ஹெலிகாப்டர் ஊழல்: குற்றவாளிகள் யாரும் தப்ப முடியாது: அந்தோணி..........

by DERAR BABU Wed Feb 13, 2013 12:33 pm

புதுடில்லி: இந்திய வி.வி.ஐ.பி.,க்கள் பயணிப்பதற்காக நவீன வசதியுடைய 12 ஹெலிகாப்டர்கள் வாங்க போடப்பட்ட ஒப்பந்தத்தில் ஏதேனும் முறைகேடுகள் கண்டுபிடிக்கப்பட்டால், அந்த ஒப்பந்தம் ரத்து செய்யப்படும் என்றும், குற்றவாளிகள் யாரும் தப்ப முடியாது என்றும் பாதுகாப்புத்துறை அமைச்சர் அந்தோணி தெரிவித்துள்ளார்.

இந்நிலையில், இந்திய அரசு, வி.ஐ.பி.,க்கள் பயணிப்பதற்காக, நவீன வசதியுடைய, 12 ஹெலிகாப்டர்களை வாங்க திட்டமிட்டது. இதுகுறித்து, தகவல் அறிந்த, "அகஸ்டா' நிறுவன அதிகாரிகள், இந்திய பாதுகாப்பு துறை அதிகாரிகளை அணுகினர்.இதையடுத்து, 2010ல், இரு நாடுகளுக்கும் இடையே, ஹெலிகாப்டர்களை வாங்குவது தொடர்பாக, 3,546 கோடி ரூபாய் மதிப்பிலான, ஒப்பந்தம் கையெழுத்தானது. அதன்படி, 2012ம் ஆண்டு டிசம்பருக்குள், 12 ஹெலிகாப்டர்களையும், அகஸ்டா நிறுவனம், இந்திய அரசுக்கு அளிக்க வேண்டும். இதுவரை, மூன்று ஹெலிகாப்டர்கள் மட்டுமே, இந்தியாவிடம் தரப்பட்டுள்ளது.இதற்கிடையே, இந்த ஒப்பந்தத்தை, இந்தியாவிடமிருந்து பெற, பெரும் ஊழல் நடந்தாக, புகார் எழுந்ததை அடுத்து, மீதமுள்ள, ஒன்பது ஹெலிகாப்டர்களை சப்ளை செய்யும் நடவடிக்கை, நிறுத்தி வைக்கப்பட்டுள்ளது.

இந்நிலையில், டில்லியில் நிருபர்களிடம் பேசிய மத்திய பாதுகாப்புத்துறை அமைச்சர் அந்தோணி, ஹெலிகாப்டர் ஒப்பந்தம் தொடர்பாக தற்போது சி.பி.ஐ., விசாரணைக்கு உத்தரவிடப்பட்டுள்ளது. இந்த விசாரணை முடிந்த பின்னரே இவ்விஷயத்தில் எந்த ஒரு முடிவையும் எடுக்க முடியும். இந்த விவகாரத்தில் ஒவ்வொரு விஷயத்தையும் நாங்கள் மிகவும் உன்னிப்பாக கவனித்து வருகிறோம். முறைகேடுகள் கண்டுபிடிக்கப்பட்டால், ஒப்பந்தம் ரத்து செய்யப்படும். தவறுசெய்தவர்கள் யாரும் தப்பிக்க முடியாது. பின்மெக்கானிக்கா தலைவர் கிஸ்பி ஓர்சிக்கு வழங்கப்பட்ட வாரண்டில், முன்னாள் விமானப்படை தளபதி தியாகியின் பெயர் குறிப்பிடப்பட்டிருப்பதாக இதுவரை எனக்கு எந்த தகவலும் வரவில்லை என்று தெரிவித்தார்.

தியாகி மறுப்பு:

அகஸ்டா வெஸ்ட்லாண்ட் ரக ஹெலிகாப்டர் ஒப்பந்த்தத்தில் தான் லஞ்சம் பெற்றதாக வெளிவந்துள்ள செய்திகளை முன்னாள் விமானப்படை தளபதி எஸ்.பி. தியாகி மறுத்துள்ளார். இந்த ஒப்பந்தத்திற்கு முன்பாகவே தான் பதவியிலிருந்து ராஜினாமா செய்து விட்டதாகவும் தியாகி தெரிவித்துள்ளார்.

ஒப்பந்தத்தில் ஊழல் நடந்துள்ளதாõக வெளிவந்துள்ள தகவல்களையடுத்து, கடந்த 2003ம் ஆண்டு ஒப்பந்தத்தின் துவக்கம் முதல் 2010ம் ஆண்டு ஒப்பந்தம் கையெழுத்தானது வரையிலான பைல்களை பாதுகாப்புத்துறை அமைச்சகம் தீவிரமாக ஆராய முடிவு செய்துள்ளது.

அப்பாடி, ஊழல்வதிகளே இனி பயம் வேண்டாம் . சொல்லிட்டருள்ள , அப்ப செய்யமாட்டார்கள் .

தினமலர்