பெண்கள் கர்ப்பமடைய உதவும் வைட்டமின்கள்!

by **சிவா** Wed Feb 13, 2013 7:20 pm

பெண்கள் கர்ப்பம் தரிக்காமல் இருப்பதற்கு பல காரணங்கள் இருந்தாலும், போதுமான வைட்டமின்கள் உடலுக்கு கிடைக்காமல் இருப்பதும் கர்ப்பம் தரிக்காமல் இருப்பதற்கு முக்கிய காரணம் என்றும், நல்ல ஊட்டச்சத்தான வைட்டமின் நிறைந்த உணவுகளை உண்டு வந்தால், அது பெண்கள் கர்ப்பம் தரிக்க உதவும் என்று ஆய்வு ஒன்றில் தெரியவந்துள்ளது.

வைட்டமின் நிறைந்த உணவுகள் அல்லது வைட்டமின் மாத்திரை போன்றவை பெண்கள் கர்ப்பம் தரிப்பதற்கான வாய்ப்பை அதிகரிப்பதாக இந்த ஆய்வு கூறுகிறது. அதுமட்டுமல்லாது பெண்கள் தாங்கள் தானாகவே கர்ப்பமடைய ஃபோலிக் அமிலம் மாத்திரைகள் போன்றவற்றை எடுத்துக்கொண்டு கர்ப்பமடைய எடுத்துக்கொள்ளும் காலத்தைவிட, வைட்டமின் மாத்திரைகள் எடுத்துக்கொள்வதினால் விரைவாக கர்ப்பமடைய வாய்ப்புள்ளதாகவும் இந்த ஆய்வு கூறுகிறது.

கர்ப்பமடைய குறைவான வாய்ப்புடைய 58 பெண்கள் இந்த ஆய்வுக்கு உட்படுத்தப்பட்டனர். இவர்கள் இரண்டு பிரிவாக பிரிக்கப்பட்டு, ஒரு குழுவுக்கு வைட்டமின் மாத்திரைகளும், மற்றொரு குழுவுக்கு ஃபோலிக் அமிலம் மாத்திரைகளும் அளிக்கப்பட்டன. கூடவே உணவு டைரியில் குறிப்பிட்டுள்ளபடி ஆரோக்கியமான, சமச்சீரான உணவுகளும் அவர்கள் அனைவருக்கும் அளிக்கப்பட்டன.

ஆய்வின் தொடக்கத்தில் இந்த இரண்டு குழுவில் இடம்பெற்ற பெண்களுக்கும் கர்ப்பத்திற்கு முக்கிய காரணமாக விளங்கும் மாதவிலக்கு சுழற்சி சீரான முறையில் இல்லாமல் இருந்தது. ஆய்வின் முடிவில் தினமும் வைட்டமின்கள் வழங்கப்பட்ட பெண்களில் 60 விழுக்காட்டினர், அதாவது 30 பேரில் 18 பேர், கர்ப்பம் தரித்தனர்.

அதே சமயம் ஃபோலிக் அமிலம் கொடுக்கப்பட்ட பெண்களில் 25 விழுக்காட்டினர் மட்டுமே கர்ப்பம் தரித்தனர். இந்த ஆய்வுக்கு உட்படுத்தப்பட்ட பெண்கள் அனைவருமே வயது,உடல் எடை போன்றவற்றில் ஏறக்குறைய சமமானவர்களாகவே இருந்தனர்.

ஃபோலிக் அமிலம் கர்ப்பம் தரிப்பதற்கு அவசியமான ஒன்றுதான் என்றாலும், அதைக்காட்டிலும் வைட்டமின் எடுத்துக்கொண்டவர்களுக்கு கர்ப்பம் தரிக்கும் வாய்ப்பு அதிகமாக இருப்பதும், பக்கவிளைவுகள் இல்லாமல் இருப்பதும் இந்த ஆய்வின் முக்கிய அம்சம்.

வெப்துனியா

by **krishnaamma** Wed Feb 13, 2013 7:55 pm

நல்ல விவரம் சிவா புன்னகை

by **Powenraj** Wed Feb 13, 2013 9:04 pm

பகிர்வுக்கு நன்றி.

by **Muthumohamed** Wed Feb 13, 2013 11:41 pm

நல்ல பயனுள்ள பதிவு

by curesure4u Thu Feb 14, 2013 1:09 am

பொய்யான தகவல் ...போலிக் ஆசிட் நிச்சயம் தேவை இல்லை ...ஆனால் கர்ப்பம் தரித்த முதல் முதல் மூன்று மாதத்திற்கு அவசியம்

by **Ahanya** Thu Feb 14, 2013 9:30 am

இல்லை அண்ணா.......போலிக் அமிலம் இரண்டு செயற்பாடுகளுக்கும் அவசியம்...Preconception period என்று சொல்லப்படும் அதாவது ஒரு பெண் கருத்தரிக்க முன்பும் கருத்தரித்த சில மாதங்களுக்கும் இதன் தேவைப்பாடு உள்ளது...இங்கே சென்று பாருங்கள்....

http://en.wikipedia.org/wiki/Folic_acid#Pregnancy

by Priya Tharsni Thu Feb 14, 2013 11:31 am

Ahanya wrote:இல்லை அண்ணா.......போலிக் அமிலம் இரண்டு செயற்பாடுகளுக்கும் அவசியம்...Preconception period என்று சொல்லப்படும் அதாவது ஒரு பெண் கருத்தரிக்க முன்பும் கருத்தரித்த சில மாதங்களுக்கும் இதன் தேவைப்பாடு உள்ளது...இங்கே சென்று பாருங்கள்....

http://en.wikipedia.org/wiki/Folic_acid#Pregnancy

by **krishnaamma** Thu Feb 14, 2013 11:32 am

Ahanya wrote:இல்லை அண்ணா.......போலிக் அமிலம் இரண்டு செயற்பாடுகளுக்கும் அவசியம்...Preconception period என்று சொல்லப்படும் அதாவது ஒரு பெண் கருத்தரிக்க முன்பும் கருத்தரித்த சில மாதங்களுக்கும் இதன் தேவைப்பாடு உள்ளது...இங்கே சென்று பாருங்கள்....

http://en.wikipedia.org/wiki/Folic_acid#Pregnancy

நன்றி அகன்யா புன்னகை