விளைநிலங்களில் பலவந்தமாக காஸ் குழாய் பதிப்பதாக புகார் கருத்துகள்

ஹர்ஷித் · ஹர்ஷித் Mon Feb 18, 2013 11:26 am

மத்திய அரசின் கெயில் நிறுவ னம் சார்பில் விவசாய நிலத்தின் வழியாக காஸ் குழாய் அமைக்கும் பணிக்கு எதிர்ப்பு தெரிவித்து கோவை, திருப்பூர், ஈரோடு, நாமக்கல், சேலம், தர்மபுரி, கிருஷ்ணகிரி மாவட்ட விவசாயிகள் பங்கேற்ற விவசாயிகளின் வாழ்வாதார பாதுகாப்பு மாநாடு ஈரோட்டில் நேற்று நடந்தது. கூட்டத்தில் நிறைவேற்றப்பட்ட தீர்மானம்:

சென்னை உயர் நீதிமன்றத்தில் தொடுத்த வழக்கில் காவல்துறையை வைத்து விவசாயிகளின் நிலத்தில் பலவந்தமாக குழாய் பதிக்கும் பணிகள் செய்யக்கூடாது என உயர்நீதிமன்றம் ஆணையிட்டதற்கு மாறாக கடந்த பிப்ரவரி 1ம் தேதி முதல் தமிழக அரசு போலீஸ் படையை பயன்படுத்தி விவசாயிகளின் நிலத்தில் பலவந்தமாக குழாய் பதிக்கும் பணியில் கெயில் நிறுவனம் ஈடுபட்டு வருகிறது.

விளைந்த பயிர்களை யும், தென்னந்தோப்புகளை யும் அழிக்கின்றனர். கடந்த 2 வாரமாக கடும் அடக்குமுறையை விவசாயிகள் சந்திக்கும் நிலை உள்ளதால் அத்துமீறும் காவல்துறையினர் மீது தமிழக அரசு கடும் நடவடிக்கை எடுக்க வேண்டும். விளைநிலங்களை சேதப்படுத்தாமல் தேசிய நெடுஞ்சா லை ஓரமாக குழாய்களை அமைப்பது போன்ற மாற்று வழிகளை பயன்படுத்த வேண்டும்.

மேலும், குழாய் பதிக்கும் பணியை தடுத்ததற்காக கைது செய்யப்பட்ட விவசாயிகளை விடுதலை செய்ய வேண்டும். கெயில் நிறுவனத்தின் அத்துமீறல்களை உடனடியாக தடுத்து நிறுத்தி, உரிய நடவடிக்கை எடுக்க அனைத்து கட்சி, அமைப்புகள் அடங்கிய ஒருங்கிணைப்பு கூட்டுக்குழு உருவாக்குவது, ஒருங்கிணைப்பு குழுவின் ஒருங்கிணைப்பாளராக ஈரோடு எம்.பி., கணேசமூர்த்தியை நியமிப்பது, கூட்டுக்குழு சார்பில் இப்பிரச்னை தொடர்பாக தமிழக அரசின் தலைமைச்செயலாளரை சந்தித்து வலியுறுத்துவது உட்பட பல்வேறு தீர்மானங்கள் நிறைவேற்றப்பட்டன.

மாநாட்டிற்கு அனைத்து விவசாய சங்க கூட்டமைப்பு தலைவர் காசியண்ணன் தலைமை வகித்தார். ஈரோடு எம்.பி., கணேசமூர்த்தி வரவேற் றார். இந்திய கம்யூனிஸ்ட் கட்சி தேசிய செயலாளர் டி.ராஜா, மார்க்சிஸ்ட் கம்யூனிஸ்ட் சார்பில் எம்.பி., நடராஜன், தேமுதிக கொறடா வி.சி.சந்திர குமார், விடுதலை சிறுத்தைகள் கட்சி எம்எல்ஏ ரவிக்குமார், பாமக மாநில தலைவர் ஜி.கே.மணி உள்ளிட்ட அனைத்து கட்சி பிரமுகர்கள் பங்கேற்றனர்.

தினகரன்