மல்லிகை வாசமுள்ள தலையணைக்கு வரவேற்பு.....

கொச்சி:இந்தியாவில் பிரத்யேகமாக தயார் செய்யப்படும், மல்லிகை மணம் பரப்பும் தலையணைகளுக்கு, உலகளவில் சிறப்பான வரவேற்பு காணப்படுகிறது. குறிப்பாக, ஐரோப்பிய நாடுகளில், இதற்கான தேவை மிகவும் அதிகரித்து வருகிறது.இதையடுத்து, ஐரோப்பிய நாடுகளுக்கான மல்லிகை மணம் பரப்பும் தலையணைகள் ஏற்றுமதி, கடந்த 90 நாட்களில், 1 கோடியை எட்டியுள்ளது.இவ்வகை தலையணைகள், 70 சதவீதம் தேங்காய் நார் மற்றும் 30 சதவீதம் இயற்கை ரப்பர் லேட்டக்ஸ்- கொண்டு தயாரிக்கப்படுகிறது. மேலும்,மணம் பரப்பும் வகையில், சிறியதாக மல்லிகை கேப்சூல்கள் வைக்கப்பட்டு, இந்த வகை தலையணைகள் தயார் செய்யப்படுகின்றன.
அறையில் உள்ள துர்நாற்றங்களை அகற்றி, நறுமணம் பரவச் செய்வதால், பிரஸல்ஸ் மற்றும் இதர ஐரோப்பிய நாடுகளில், இவ்வகை தலையணைகளுக்கு அதிக வரவேற்பு கிடைக்கத் துவங்கிஉள்ளது. இதையடுத்தே, இதன் ஏற்றுமதி, குறுகிய கால அளவில், சிறப்பாக வளர்ச்சி கண்டுள்ளது என, இத்துறையைச் சேர்ந்த ஏற்றுமதி வர்த்தகர் ஒருவர் தெரிவித்தார்.
கடந்த 2010-11ம் நிதியாண்டில், 807 கோடி ரூபாயாக இருந்த, நாட்டின் கயிறு பொருட்கள் ஏற்றுமதி, சென்ற நிதியாண்டில், 1,084 கோடி ரூபாயாக அதிகரித்துள்ளது. இதை, வரும், 2016-17ம் நிதியாண்டிற்குள், 2,500 கோடி ரூபாயாக அதிகரிக்க இலக்கு நிர்ணயிக்கப்பட்டுள்ளது.இந்நிலையில், நார் பொருட்களில் தயாராகும் நறுமணம் பரப்பும் தலையணைகளுக்கு, உலகளவில், அதிக வரவேற்பு கிடைத்து வருவது, கயிறு பொருட்கள் ஏற்றுமதி இலக்கை எட்டுவதற்கு ஏதுவாக இருக்கும் என, ஏற்றுமதி நிறுவனத்தின் உயரதிகாரி ஒருவர் தெரிவித்தார்..

தினமலர்

சூப்பருங்க.

கொஞ்ச நாளைக்கு அப்புறம் தலை வலி வரும்ன்னு சொல்ல மாட்டாங்களே?

அருமை