நகைச்சுவை கவிதை - காதலர் தினம்

by ச. சந்திரசேகரன் Thu Feb 14, 2013 11:02 pm

நகைச்சுவை கவிதை - காதலர் தினம்

காலையில் எழுந்ததும் கண்ணே என்றேன்
காதில் விழாதது போல் மனைவி இருந்தாள்

பாலகனை அழைத்து பால்வாங்கி வரச் சொன்னேன்
பார்த்தும் பாராமல் பாலகன் சென்றான்

மகளை அழைத்து தேநீர் கேட்டேன்.
மறுபக்கம் சென்றவள் வரவே இல்லை.

அரசாங்க பேருந்தில் சில்லறை கேட்டேன்
நடத்துனர் காதில் விழவே இல்லை

அலுவலகம் அடைந்ததும் வணக்கம் சொன்னேன்
அதிகாரி கண்டும் காணாமல் சென்றார்

மதிய உணவுக்கு பொரியல் கேட்டேன்
கேண்டீன் சர்வர் கேட்டும் கேட்கவில்லை

மாலையில் பருக தேநீர் கேட்டேன்
பியூனோ பருக ஒன்றும் தரவில்லை

வீட்டை அடைந்ததும் சிற்றுண்டி கேட்டேன்
வீட்டாள் என்னை வீண் போல் பார்த்தாள்

தொலைக்காட்சி காண ரிமோட்டை கேட்டேன்
தொலைத்து விட்டதுபோல் மகள் விழித்தாள்

இரவு உணவில் இனிப்பு கேட்டேன்
இல்லாள் இனிக்கப் பேசவும் இல்லை

படுத்து உறங்கப் பாய் கேட்டேன்
பலரும் என்னை கண்டுகொள்ள வில்லை

தலைப்பு சரிதானா? சொல்லுங்கள் பார்ப்போம்

by பூவன் Fri Feb 15, 2013 9:43 am

காலை முதல் இரவு வரை நீங்கள் கேட்டது எதுவும் கேட்கவும் இல்லை கிடைக்கவும் இல்லை வரிகள் அருமை , சூப்பருங்க

இதற்க்கு ஏன் காதலர் தினம் தலைப்பு புரிவில்லையே ?

by **Ahanya** Fri Feb 15, 2013 9:57 am

நன்றாக உள்ளது......வரிகள் அருமை ஐயா....... சிரி

ஆனால் தலைப்பு...... ஒன்னும் புரியல

by பாலாஜி Fri Feb 15, 2013 11:21 am

நன்றாக உள்ளது .

நீங்க எதிர் பார்த்த அன்பு(காதல் ) ,பரிவு கிடைக்கவில்லை .. அதனால் காதலர் தினத்தால் என்ன மாற்றம் வந்துவிட போகிறது என்று சொல்ல வாரீங்கள ஒன்னும் புரியல

by பூவன் Fri Feb 15, 2013 11:30 am

பாலாஜி wrote:நன்றாக உள்ளது .

நீங்க எதிர் பார்த்த அன்பு(காதல் ) ,பரிவு கிடைக்கவில்லை .. அதனால் காதலர் தினத்தால் என்ன மாற்றம் வந்துவிட போகிறது என்று சொல்ல வாரீங்கள

இது எதுவும் கிடைக்கவில்லை அதை போல தான் எனக்கு காதலும் கிடைக்கவில்லை ( காதில் விழவில்லை காதலும் ) என சொல்கிறார் அவர் அண்ணா

by ச. சந்திரசேகரன் Fri Feb 15, 2013 12:25 pm

காதலர் தினம் = காது + அலர் தினம்.

நான் கேட்ட எதுவும் யார் காதிலும் விழவில்லை.
அவர்கள் அனைவரும் காது+அலர்கள்.
தினம் முழுவதும் காது அலர்களை (காது கேட்காதவர்களை, கேட்டும் கண்டுகொள்ளாதவர்களை) சந்தித்ததால்
அந்த தினம் என்னை பொருத்தவரை காதலர் தினம் (காது அலர் தினம்).

அனைவரையும் சிரமப்படுத்தியதற்கு மன்னிக்கவும்

by பூவன் Fri Feb 15, 2013 12:26 pm

ச. சந்திரசேகரன் wrote:காதலர் தினம் = காது + அலர் தினம்.

நான் கேட்ட எதுவும் யார் காதிலும் விழவில்லை.
அவர்கள் அனைவரும் காது+அலர்கள்.
தினம் முழுவதும் காது அலர்களை (காது கேட்காதவர்களை, கேட்டும் கண்டுகொள்ளாதவர்களை) சந்தித்ததால்
அந்த தினம் என்னை பொருத்தவரை காதலர் தினம் (காது அலர் தினம்).

அனைவரையும் சிரமப்படுத்தியதற்கு மன்னிக்கவும்

அருமை