ரஷ்யாவை தாக்கியது விண்கல்! 400 பேர் காயம்!

by **உமா** Fri Feb 15, 2013 3:58 pm

ஆஸ்டிராய்டு 2012 டிஏ. 14 எரிகல் இன்று பூமிக்கு வெகு அருகாமையில் விழப்போவதாக சர்வதேச வின்வெளி ஆய்வாளர்கள் உறுதிசெய்துள்ளனர்.இந்நிலையில், ரஷியாவில் பல இடங்களில் விண்கற்கள் விழுந்ததால் 400 கும் மேற்பட்டோர் காயமடைந்துள்ளனர்.

ரஷ்யாவின் பல இடங்களில் விண்கற்கள் பூமியை நோக்கி விழுவதை காண முடிந்தது. வான் வெளியில் பல கிலோ மீட்டர் தூரம் வரை தோன்றிய இந்த விண்கற்கள் தீப்பற்றி எறியும் கற்களை போல காட்சியளித்தன.

இவ்வாறு விழுந்த விண்கற்களில் ஒன்று ரஷ்ய நாட்டின் செல்யபின்ஸ்க் பகுதியில் விண்ணில் வெடித்ததால் ஏற்பட்ட அதிர்வலைகளை 19 மாடி கட்டிடத்தில் கூட உணர முடிந்தது. இதன் காரணமாக அந்தப் பகுதியில் இருந்த வீடுகளின் ஜன்னல் கண்ணாடிகள் உடைந்து நொறுங்கின.

செல்பேசிகள் செயலிழந்ததாகவும் கூறப்படுகிறது.

விண்கல் வெடித்துச் சிதறியபோது மிகப்பெரிய வெடிச்சத்தத்தை கேட்டதாக அங்குள்ளவர்கள் தெரிவித்தனர். விண்கல் விழுந்ததால் ரஷியாவில் 400 பேர் காயமடைந்திருப்பதாக ரஷிய உள்துறை அமைச்சகம் தெரிவித்துள்ளது.

நன்றி
வெப்துனியா
ரஷ்யாவை தாக்கியது விண்கல்! 400 பேர் காயம்! Tamil.webdunia

ரஷ்யாவை தாக்கியது விண்கல்! 400 பேர் காயம்! Tamil.webdunia

by பூவன் Fri Feb 15, 2013 4:00 pm

இரவு அப்படின்னு சொன்னாங்க இப்பவே விழ தொடங்கிவிட்டதா ?

by **ஜாஹீதாபானு** Fri Feb 15, 2013 4:01 pm

அடடா

by **உமா** Fri Feb 15, 2013 4:01 pm

ரஷ்யாவை தாக்கியது விண்கல்! 400 பேர் காயம்! Tamil-Daily-News-Paper_98901003600

மாஸ்கோ: மத்திய ரஷ்யாவின் யூரல் பகுதியில் மிகப் பெரிய விண்கல் இன்று தாக்கியதில் 400 க்கும் மேற்பட்ட மக்கள் காயமடைந்தனர். விண் கல் விழுந்த போது மிகப்பெரிய வெடிச்சத்தம் போல் கேட்டதாகவும், பெரிய அளவில் தீப் பிழம்பு எழுந்ததாகவும் கூறப்படுகிறது. மேலும் விழுந்தது எரியும் விண்கல் என அடையாளம் காணப்பட்டுள்ளது. யூரல் என்ற பகுதியில் விழுந்த விண்கல் காரணமாக, வீடுகளிலுள்ள கண்ணாடிகள் மற்றும் மேற்கூரை கீழே விழுந்தது. இதனால் 400 க்கும் மேற்பட்ட மக்கள் காயமடைந்தனர். மேலும், விண்கல் விழுந்ததில் மத்திய ரஷ்யாவில் செல்போன்கள் செயலிழந்தன.

நன்றி
தினகரன்