மாற்றான் தோட்டத்து மல்லிகையை நுகரும் பழக்கம் நம்மவரை எப்போது விட்டொழியும்?

நம்மவர் பலரிடம் பரவலாக புற்றீசலாக காணப்படும் பழக்கம், அடுத்தவன் வீட்டு விஷயத்தில் மூக்கை நுழைக்கும் ஒரு தீய பழக்கம். தன் வீட்டுக் கழிவறை நாறுவதை கூட மறந்து விட்டு, பக்கத்துக்கு வீட்டுக்காரன் வீட்டில் என்ன நடக்கிறது என்பதை அக்கறையாக, நேரம்-காலம் கடப்பது தெரியாமல் கவனித்து அவர்களின் முன்னேற்றப் பாதையில் ஒரு முட்டுக்கட்டையாக திகழ வேண்டும் என்பதற்காக, கங்கணம் கட்டிக் கொண்டு அலையும் ஒரு கூட்டம் ஒன்றினை எப்போதும் காணலாம்.
அண்மையில் சுற்று வட்டாரத்தில் கண்ட-கேட்ட சம்பவங்கள் சிலவற்றினை இங்கு பகிர்ந்து கொள்ள விரும்புகிறேன்.
௧) அண்மையில் நாம் கண்ட “தண்ணி தண்ணி” பதிவில் வரும் வில்லி கதாபாத்திரமான அந்த மலையாள குல மாணிக்கமான மங்கயர்க்கரசியே நமது இந்த அலசலுக்கு சாலப் பொருத்தமான உதாரணம். தனது சொந்த மாமியாரை கவனிக்க இஷ்டப்படாமல், அதே குடியிருப்பில் இன்னொரு வீதியில் அந்த எழுப்பத்திரண்டு வயது பெண்மணியைத் தனியே வைத்து விட்டு, பிறர் வீடு நிம்மதியை கெடுக்கும் பாங்கு அவளுக்கே உரித்தான ஒன்று. இவள் முன் பிறவியில் “ராமனின் குலம் கெடுத்த கூனியோ? அல்லது பாண்டவர்களை விரட்டிய சகுநியோ?” என்றும் நினைத்து அருவருப்பு அடையச் செய்கிறது.
௨) எனது தெருவில் ஒரு நண்பரது மகன் திருமணம் அண்மையில் இனிதே நடந்து முடிந்தது. அதிலிருந்து சில சுவையான படிப்பினைகள்:
(*) இருவரும் அலுவலகம் செல்லும் சூழ்நிலையில் இருவருக்கும் பலதரப்பட்ட, இருபாலார் நண்பர்களாக இருப்பது இயல்பு. ஆனால் திருமணத்திற்கு பிறகும் அந்த பெண்ணுக்கு அலுவலக ஆண் நண்பர்கள் வெகு நேரத்திற்கு பிறகு அலைபேசியில் பேசுவது சாதாரண விஷயம் தான் என்றாலும், இந்த சமூகம் ஒத்துக்கொள்ளாதே. “பனை மரத்தின் கீழ் பால் குடித்தாலும், அதை கள் என்று பழி போடும்” இந்த உலகத்தில் அந்த நண்பர்களாவது புரிந்து கொண்டனரா என்றால் அதுவும் இல்லை. நானும் இந்த தெருவில் இன்னொரு நண்பரும் அந்த குடும்பத் தலைவர் அனுமதி பெற்று, அந்த பெண்ணின் அலுவலகம் சென்று அந்த மேலாளரை சந்தித்து இன்னும் சில ‘மேல் இருக்கைகளை’ கவனித்தப் பின் இப்போது அந்த குடும்பத்தில் சிறிது அமைதி திரும்புகிறது. இந்த நிகழ்வை இங்கு பதிவு செய்யும் காரணம் என்ன தான் நல்ல தோழியாக இருந்தாலும், நல்ல தோழனாக இருந்தாலும், அளவலாவவுவதருக்கு ஒரு வரம்புண்டு; வரைமுறையும் உண்டு.
அந்த நண்பர்களும் உலகப் பொதுமறையாம் திருக்குறளின் “பிறன்மனை நோக்கா பேராண்மையை” சற்று சிந்தித்துப் பார்த்தல் சிறிது நன்மை பயக்கும். அதே போல், பெண்களும் வீண் விதண்டாவாதமாக (சம்சாரம் அது மின்சாரம் படத்தில் வருவது போல்) “நான் நெருப்பு” என்பது போல் ஆணித்தரமாக ஆக்ரோஷமாக ஆட்சேபிப்பது தேவையில்லாது ஒன்று. அதே படத்தில், அந்த பதிலுக்கு, கிஷ்மு கூறிய பதில் “கூட வரவன் பஞ்சா இருந்த, கப்புனு பத்திக்குமே”.
கலி முற்றிய இந்த கால கட்டத்தில் உண்மைகள் உரைக்குமா? அறிந்தவர்கள் புரிந்து கொள்வார்களா? என்பது காலத்திற்கே

பிறர் பிரட்ச்சனைகளில் எப்பொழுதும் மூக்கை நுழைத்துக்கொண்டிருப்பவர்கள், பிறர் நடத்தையில் குறை கண்டுபிடிப்பதையே வாழ்க்கையாக கொண்டிருப்பவர்கள் தன் குடும்பம் சீரழிந்துபோவதை கவனிக்க மறந்துபோவார்கள்......

பயனுள்ள பதிவும் நன்றிகள்..... மீனு..


...

நல்ல பதிவு, நன்றி மீனு!