பிப்ரவரி 1- ந் தேதி...2003-ம் ஆண்டு! அமெரிக்காவின் நாசா மையத்தில் அந்த 7 விஞ்ஞானிகளின் உறவுகளும் காத்திருக்கின்றனர்.. வெற்றிகரமான விண்வெளிப் பயணத்தை முடித்துவிட்டு இன்னும் சிறிது நேரத்தில் உறவுகள் வந்துவிடுவர் எனக் காத்திருந்த அவர்களுக்கு மட்டுமே உலகமே அப்படி ஒரு கோர விபத்தை கேள்விப்பட்டு அதிர்ச்சியில் உறைந்து போயினர்...ஆனால் ஒரு உண்மை இப்போது வெளியாகியுள்ளது.. கொலம்பியா விண்கலம் வெடித்துச் சிதறிவிடும் என்பது நாசா விஞ்ஞானிகளுக்கு முன்பே தெரியும் என்பதுதான் அது! 2003-ம் ஆண்டு ஜனவரி 16-ந் தேதி விண்வெளி ஆராய்ச்சிக்காக அமெரிக்காவின் கென்னடி நிலையத்திலிருந்து கொலம்பியா விண்கலம் அனுப்பி வைக்கப்பட்டது. இந்திய வம்சாவளி பெண்ணாகிய கல்பனா சாவ்லா உள்ளிட்ட 7 பேர் அதில் பயணித்தனர். ஆனால் பூமி சுற்றுப் பாதைக்கு வந்த போது அமெரிக்காவின் டெக்ஸாஸ் வான்பரப்பில் வெடித்து சிதறி கல்பனா சாவ்லா உள்பட 7 விண்வெளி வீரர்களும் பலியாகினர். ஒவ்வொரு ஆண்டும் பிப்ரவரி 1-ந் தேதியன்று இந்த விபத்தில் உயிரிழந்தோருக்கு அஞ்சலி செலுத்தும் நிகழ்ச்சிகள் நடத்தப்படுகின்றன. இன்று கூட அமெரிக்காவில் கொலம்பியா விண்கல விபத்தில் உயிரிழந்தோருக்கான அஞ்சலி நிகழ்ச்சி நடைபெற்றது. இதில் பயணித்து மரணித்தோரின் 12 குழந்தைகள் கலந்து கொண்டனர். இவர்களில் 15 வயது சிறுவனும் 32 வயது இளைஞரும் அடக்கம். கொலம்பியா விண்கல விபத்துக்கு அது பூமியிலிருந்து கிளம்பியபோது, சிதறி விழுந்த ஒரு foam துண்டு தான் காரணம் என்பது விசாரணையில் தெரியவந்தது. இந்த விண்கலம் புறப்படும்போதே இந்த போம் துண்டு அதன் மீது விழுந்து, அந்த விண்கலத்தின் வெப்பத்தைத் தாங்கும் பாதுகாப்பு கவசத்தில் துளையை ஏற்படுத்திவிட்டது. இதனால் இந்த விண்கலம் பூமிக்குத் திரும்பும்போது, ஏற்படும் மிக உயர் அழுத்த வெப்ப நிலையால் வெடித்துச் சிதறிவிடும் என்பது அப்போதே நாஸா விஞ்ஞானிகளுக்குத் தெரிந்துவிட்டது.

தட்ஸ் தமிழ்

தெரிந்தும் ஏன் விஞ்ஞானிகளைக் காப்பாற்ற நாசா முன்வரவில்லை! ஒருவேளை அதற்குச் சாத்தியமில்லாமல் இருந்திருக்குமோ?

ராக்கட் மேல போகும்பொழுது ஏற்பட்ட இந்த சேதத்தை ஒன்றும் செய்ய இயலா நிலை தான் - வேறு என்ன சொல்ல முடியும்?

தெரிந்தும் என்ன பயன் ஒன்றும் செய்ய இயலாதுதான்.......தகவலுக்கு நன்றி அண்ணா......

யினியவன் wrote:ராக்கட் மேல போகும்பொழுது ஏற்பட்ட இந்த சேதத்தை ஒன்றும் செய்ய இயலா நிலை தான் - வேறு என்ன சொல்ல முடியும்?

விண்வெளிப் பயணங்களின்போது இவ்வாறான விடயங்களைக் கையாள்வதற்குரிய ஆயத்தங்கள் மேற்கொள்ளப்பட்டுள்ளன. அதற்கான தொழினுட்ப பயிற்சிகளும் வழங்கப்படுகின்றன.

ஆனாலும் இதனை சரிக்கட்டும் நடவடிக்கையை அல்லது அதற்கான அறிவுறுத்தல்களை ஏன் நாசா வழங்கவில்லை என்றுதான் எண்ணத்த தோன்றுகிறது.

இது நூறு சதம் பொய்யான செய்தியாக தான் இருக்கவேண்டும்.

விண்கலத்தை விட விண்வெளி வீரர்களை உருவாக்குவது கடினம், அதனால் எந்த ஒரு நாடும் தெரிந்தே தங்களின் அனுபவமிக்க விண்வெளி வீரர்களை பலிகொடுக்க மாட்டார்கள்.

ராக்கட் புறப்பட்ட பொழுது ஏற்ப்பட்ட சேதம் இது - அவர்கள் நினைத்தாலும் ராக்கட்டை நிறுத்தி இருக்க முடியாது.