நயன்தாரா நடவடிக்கைகள் சரியா? கே.எஸ்.ரவிக்குமாருக்கு கண்டனம்

by rikniz Sun Oct 18, 2009 7:58 pm

நயன்தாராவுக்கு வக்காலத்து வாங்குவதை கே.எஸ். ரவிக்குமார் நிறுத்திக் கொள்ள வேண்டும் என்று ஜான்சி ராணி பெண்கள் பாதுகாப்பு சங்கத்தலைவி கல்பனா கூறியுள்ளார்.

சூர்யா - நயன்தாரா நடித்த ஆதவன் படம் பத்திரியாளர் சந்திப்பு கடந்த 8ஆம் தேதி சென்னையில் நடைபெற்றது. இதில் பேசிய அப்படத்தில் இயக்குநர் கே.எஸ்.ரவிக்குமார்

'நயன்தாரா சிறந்த நடிகை. சமீபத்தில் நயன்தாரா பற்றிய விஷயங்களை பத்திரிகையில் போட்டு அவரை கஷ்டபட வைத்துவிட்டார்கள். அவரவர் சொந்த வாழ்க்கை பற்றி பத்திரிகைகள் கம்மியாக சொல்வது நல்லது. இது என்னுடைய கருத்து. அவருடைய சொந்த வாழ்க்கையில் தலையிடுவது தவறு. இதனால் சென்னை வருவதையும் விழாக்களில் பங்கேற்பதையும் நயன்தாரா தவிர்க்கிறார். அவரைப்பற்றி வரும் செய்திகளால் மனவேதனை அடைந்துள்ளார். அவர் சொந்த வாழ்க்கை பற்றி எழுதக்கூடாது என்றெல்லாம் என்னிடம் தெரிவித்தார்' என்றார்.

ரவிக்குமார் பேச்சுக்கு பெண்கள் சங்கம் கண்டனம் தெரிவித்து ஜான்சி ராணி பெண்கள் பாதுகாப்பு சங்கத்தலைவியும் மனித உரிமைக்கழக சர்வதேச அமைப்பின் மத்திய சென்னை மாவட்ட அமைப்பாளருமான கல்பனா இது பற்றி வெளியிட்டுள்ள அறிக்கையில் கூறி இருப்பதாவது,

'தரமான படங்களை தந்தவர் கே.எஸ். ரவிக்குமார். அவரிடம் இருந்து நயன்தாராவுக்கு ஆதரவான கருத்துக்களை எதிர்பார்க்கவில்லை. ஆதவன் படம் மூலம் சமூகத்துக்கு என்ன தகவல் தருகிறீர்கள் என்பதை சொல்வதை விட்டு நயன்தாரா மனவேதனையில் இருக்கிறார். அவர் சொந்த வாழ்க்கைப்பற்றி விமர்சிக்கக் கூடாது என்று தேவையில்லாமல் வக்காலத்து வாங்கி இருக்கிறீர்கள்.

நடிப்பதில் நியாயமாக நடந்து இருக்கலாம். ஆனால் நிஜ வாழ்வில் நியாயம் தவறிவிட்டார். பிரபுதேவா, நயன்தாரா தொடர்பை ரவிக்குமார் சொன்னதுபோல் சொந்த வாழ்க்கையாக எடுத்துக் கொள்ள முடியாது. பிரபுதேவாவுக்கு மனைவி இருக்கிறார். குழந்தைகள் உள்ளனர். அவர்கள் வாழ்வில் நயன்தாரா குறுக்கிடுவதா சொந்த வாழ்க்கை?!

பிரபுதேவா மனைவி ''என் கண்ணீரை துடைக்க யாரும் இல்லையா'' என்று அழுதபடி நிற்கிறார். அவர் குரல் திரையுலகினரின் காதுகளுக்கு எட்டவில்லையா? ரவிக்குமார் போன்ற திரையுலகின் பெரிய அனுபவசாலிகள் நயன்தாராவுக்கு புத்திமதி சொல்லக்கூடாதா?

பிரபுதேவாவை விட்டு நயன்தாரா விலக வேண்டும். இன்னொரு பெண் வாழ்க்கையில் குறுக்கீட்டு இமேஜை கெடுத்துக் கொள்ளவேண்டாம். விலகுவார் என்ற நம்பிக்கை உள்ளது. ரம்லத்துக்கு பெண்கள் சங்கங்கள் முழு ஆதரவு கொடுக்கும். நயன்தாராவுக்கு வக்காலத்து வாங்குவதை கே.எஸ். ரவிக்குமார் நிறுத்திக் கொள்ள வேண்டும்' என்று கூறியுள்ளார்.

ரவிக்குமார் பேச்சுக்கு கண்டம் தெரிவித்து மனித உரிமை கழக சர்வதேச அமைப்பின் மூத்த வக்கீல் ஆனந்தி வெளியிட்ட அறிக்கையில்..

'நயன்தாரா நடவடிக்கைகள் சரியா என்பதை திரையுலக குடும்பங்களின் மனைவிமார்களை கேட்டு கே.எஸ். ரவிக்குமார் தெரிந்து கொள்ளட்டும். பெண்களுக்காக குரல் கொடுக்கும் ஆச்சி மனோரமாவிடமும் கேட்டு தெரிந்து கொள்ளட்டும்.
நயன்தாராவுக்கு நிறைய ரசிகர்கள் உள்ளனர். அவர் நடத்தைகள் மற்றவர்களுக்கு முன்னுதாரணமாக இருக்க வேண்டும். திரைப்படங்களின் பெண்களை அரை குறை ஆடையுடன் ஆபாச பொருளாக சித்தரிக்கும் போக்கு தொடர்கிறது. இதுபோன்ற பெண்களுக்கு எதிரான நிலைகளை எதிர்த்து மகளிர் அமைப்புகள் போராட்டத்தில் இறங்க வேண்டும்' என்று கூறியுள்ளார்.

நன்றி oruwebsite