செங்கோட்டையி‌ல் சுதந்திரதின உரையாற்ற மாயாவதிக்கு ஆசை

by **Powenraj** Mon Feb 18, 2013 6:02 pm

http://tamil.webdunia.com/articles/1302/18/images/img1130218030_1_1.jpg
அடுத்த மக்களவைத் தேர்தலுக்குப் பிறகு பிரதமராவதற்கு பகுஜன் சமாஜ் தலைவர் மாயாவதி விருப்பம் தெரிவித்துள்ளார்.
-
நாக்புரில் பகுஜன் சமாஜ் கட்சியின் மாநில மாநாடு நேற்று நடைபெற்றது. அப்போது தொண்டர்களிடையே மாயாவதி பேசுகையி‌‌ல், அடுத்த மக்களவைத் தேர்தலில் பகுஜன் சமாஜ் கட்சி மிகப் பெரிய வெற்றியடைவதை தொண்டர்கள் உறுதி செய்ய வேண்டும். அப்போதுதான் செங்கோட்டையிலிருந்து நான் சுதந்திர தின உரையாற்ற முடியும்.
-
பகுஜன் சமாஜ் கட்சித் தொண்டர்கள் விழிப்புடன் இருக்க வேண்டும். உங்களைக்கெடுக்க சில சக்திகள் முயற்சி செய்யும். ஆனால் நீங்கள் விலைபொருள் ஆகிவிடக் கூடாது.
பதவி உயர்வில் எஸ்சி, எஸ்டி பிரிவினருக்கு இட ஒதுக்கீடு அளிக்க வகை செய்யும் மசோதா நிறைவேறாமல் தடுக்க காங்கிரஸ், பாஜக ஆகிய இரு கட்சிகளும் சேர்ந்து சதி செய்கின்றன. பகுஜன் சமாஜ் கட்சி மத்தியில் ஆட்சிக்கு வந்தால் இந்த மசோதா உடனடியாக நிறைவேற்றப்படும்.
-
நான் உத்தர பிரதேச முதல்வராக இருந்தபோது பதவி உயர்வில் இட ஒதுக்கீடு அளிக்கும் சட்டம் கொண்டு வரப்பட்டது.ஆனால் உச்ச நீதிமன்றம் அதைரத்து செய்தது. இதை எதிர்த்து காங்கிரஸ் தலைமையில் மத்தியில் ஆளும் ஐக்கிய முற்போக்கு கூட்டணி அரசு உச்ச நீதிமன்றத்தில் மேல் முறையீடு செய்திருக்கலாம்.ஆனால் அவ்வாறு செய்யவில்லை.
காங்கிரஸ், பாஜக ஆகிய இரு கட்சிகளிடமிருந்து சமதூரத்தில் நாம் பயனிக்க வேண்டும் என்ற கொள்கையை நாம் கடைப்பிடிக்க வேண்டும் எ‌‌ன்று மாயாவ‌தி கூ‌றினா‌ர்.
-
வெப்துனியா