிசி சிறிது மிளகு சேர்த்து அரைத்து தோசை செய்து சாப்பிட்டு வர சளி குணமாகும்.


பற்களுக்கு:
மிளகுடன் உப்பு சேர்த்து பல் துலக்கினால் பல்வலி, சொத்தை பல், ஈறுவலி, ஈறுகளிலிருந்து இரத்தம் வடிதல் குணமாகும், பற்களும் வெண்மையாக இருக்கும், வாயில் துர்நாற்றத்தை போக்கும்.

தலைவலி:
மிளகுடன் வெல்லம் சேர்த்து காலையும் மாலையும் சாப்பிட்டு வந்தால் தலைவலி, தலைபாரம் குணமாகும். மிளகை அரைத்து அதனை தலையில் பற்று போட்டால் தலைவலி குணமாகும். மிளகை சுட்டு அதன் புகையினை இழுத்தால் தலைவலி தீரும்.

இரத்தசோகைக்கு:
கல்யாணமுருங்கை இலை, முருங்கை இலை, மிளகு மற்றும் பூண்டு சேர்த்து அவித்து சாப்பிட்டு வந்தால் இரத்தசோகை குணமாகும் .

பசியின்மைக்கு:
ஒரு ஸ்பூன் அளவு மிளகை வறுத்து பொடி செய்து அதனுடன் கைபிடியளவு துளசியை சேர்த்து கொதிக்க வைத்து அதனை ஆற வைத்து அதனுடன் சிறிது அளவு தேன் கலந்து சாப்பிட்டு வர பசியின்மை குணமாகும் மற்றும் வயிறு உப்பசம் குணமடையும்.

மிளகு வயிற்றில் உள்ள வாய்வை அகற்றி உடலுக்கு வெப்பத்தை தருவதோடு வீக்கத்தை கரைக்கும் தன்மையுடையது. மிளகு உணவை எளிதில் செரிக்க வைக்கும் தன்மை கொண்டது. மிளகு, சுக்கு, திப்பிலி சேர்த்து சாப்பிட்டு வந்தால் நோய் எதிர்ப்பு சக்தியை அதிகரிக்கும்.

மிளகு இரத்தத்தை சுத்திகரிக்கும் தன்மை கொண்டது.

நன்றி : வெப் துனியா

பகிர்வுக்கு நன்றி அம்மா

பூச்சிக் கடிக்கு சிறந்த மருத்துவர் இவர் {மிளகு ]தான்

ஆமாம்பானு குளிர் காலங்களில் ரொம்ப சளியாக இருக்கும் போது, மிளகு டீ குடித்தால் உடனே சளி , மண்டைகனம் எல்லாம் சரியாகிவிடும்.

krishnaamma wrote:ஆமாம்பானு குளிர் காலங்களில் ரொம்ப சளியாக இருக்கும் போது, மிளகு டீ குடித்தால் உடனே சளி , மண்டைகனம் எல்லாம் சரியாகிவிடும்.

மிளகு ரொம்ப காரமா இருக்காதா... நான் எப்போதுமே இஞ்சி தட்டி போட்டு தான் டீ போடுவேன்...
அது இல்லனா டீ குடிச்ச மாதிரியே இருக்காது

மிளகு டீ எப்படி போடுவாங்க...டீ இறக்கும் போது கடைசியில் போடணுமா

ஜாஹீதாபானு wrote:

krishnaamma wrote:ஆமாம்பானு குளிர் காலங்களில் ரொம்ப சளியாக இருக்கும் போது, மிளகு டீ குடித்தால் உடனே சளி , மண்டைகனம் எல்லாம் சரியாகிவிடும்.

மிளகு ரொம்ப காரமா இருக்காதா... நான் எப்போதுமே இஞ்சி தட்டி போட்டு தான் டீ போடுவேன்...
அது இல்லனா டீ குடிச்ச மாதிரியே இருக்காது

மிளகு டீ எப்படி போடுவாங்க...டீ இறக்கும் போது கடைசியில் போடணுமா

ஆமாம் பானு, டீ கொதித்தது இறக்கும் முன் கொஞ்சம் மிளகை தட்டி போடுங்கோ. ஜஸ்ட் ஒரே கொதி இல் இறக்கிடுங்கோ. மிளகு போட்டு ரொம்ப கொதிக்க கூடாது... கசந்துவிடும். ரொம்ப நல்லா இருக்கும் மேலும் சளிக்கு ரொம்ப நல்லா மருந்து

இஞ்சி டீ யும் ரொம்ப சூப்பர் தான் நான் இவை இரண்டுமே போடுவேன், நானே டீ மசாலா பொடி தயாரித்து வெச்சிருக்கேன் அதுவும் சமயத்தில் போடுவேன்.

டீ மசாலா பொடி எப்படி செய்விங்க

என்னம்மா காணாம போயிட்டிங்க உங்கள் தேட விட்டுட்டேனா

டீ மசாலா போடி எப்படி செய்வது எனக்கு இதுக்கு பதிலே சொல்லல ...நான் கூட தேடுறிங்கனு நினைச்சேன்

ஜாஹீதாபானு wrote:டீ மசாலா பொடி எப்படி செய்விங்க

ஐயோ சாரி பானு , நான் பார்க்கவே இல்லை, இதோ சொல்கிறேன் காலிலிருந்து கரண்ட் இல்லை எனவே குளிப்பது , சுவாமி சேவிப்பது எல்லாம் லேட் அதுதான் எழுந்து போய் விட்டேன்.

ஏலக்காய் 20 -25 , பட்டை 2 அங்குல துண்டுகல் ஒரு 10 , ஒரு சின்ன ஜாதிக்காய் எல்லாவற்றையும் பொடித்து வைத்துக்கொள்ளவும். 4 பேருக்கு டீ போடும்போது இரண்டு சிட்டிகைகள் போடவும். ரொம்ப நல்லா இருக்கும்

ஜாஹீதாபானு wrote:டீ மசாலா போடி எப்படி செய்வது எனக்கு இதுக்கு பதிலே சொல்லல ...நான் கூட தேடுறிங்கனு நினைச்சேன்

தாமதத்துக்கு மன்னிக்கணும் பானு