மகாராஷ்டிராவில் தான் இந்த கொடுமை ;3,000 ரூபாய்க்கு சிறுவர்கள் விற்பனை

by **Powenraj** Tue Feb 12, 2013 11:29 am

கோல்காபூர் : மகாராஷ்டிராவில், வறுமையால் மிக மோசமான நிலையில் உள்ள, வனார் மாரி பழங்குடி இனத்தவர், தங்களின், 4 வயது முதல், 10வயது வரையுள்ள, ஆண் குழந்தைகளை, 3,000 ரூபாய்க்கு விற்கும் கொடுமை சமீபத்தில் கண்டறியப்பட்டுள்ளது.
-
"நாட்டின் வர்த்தக தலைநகர்' என, போற்றப்படும் மும்பைக்கு, 300 கி.மீ., தொலைவில் அமைந்துள்ளது கோல்காபூர். மும்பையில் வாழும் கோடீஸ்வரர்கள், தினமும், சில லட்சங்களை, தண்ணீராக செலவழிக்கையில், கோல்காபூரில் வாழும், வனார் மாரி பழங்குடி மக்கள், வெறும், 3,000 ரூபாய்க்கு, தங்களின் ஆண் வாரிசுகளை, கால்நடை மேய்ப்பவர்களிடம் விற்கும் கொடுமை கண்டறியப்பட்டுள்ளது.
-
ரத்னபுரி பகுதியில் உள்ள கால்நடை மேய்ப்பவர்கள், தங்களின் கால்நடைகளை மேய்க்க, கோல்காபூர் வந்து, வனார் மாரி பழங்குடியின மக்களை தொடர்பு கொண்டு, ஒவ்வொரு குடும்பத்திலும் உள்ள சிறுவர்களை, விலைக்கு வாங்கி செல்கின்றனர்.
ஆடு, மாடு மேய்க்க, 4 வயது முதல், 10 வயது வரையுள்ள சிறுவர்களை, பெற்றோரிடம் இருந்து பிரித்து, கால்நடைகளை போல விற்கின்றனர். இதற்காக, குறைந்தபட்சம், 3,000 ரூபாய் முதல், 10 ஆயிரம் ரூபாய் வரை பெற்று கொள்ளும் குடும்பத்தினர், இந்த செயலுக்காக வருந்துவதே இல்லை. வறுமை அவர்களை, இந்த நிலைக்கு தள்ளியுள்ளது.
-
வேறு எந்த வழி கிடையாது.:
வனார் மாரி பழங்குடியின சிறுவர்கள் விற்கப்படுவதைஅறிந்த மாநில நிர்வாகம், சமீபத்தில் எடுத்த அதிரடி நடவடிக்கையை அடுத்து, 31 சிறுவர்கள் மீட்கப்பட்டனர். அவர்களில்பெரும்பாலோனோர், பச்சிளம் பாலகர்கள். வறண்ட நிலப்பகுதியில் வாழும் இந்த இன மக்கள், முயல், நரிபோன்றவற்றை தின்று, பசியை போக்குகின்றனர். காடுகளில்தேன் எடுத்து, அதை விற்பனை செய்து, கிடைக்கும் கொஞ்ச பணத்தில், வாழ்க்கை நடத்திவரும் இவர்களுக்கு, மொத்தமாக பணத்தை பார்க்க, சிறுவர்கள் விற்பனை தவிர, வேறு எந்த வழியும் கிடையாது.
-
இது குறித்து, ரத்னகிரி தாலுகா, துணை கோட்ட அதிகாரி, சமீர் ஷின்கேடே கூறும் போது, ""வனார் மாரி பழங்குடியின சிறுவர்கள் விற்பனை செய்யப்படுவது குறித்த தகவல், சமீபத்தில்தான் எங்களுக்கு கிடைத்தது. இரண்டு நாட்களுக்கு முன், நாங்கள்மேற்கொண்ட நடவடிக்கையில், 31 சிறுவர்கள் மீட்கப்பட்டுள்ளனர்,'' என்றார். மீட்கப்பட்ட சிறுவர்களை, அவரவர் பெற்றோரிடம் ஒப்படைப்பதா அல்லது காப்பகங்களில் தங்க வைப்பதா என தெரியாமல், தற்காலிகமாக, காப்பகங்களில் தங்க வைக்கப்பட்டுள்ளனர். வயிறார உணவு கிடைத்த மகிழ்ச்சியில், காப்பகங்களில், ஜாலியாக உள்ளனர், மீட்கப்பட்ட சிறுவர்கள்.
-
தினமலர்