சுதந்திர போராட்ட வீரர் ஜெகநாதன்,98

காந்திகிராமம் : சுதந்திர போராட்ட வீரர் ஜெகநாதன்,98. கிராம சுயராஜ்ய கேந்திரா மற்றும் உழவனின் நில உரிமை இயக்கம் ஆகியவற்றை நிறுவினார். பூமிதான இயக்கத்தில் வினோபா பாவே,ஜெயப் பிரகாஷ் நாராயணனுடன் இணைந்து பணியாற்றியுள்ளார். உடல்நலக் குறைவால் அவதிப்பட்ட இவர் நேற்று முன்தினம் காலமானார். இவரது மனைவி கிருஷ்ணம்மாள், நில மீட்பு இயக்க தலைவர். இவர் பத்மஸ்ரீ உட்பட பல விருதுகள் பெற்றுள்ளார். பூமிக்குமார் என்ற மகனும்,சத்யா என்ற மகளும் உள்ளனர். ஜெகநாதன் உடலுக்கு, ம.தி.மு.க., பொதுச்செயலாளர் வைகோ, சர்வோதய இலக்கிய பண்ணை தலைவர் மாரியப்பன், பல்கலை துணைவேந்தர் ராமசாமி, பதிவாளர் நாராயணசாமி உட்பட பலர் அஞ்சலி செலுத்தினர். ஜெகநாதனின் உடல் காந்திகிராம ஊழியரக வளாகத்தில் நேற்று மாலை அடக்கம் செய்யப்பட்டது. அவரது மறைவுக்கு பல்வேறு தலைவர்கள் இரங்கல் தெரிவித்துள்ளனர். கருணாநிதி, தி.மு.க., தலைவர் : காந்தியவாதியான ஜெகநாதன், பூமிதான இயகத்தில் முழுமையாக ஈடுபட்டு, வினோபாவே உடன் இணைந்து, ஏழை, எளிய மக்களுக்கு உதவினார். தமிழகத்தில், கிராமதான இயக்கத்தை செயல்படுத்தியவர். ஜெகநாதனை இழந்து வாடும், அவரது மனைவி கிருஷ்ணம்மாள் மற்றும் சர்வோதய இயக்கத் தொடண்டர்களுக்கு ஆழந்த இரங்கலை தெரிவித்துக் கொள்கிறேன். வைகோ, ம.தி.மு.க., பொதுச் செயலர்: சுதந்திரப் போராட்டத்தோடு, தேச பணிகளை முடித்துக் கொள்ளாமல், நாடு முழுவதும் கால்நடையாக சென்று, செல்வந்தர்களிடம் நிலத்தைப் பெற்று, ஒடுக்கப்பட்ட மக்களுக்கு வழங்கியவர் ஜெகநாதன். நோபல் பரிசுக்கு இணையான, சுவீடன் நாட்டு உயரிய விருதைப் பெற்றவர். பொது வாழ்வில் இருப்போருக்கு, வழிகாட்டியாக இருப்பவர். அவரை இழந்து வாடும், அவரது மனைவி மற்றும் சர்வோதய இயக்க தொண்டர்களுக்கு கண்ணீர் அஞ்சலி செலுத்துகிறோம்.

சன் தொலைக்காட்சி செய்தி குறிப்பில் அவரை பற்றி கொஞ்சம் தெரிந்துகொண்டேன் .

அவரின் ஆத்மா சாந்தி அடைய எல்லாம் வல்ல இறைவனை வேண்டுகின்றேன்

அன்னாரின் மறைவிற்கு ஆழ்ந்த அனுதாபங்கள்!