டெல்லியில் கற்பழிக்கப்பட்டு பலியான மாணவியின் குடும்பத்தை கா‌‌ங்‌கிர‌ஸ் க‌ட்‌சி‌த் தலைவ‌ர் சோனியா கா‌ந்‌தி, அவரது மக‌ன் ராகுல் கா‌ந்‌தி ஆ‌கியோ‌ர் நேரில் சந்தித்து ஆறுதல் கூறியதோடு, அவர்களுக்கு இலவசமாக வீடு வழங்கப்படும் என்று உறுதி அளித்து‌ள்ளன‌ர்.

டெல்லியில் மாணவி ஒருவர் ஆறு பேர் கொண்ட குமபலால் பலாத்காரம் செய்யப்பட்டு, தாக்கப்பட்டதில் அவர் பதிமூன்று நாட்கள் உயிருக்கு போராடி உயிரிழந்தார். இந்த வழக்கில் கைது செய்யப்பட்ட ஆறு பேரில் ஒருவர் மைனர் என்று தீர்ப்பளிக்கப்பட்டது. இதனால் இடிந்து போன மாணவியின் குடுமபத்தினர் சோனியா காந்தியை பார்த்து நியாயம் கேட்க முயன்றனர்.

இந்த நிலையில் காங்கிரஸ் தலைவர் சோனியா காந்தி மற்றும் ராகுல், நேற்று உத்தரபிரதேச மாநில‌த்‌தி‌ல் உ‌ள்ள மாணவியின் குடும்பத்தை நேரில் சென்று பார்த்தனர். அப்போது உயிரிழந்த மாணவியின் குடும்பத்துக்கு இலவசமாக டெல்லி துவாரகா பகுதியில் வீடும், அவரது சகோதரருக்கு வேலையும் வழங்கப்படும் என்று சோனியா உறுதி அளித்தார்.

பெண்ணின் பெற்றோர் மற்றும் குடும்பத்தினரிடம் ஒரு மணி நேரம் பேசிய சோனியா மற்றும் ராகுல், இறந்த மாணவி குறித்து பல விவரங்களை கேட்டு தெரிந்து கொண்டார். மேலும் மாணவியின் தாயாரிடம் அவர்களை தன் குடும்பத்தினரில் ஒருவராக நினைப்பதாக சோனியா கூறினார்.

ஆறாவது குற்றவாளியை மைனர் என்ற காரணத்துக்காக தப்பவிடக் கூடாது என்று குடும்பத்தினர் கேட்டுக் கொண்டனர். இதற்காக சட்டத்திருத்தம் கொண்டு வருவது பற்றி பரிசீலிக்கப்படும் என்று சோனியா உறுதி அளித்தார்.
தகவல் : வெப்துனியா

எத்தனை நாட்களுக்கு பிறகு இந்த சந்திப்பு