ரஜினி கதை விரைவில்....

ரஜினியின் அனைத்துப் படங்களைப் பற்றியும் – அதன் உருவாக்கம், படப்பிடிப்பு சம்பவங்கள், வெளியீடு, வசூல் நிலவரம், பாராட்டுகள், சர்ச்சைகள், முதல் நாள் முதல் காட்சி பார்த்த வாசகர் அனுபவம் – முழுமையாக எழுத வேண்டும் என்பது கிட்டத்தட்ட பத்து வருடங்களாக நான் மேற்கொண்ட முயற்சி. அதாவது ரஜினியை அருணாச்சலா ஹோட்டலில் சந்தித்த 2002-ஆம் ஆண்டிலிருந்து!

இந்த முயற்சியில், சில படங்கள் குறித்து அவ்வப்போது கிடைக்கிற தகவல்களைச் சேகரித்து வந்தாலும், முழுமையாக எழுத முடியாமல் போனது.

இப்போது ஒவ்வொரு படங்களின் தகவல்களையும் ஒழுங்கு செய்யும் வேலையை ஆரம்பித்துள்ளேன். இந்த ஆண்டுக்குள் முடித்துவிட முடியும் என்ற நம்பிக்கையுடன் அபூர்வ ராகங்கள் முதல் கோச்சடையான் வரை.. என்ற இந்தப் பகுதியை, ‘என்வழி’யில், ஆரம்பிக்கிறேன். ஏற்கெனவே எஸ்பி முத்துராமன் – ரஜினி படங்கள் குறித்த எழுத உத்தேசித்த கட்டுரைத் தொடரை ஆரம்பிக்காமல் போனது கூட இந்த முயற்சிக்காகத்தான்.

இந்தத் தொடரில் ரஜினியின் அனைத்து மொழிப் படங்கள் குறித்தும் – அவர் கவுரவ வேடத்தில் நடித்த படங்கள் உள்பட – முடிந்த வரை முழுமையாகத் தர முயற்சிக்கிறேன். கூடவே ரஜினி நடிக்கவிருந்து நடிக்காமல் போன படம், அவர் நடிப்பதாக அறிவித்து நிறுத்தப்பட்ட படங்கள் பற்றியும் தகவல்களைத் தரவிருக்கிறேன்.

ஒவ்வொரு படம் குறித்த கட்டுரையின் முடிவிலும், அடுத்த கட்டுரை எந்தப் படத்துக்கானது என்ற குறிப்பையும் தருகிறோம். ரசிகர்கள் அந்தப் படம் தொடர்பான புகைப்படங்கள் ஏதேனும் இருந்தால் பகிர்ந்து கொள்ளவும். அவரவர் அனுபவங்களையும் எழுதவும். அவற்றையும் குறிப்பாகத் தர விரும்புகிறேன்.

ரஜினி படங்களின் என்சைக்ளோபீடியா எனும் அளவுக்கு ஒவ்வொரு கட்டுரையும் வர வேண்டும் என்பது நமது ஆசை. பார்க்கலாம்!

முதல் கட்டுரை… அபூர்வ ராகங்கள். ரஜினியைத் தேர்வு செய்தது, அவரது முதல் ஷாட், அடுத்தடுத்து ரஜினியை தன் படங்களுக்கு ஒப்பந்தம் செய்யக் காரணம் ஆகியவை குறித்து இயக்குநர் சிகரம் கே பாலச்சந்தர் நம்மிடம் பகிர்ந்து கொண்ட விஷயங்களுடன்… விரைவில்!

-வினோ

ஆவலுடன் காத்திருக்கிறேன்... தொடருங்கள் நண்பரே!

சூப்பருங்க - ஆரம்பிங்க சீக்கிரம்.

உங்கள் ஊக்கத்திற்கு நன்றி ........ வெகு விரைவில்