தெற்கு சூடானுக்கு பறந்த தமிழக போலீஸ் அதிகாரிக்கு சிக்கல்

திருச்சி: தமிழக அரசின் உத்தரவை மீறி, தெற்கு சூடான் நாட்டுக்கு சென்ற, திருச்சி போலீஸ் துணை கமிஷனர் சத்தியப்பிரியா மீது, துறைரீதியாக நடவடிக்கை எடுக்கப்படும் என்று தகவல் வெளியாகியுள்ளது.

திருச்சி மாநகர சட்டம் ஒழுங்கு துணை கமிஷனராக இருப்பவர் சத்தியப்பிரியா, 39. இவர், 1997ம் ஆண்டு, நேரடியாக போலீஸ் டி.எஸ்.பி., பதவியில் சேர்ந்தார். சென்னை தலைமையக, டி.எஸ்.பி.,யாக பொறுப்பேற்ற இவர், துணை கமிஷராக பதவி உயர்வு பெறும்வரை, தொடர்ந்து சென்னையிலேயே பணியாற்றினார்.கடந்த, 2012ம் ஆண்டு, நியமன, ஐ.பி.எஸ்., அதிகாரியாக பதவி உயர்வுப் பெற்றார். சேலம் துணை கமிஷனர், நாமக்கல் எஸ்.பி.,யாகவும், இறுதியாக, திருச்சி மாநகர சட்டம் ஒழுங்கு துணை கமிஷனராகவும் பணியாற்றினார்.இந்நிலையில், புதிதாக உருவான தெற்கு சூடான் நாட்டில், பாதுகாப்புப் பணிகளை மேற்கொள்ள, பல்வேறு நாடுகளை சேர்ந்த இளம் போலீஸ் அதிகாரிகளை, ஐ.நா., சபை அழைத்தது.

குறிப்பாக இந்தியாவில் இருந்து பெண் அதிகாரிகள் அனுப்ப, ஐ.நா., சபை கோரிக்கை விடுத்தது. இதையடுத்து மத்திய உள்துறை, மாநில
அரசுகளிடம் தகுதியுள்ள நபர்களின் பட்டியல் கேட்டது. அப்போது தமிழக, டி.ஜி.பி., அலுவலகம் மூலம் சத்தியப்பிரியா பரிந்துரைக்கப்பட்டார். அதன்படி சத்தியப்பிரியா ஐ.பி.எஸ்., தலைமையில், ராஜஸ்தான், டி.எஸ்.பி., சுஷ்மா, எஸ்.பி.,க்கள், சண்டிகாரைச் சேர்ந்த சரிதா, டில்லியைச் சேர்ந்த கவுசல் ஆகிய பெண் அதிகாரிகள் தெற்கு சூடான் புறப்பட்டனர். கடந்த மாதம், 17ம் தேதி கிளம்பிய இவர்கள், 27ம் தேதி டில்லியிலிருந்து விமானம் மூலம், தெற்கு சூடான் செல்ல தயாராயினர்.அப்போது தமிழக டி.ஜி.பி., அலுவலகத்தில் இருந்து, "தெற்கு சூடான் செல்லவேண்டாம்' என்று சத்தியப்பிரியாவுக்கு தகவல் தெரிவிக்கப்பட்டது. அதை நிராகரித்தசத்தியப்பிரியா, திட்டமிட்டப்படியே தெற்கு சூடான் நாட்டுக்கு கிளம்பிச் சென்றுவிட்டார்.

நடவடிக்கை:
இதுகுறித்து போலீஸ் அதிகாரிகள் கூறியதாவது: தெற்கு சூடான் நாட்டில் சத்தியப்பிரியா பணியாற்றினாலும், "ஆன் டூட்டி' என்ற பெயரில், அவருக்கு தமிழக போலீஸ் துறைதான் மாதந்தோறும் சம்பளம் வழங்கும். தமிழகத்தில் ஏற்கனவே போலீஸ் துணைகமிஷனர்கள் பற்றாக்குறை இருப்பதால்,
Click Here
Advertisement
சத்தியப்பிரியா திரும்ப அழைக்கப்பட்டார். தற்போது அவர் தெற்கு சூடான் செல்ல மத்திய அரசு அளித்த ஒப்புதலே போதும். ஆனால், மாநில அரசு ஒப்புதல் அளிக்காமலேயே, தெற்கு சூடானுக்கு சென்ற சத்யப்பிரியா மீது, துறைரீதியாக நடவடிக்கை எடுக்கப்படும். அதற்காக தமிழக அரசின் உத்தரவை எதிர்பார்த்து டி.ஜி.பி., காத்திருக்கிறார் என்றனர்.

இதுகுறித்து தமிழக உள்துறை அதிகாரிகளும், அரசின் உத்தரவு வந்த பின் சத்தியப்பிரியா மீது தகுந்த நடவடிக்கை எடுக்கப்படும் என தெரிவித்துள்ளனர். ஆகையால் தமிழக அரசின் அனுமதியின்றி, தெற்கு சூடான்நாட்டுக்கு சென்ற சத்தியப்பிரியா மீது விரைவில் நடவடடிக்கை பாயும் என, போலீஸ் துறை வட்டாரத்தில் பரபரப்பாக பேசப்படுகிறது.

சிபாரிசு அதிகாரிக்கும் சிக்கல்?
இளம் பெண் போலீஸ் அதிகாரிகள் பட்டியலை, தமிழக அரசிடம், மத்திய உள்துறை கேட்டபோது, சத்தியப்பிரியாவை, அப்போது சட்டம் ஒழுங்கு பிரிவில் முக்கிய அதிகாரியாக இருந்தவர் தான் சிபாரிசு செய்துள்ளார் என, போலீஸ் அதிகாரிகள் கூறுகின்றனர்.சத்யபிரியா தற்போது அரசின் உத்தரவை மீறி சென்றுள்ளதால், அந்த உயர் அதிகாரியும், அரசின் கோபப்பார்வையில் சிக்கியுள்ளதாகவும், அவருக்கும் விரைவில் சிக்கல் வரக்கூடும் என்றும் தகவல் வெளியாகி உள்ளது.