சிங்கம்- 2'ல் கடல் கொள்ளையர்களாக காட்டப்படும் முஸ்லிம்கள்: காட்சிகளை நீக்க தவ்ஹீத் ஜமாஅத் கோரிக்கை ?

சென்னை: சூர்யா நடிக்கும் 'சிங்கம்- 2' திரைப்படத்தில் முஸ்லிம்களை கடல் கொள்ளையர்களாகவும், கொடூரமான வில்லன்களாகவும் சித்தரித்து காட்சிகள் அமைக்கப்பட்டுள்ளதாகத் தெரிகிறது. இது உண்மையாக இருக்கும்பட்சத்தில், விஸ்வரூபம் திரைப்பட விவகாரத்தை மனதில் கொண்டு, சர்ச்சைக்குரிய காட்சிகளை இயக்குனர் ஹரி நீக்க முன் வர வேண்டும் என்று இந்திய தவ்ஹீத் ஜமாஅத் கோரிக்கை விடுத்துள்ளது.

இது குறித்து அந்த அமைப்பின் மாநிலச் செயலாளர் முஹம்மது ஷிப்லி வெளியிட்டுள்ள அறிக்கையில், விஸ்வரூபம் திரைப்பட சர்ச்சை ஓய்வதற்குள் இயக்குனர் ஹரி இயக்கத்தில் நடிகர் சூர்யா நடித்து வெளிவர இருக்கும் 'சிங்கம்- 2' என்ற திரைப்படத்தில் முஸ்லிம்களை கடல் கொள்ளையர்களாகவும், கொடூரமான வில்லன்களாகவும் சித்தரித்து காட்சிகள் அமைக்கப்பட்டுள்ளதாக தெரிகிறது. இது உண்மையாக இருக்கும்பட்சத்தில், விஸ்வரூபம் திரைப்பட விவகாரத்தை மனதில் கொண்டு இஸ்லாமியர்களின் உணர்வுகளை காயப்படுத்தும் வகையில் சர்ச்சைக்குரிய காட்சிகள் 'சிங்கம்- 2' திரைப்படத்தில் இருந்தால் அப்படிப்பட்ட காட்சிகளை இயக்குனர் ஹரி நீக்க முன் வர வேண்டும் என தோழமையுணர்வுடன் கேட்டுக் கொள்கிறோம்.

மேலும், 'சிங்கம்- 2' மட்டுமல்லாமல் எதிர்காலத்தில் எடுக்கப்படும் திரைப்படங்கள் தணிக்கைக்காக வரும்போது மத நம்பிக்கையாளர்களின் உணர்வுகளுக்கு எதிராகவோ, இனங்களுக்கு எதிராகவோ சர்ச்சைக்குரிய காட்சிகள் இருப்பின் தணிக்கை குழு கவனத்துடன் செயல்பட்டு உரிய வகையில் அக்காட்சிகளை நீக்கிய பின்னரே தணிக்கை சான்றிதழ் வழங்க வேண்டும்.

திரைப்படம் என்பது மக்களை வெகு விரைவில் சென்று சேரும் வெகுஜன சாதனம். அதனால் பொது அமைதிக்கு பங்கம் ஏற்படாமல் திரைப்படங்களை எடுக்க வேண்டிய சமூக அக்கறையும், பொறுப்புணர்வும் திரைக் கலைஞர்களுக்கு உண்டு. அதேபோல, தணிக்கை குழுவிற்கு இந்த அக்கறையும், பொறுப்புணர்வும் தாண்டிய கடமையும் உண்டு. அதனால் தங்கள் கடமையை சரிவர செய்து மக்களின் இயல்பு வாழ்க்கையில் திரைப் படங்கள் பாதிப்பை ஏற்படுத்தாத வகையில் தணிக்கை குழு செயல்பட வேண்டும் என்று கேட்டுக் கொள்கிறோம் என்று கூறப்பட்டுள்ளது

ஒன்இந்தியா தமிழ்

இனிமே எல்லா திரைப்படங்களுக்கும் இதே நிலைமை தான்

எதுக்கு சென்சார் போர்டு இருக்கு நு தெரியவில்லை.!

நிறைய படங்களில் வெளிநாட்டவர் பலரை வில்லன்களாக சித்தரிக்கிறார்கள்.

அப்படீன்னா இனிமே நாம அந்தந்த நாட்டுல உள்ள சென்சார் போர்டின் அனுமதியும் பெறவேண்டும் கண்டிப்பா.

சூப்பர் நாடுங்க நாம - மவனே இனிமே ஒரு படம் நீ நிம்மதியா பாக்க நெனப்ப? தொலச்சிடுவோம்ல!!!

அப்ப, பாட்சா படத்துல மார்க் ஆண்டனி, மற்ற படங்களில் குப்பன், சுப்பன் என அனைத்தும் நீக்கப்பட வேண்டும். இனிமேல் வில்லனுக்கு பெயரே வைக்க கூடது மை லாட். அரசுகளும்,நீதிமன்றங்களும் அனைத்து வேலைகளையும் நிறுத்தி விட்டு எல்லா திரைப்படங்களை (மட்டும்) பார்த்து சரி செய்ய வேண்டும் எனத் தாழ்மையுடன் வேண்டிக்கொள்கிறேன்.

asaswin wrote:அப்ப, பாட்சா படத்துல மார்க் ஆண்டனி, மற்ற படங்களில் குப்பன், சுப்பன் என அனைத்தும் நீக்கப்பட வேண்டும். இனிமேல் வில்லனுக்கு பெயரே வைக்க கூடது மை லாட். அரசுகளும்,நீதிமன்றங்களும் அனைத்து வேலைகளையும் நிறுத்தி விட்டு எல்லா திரைப்படங்களை (மட்டும்) பார்த்து சரி செய்ய வேண்டும் எனத் தாழ்மையுடன் வேண்டிக்கொள்கிறேன்.

ஏற்றுக்கொள்ளகூடிய கருத்து தான் , எதுக்கும் நீங்க உங்க சங்கத்து மூலமா தமிழக அரசுக்கு ஒரு வேண்டுகோள் விடுங்க

எனக்கு ஒரு சந்தேகம். ஒரே ஒரு சந்தேகம். அய்யர், அய்யங்கார், தேவர், முதலியார், கிறிஸ்துவர், இசுலாமியர், சீக்கியர், கேரளாவாசி, ஆந்திராவாசி, சென்னைவாசி, நெல்லைவாசி,ஆண், பெண், திருநங்கை, மருத்துவர், வழக்கறிஞர், வேலைக்கு செல்பவர், வேலையில்லாதவர், உயரமானவர், குள்ளமானவர், காதலர்கள், ஒரு தலை காதலர்கள், ஆசிரியர்கள், மாணவர்கள், கருப்பானவர்கள், சிவப்பானவர்கள், மாநிறத்தவர்கள், ஐந்தடிக்கு மேல் உயரமானவர்கள், 40 வயதை தாண்டியவர்கள், 40 வயதுக்கு கீழே இருப்பவர்கள், மாற்றுத்திறன் கொண்டவர்கள், கபடி ஆடுபவர்கள், கிரிக்கெட் ஆடுவர்கள்.. இவர்களில் சினிமாவில் வில்லனாக சித்தரிக்கப்படாதவர்கள் யாராவது இருக்கிறார்களா? இருந்தால் தயவு செய்து சொல்லுங்கள்.

இதே போல தொலைக்காட்சி சீரியல்களுக்கும் கணம் கோர்ட்டார் அவர்கள் ஏதாவது செய்யனும்ன்னு பணிவோடு வேண்டிக்கிரேனுங்க எசமான்.

எங்க தெருவில இருக்கற அப்துல்லா, அந்தோனி, அர்ஜுன் இவங்களோட நானு இனிமே விளயாடலாங்களா? இல்ல அதுக்கும் சங்கத்துல பெர்மிஷன் வாங்கனுங்களா?

ஏன் கேக்கறேன்னா விளயாடரப்ப பந்து பட்டு யாருக்காவது அடி பட்டுட்டா அப்புறம் சங்கத்துல இருந்து எதிர்ப்பு சொல்லி அதுனால நாட்டில் சட்டம் ஒழுங்கு பிரச்சினை வந்து கலக்டர் என்ன அரஸ்ட் பண்ணிடக் கூடாது பாருங்க....

அம்மா ஆரம்பித்து வைத்த கேலிகூத்து இனி தொடர் கதை