தமிழ்நாட்டில் தமிழைப் படிக்காதே!

**சாமி** · **சாமி** Sat Feb 02, 2013 8:30 pm

தமிழர்களுக்கும் தமிழ்நாட்டிக்கும் எதிரான குரல் என்றால், அது முதலில் கர்நாடகாவில் இருந்துதான் ஒலிக்கும் என்பதற்கு இன்னும் ஒரு உதாரணம் இது. தமிழகத்தில் தமிழ் மொழி கட்டாய முதன்மைப் பாடமாக இருக்கும் என்ற தமிழக அரசின் அறிவிப்புக்கு கர்நாடகத்தில் இருந்து எதிர்ப்பு கிளம்பி இருப்பது வேடிக்கையான வேதனை!

கடந்த சில தினங்களுக்கு முன், தமிழக – கர்நாடக எல்லையில் வாட்டாள் நாகராஜ் தலைமையில் குவிந்த அவரது கன்னட சலுவாளி இயக்கத்தினர் ஆர்ப்பாட்டம் நடத்தினர். “எல்லை ஓரங்களில் இருக்கும் குழந்தைகள் கன்னடத்தைத் தாய்மொழியாகக் கொண்டவர்கள். அவர்களிடம் தமிழைத் திணிக்கும் முயற்சி நடக்கிறது. இதை நாங்கள் அனுமதிக்க மாட்டோம்” என்று சொன்னார் வாட்டாள் நாகராஜ்.

வாட்டாள் நாகராஜ் நடத்திய போராட்டம் எல்லையில் உள்ள தமிழர்களைக் கொந்தளிக்க வைத்தது. ‘ஒகனேக்கல்-2025’ அமைப்பின் நிறுவனர் மது நம்மிடம், எல்லையை ஒட்டியுள்ள மாவட்டங்களில் மொழி சிறுபான்மைப் பள்ளிகள் இருக்கின்றன. இந்தப் பள்ளிகளில் படிக்கும் குழந்தைகள் தங்கள் தாய்மொழியை (மலையாளம், கன்னடம், தெலுங்கு) முதன்மைப்பாடமாக எடுத்துப் படிக்கலாம் என்பது இதுவரை நடைமுறையில் இருந்தது. தமிழக அரசு சமீபத்தில் தமிழ்நாட்டுப்பள்ளிகளில் தமிழ் முதன்மைப்பாடமாக இருக்கும் என்று அறிவித்தது. இது வரவேற்கத்தக்கது. தமிழக அரசின் இந்த அறிவிப்புக்கு எதிர்ப்புத் தெரிவித்து வாட்டாள் நாகராஜ் ஆர்ப்பாட்டம் நடத்தியது வேதனையானது.

தமிழக மக்களுக்கு என்ன தேவை என்பதை நிர்ணயிக்கும் அதிகாரத்தை வாட்டாள் நாகராஜுக்கு யார் கொடுத்தது? இதெல்லாம் அவர் நடத்தும் அரசியல் நாடகம்.

இது ஒரு பக்கம் இருக்க, காங்கிரஸ் கட்சியைச் சேர்ந்த ஓசூர் எம்.எல்.ஏவான கோபிநாத் செய்திருப்பது அதைவிட வேதனையானது. கிருஷ்ணகிரி மாவட்ட எல்லையோரத்தில் மொழிச் சிறுபான்மைப் பள்ளிகளில் தாய்மொழிக் கல்வி தொடர்வதை தடை செய்யக்கூடாது. கட்டாயத் தமிழ் சட்டத்திக் கொண்டு வந்தால் குழந்தைகளின் கல்வித்தரம் பாதிக்கும். எனவே, தமிழக அரசின் உத்தரவை ரத்து செய்யவேண்டும்’ என கிருஷ்ணகிரி கலெக்டரிடம் கோபிநாத் மனு கொடுத்து இருக்கிறார். தமிழகத்தில் மூன்று முறை எம்.எல்.ஏவாக இருக்கும் கோபிநாத் இப்படி மனு கொடுத்து இருப்பது அதிர்ச்சியானது. இதுவே கர்நாடக எல்லைக்குள் இருக்கும் தமிழர்கள் அங்குள்ள பள்ளிகளில் தமிழுக்கு முன்னுரிமை கொடுக்கச் சொல்லி கோரிக்கை வைக்க முடியுமா? அந்தத் தைரியம் அவருக்கு இருக்கிறதா? இவர்களை எல்லாம் கண்டித்து விரைவில் ஆர்ப்பாட்டமும் தொடர் போராட்டமும் நடத்தப்போகிறோம்” என்றார் கோபத்தோடு.

இந்தக் குற்றச்சாட்டுகளுக்கு எம்.எல்.ஏ கோபிநாத் என்ன சொல்கிறார்? “வேற்று மொழியைத் தாய்மொழியாகக் கொண்ட குழந்தைகளுக்கு தமிழ் வழியில் பாடம் நடத்தினால், படிப்பின் தரம் குறையும். அதைக் குறிப்பிட்டுத்தான் மனு கொடுத்தேன். மற்றபடி, நான் தமிழ்நாட்டுக்கோ தமிழுக்கோ எதிரானவன் கிடையாது. தமிழை ஒரு பாடமாக வைத்துக் குழந்தைகளுக்குக் கற்றுத்தர வேண்டும் என்பதுதான் என்னுடைய கருத்தும்” என்றார்.

தமிழுக்கும் தமிழனுக்கும் எப்போதும் சோதனைதானோ?

(நன்றி-எஸ்.ராஜாசெல்வம்-ஜூனியர் விகடன்)

**ayyamperumal** · **ayyamperumal** Sat Feb 02, 2013 9:27 pm

அடப்பாவிகளா !
இங்கயே தமிழ் படிக்கிறது கேவலம் என நினைக்கிறார்கள். போதா குறைக்கு TNPSC போன்ற போட்டிதேர்வுகளில் கூட தமிழை நீக்கும் முயற்சி நடக்கிறது . இதுல விளம்பர அரசியலுக்கு தமிழ் தான் கிடச்சதா ?

**கரூர் கவியன்பன்** · 23/09/2012

நடத்துங்கப்பா.............. இவ்வளவு தான் உங்களுக்குத் தெரியுமா ?

யினியவன் · யினியவன் Sat Feb 02, 2013 9:54 pm

சிறு கும்பல் எதிர்ப்பு தெரிவித்தால் நாட்டில் சட்டம் ஒழுங்கு பாதிக்கப்படும் என 31 கலக்டர்களை அறிக்கை விட சொல்லி, இன்டலிஜன்ஸ் ரிபோர்ட் பரிந்துரையின்படி தமிழை முதல் மொழியாக அறிவிக்க தடை செய்ய அம்மணி ஏதாவது உடனடியாக செய்யலாமே.

நமக்கு எதுக்கு தமிழ்? ஹிந்தியும், ஆங்கிலமும் போதுமே!!!

**ayyamperumal** · **ayyamperumal** Sat Feb 02, 2013 10:17 pm

யினியவன் wrote:சிறு கும்பல் எதிர்ப்பு தெரிவித்தால் நாட்டில் சட்டம் ஒழுங்கு பாதிக்கப்படும் என 31 கலக்டர்களை அறிக்கை விட சொல்லி, இன்டலிஜன்ஸ் ரிபோர்ட் பரிந்துரையின்படி தமிழை முதல் மொழியாக அறிவிக்க தடை செய்ய அம்மணி ஏதாவது உடனடியாக செய்யலாமே.

நமக்கு எதுக்கு தமிழ்? ஹிந்தியும், ஆங்கிலமும் போதுமே!!!

அம்... மணி யினை ஆட்டுவிப்பது யார் ?

mahadevan · mahadevan Sat Feb 02, 2013 10:27 pm

viotha manitharkal

**மாணிக்கம் நடேசன்** · 14/12/2009

இதுக்கு பதில் சொல்ல பானபத்தர பாகவதரை கூப்பிடுங்கள், ஒரு நாள் போதுமா? என்று பாடியே பதில சொல்லிடுவாரு.

**கோவிந்தராஜ்** · 20/02/2011

தமிழ் தமிழ்நாடு என்றாலே ..........இலக்காரமாக போய்விட்டது .
"உள்ளூர் குளம் தீர்த்தத்திற்கு உதவாது " என்ன கொடுமை சார் இது

Sponsored content · Sponsored content

தமிழ்நாட்டில் தமிழைப் படிக்காதே!

தமிழ்நாட்டில் தமிழைப் படிக்காதே!

Re: தமிழ்நாட்டில் தமிழைப் படிக்காதே!

Re: தமிழ்நாட்டில் தமிழைப் படிக்காதே!

www.karurkaviyanban.blogspot.in

Re: தமிழ்நாட்டில் தமிழைப் படிக்காதே!

Re: தமிழ்நாட்டில் தமிழைப் படிக்காதே!

Re: தமிழ்நாட்டில் தமிழைப் படிக்காதே!

Re: தமிழ்நாட்டில் தமிழைப் படிக்காதே!

Re: தமிழ்நாட்டில் தமிழைப் படிக்காதே!

Re: தமிழ்நாட்டில் தமிழைப் படிக்காதே!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக