சவுதிஅரேபிய இளவரசியின் சிகரெட் பிடிக்கும் போட்டோ

**krishnaamma** · **krishnaamma** Mon Feb 18, 2013 10:06 pm

சவுதிஅரேபிய இளவரசி மாடர்ன் உடையில் சிகரெட் பிடிக்கும் போட்டோவை வைத்து ரூ.25 கோடி கேட்டு மிரட்டி வந்தவர் திடீரென அந்த போட்டோவை இணையத்தில் வெளியிட்டார். இதனால் இளவரசியின் குடும்ப உறவில் சிக்கல் ஏற்பட்டுள்ளது.

சவுதிஅரேபியாவின் இளவரசி பஸ்மா பின்ட் சவுத்பின் அப்துல்லா ஷிஷ் இல் சவுத். 48 வயதான இவர் 5 குழந்தைகளின் தாயாகவும், அந்நாட்டின் மனித உரிமைப் பிரச்சாரகராகவும் உள்ளார்.

தற்போது இவர் இங்கிலாந்தில் உள்ள மேற்கு லண்டனில் தங்கியுள்ளார். இந்த நிலையில் அவரது அதிர்ச்சி தரும் போட்டோ ஒன்று "யூடியூப்" இணையதளத்தில் வெளியானது. அவர் மாடர்ன் உடையில் இருந்தபடி சிகரெட் பிடிக்கும் புகைப்படம் தான் அது. இதை அவர் தனது தோழியின் லேப்டாப் கம்ப்யூட்டரில் பதிவு செய்து வைத்திருந்தார்.

அதை கம்ப்யூட்டரில் புகுந்து தகவல்களைத் திருடும் நபர் ஒருவர் பதிவு செய்து வைத்துக்கொண்டு, இதை இணையதளத்தில் வெளியிடாமல் இருக்க ரூ.25 கோடி கேட்டு மிரட்டி வந்தார்.

ஏனெனில் சவுதிஅரேபிய கலாச்சாரத்துக்கு எதிராக அந்த போட்டோ இருந்தது தான் காரணம். இந்நிலையில், திடீரென அந்த போட்டோவை அவன் வெளியிட்டான். இதனால், இளவரசி பஸ்மாவுக்கும், அவரது அரச குடும்பத்துக்கும் இடையிலான உறவில் சிக்கல் ஏற்பட்டுள்ளது.

நன்றி : வெப் துனியா