தமிழ் என்ன புளி நெல்லியா?

பிரெஞ்சுக் காரன்,
டொச்சுக் காரன்,
ஆங்கிலக் காரன்
எல்லோரும் தமிழ் பேசுறாங்க
நம்மாளுகள் மட்டும்
தமிழ் பேச மாட்டேங்கிறாங்க...

அமெரிக்காவிலும்
மாயன் இன முன்னோர்கள்
தமிழரின் வழித்தோன்றலாம்
சான்றுக்கு
மாயன் எழுத்துகளும்
தமிழ் எழுத்துகளும்
ஒன்றுபடுகிறதாம்...

ஆபிரிக்காவிலும் ஐரோப்பாவிலும்
சோவியத் உருசியாவிலும்
சீனக் கம்யூனிசக் குடியரசிலும்
முன்னை நாளில்
தமிழ் இருந்ததாகச் சான்றிருக்காம்...

ஆசியா தானாம்
தமிழுக்குத் தாய் மண்ணாம்
ஆசிய நாடுகளான
தமிழின் தாய் நாடாம்
பாரத(இந்திய) நாடு,
பாரத(இந்திய) நாட்டின் பிள்ளையாம்
ஈழ(இலங்கை) நாடு,
பாரத(இந்திய) நாட்டின் பேரப் பிள்ளைகளாம்
சிங்கை(சிங்கப்பூர்), மலே(மலேசியா) நாடுகள்
எங்கும் தமிழ் வாழ்வதாய் கூறிடினும்
கலப்பு/கூழ் (சாம்பாறு) கறி போல
பல மொழி கலந்து தமிழ் பேச
எப்படித்தானுங்க தமிழ் வாழும்?

தமிழ் என்ன புளி நெல்லியா?
தமிழ் பேச வாய் புளிக்கிறதா?

புளி நெல்லி கடிச்சு உண்டாலும் உண்டு
உண்ட பின் நீர் குடிச்சால்
இனிக்குமடா அடி நாக்கு!

படிக்கப் புளிக்கும் தமிழ் தானடா
பல்லைக் கடித்துப் படித்த பின்
அகத்தியனின் இலக்கணமும்
தொல்காப்பியனின் இலக்கண விளக்கமும்
வள்ளுவனின் குறளும் கம்பனின் பாட்டும்
படிக்கப் படிக்கத் தெரியுமடா
இனிக்கிறது தமிழென இனிக்கும் தமிழை!

தமிழைத் தேன்தமிழென
முன்னோர்கள் முன்மொழிந்தது
ஏன் தெரியுமா?
இனிக்கும் தமிழ்
தேன் போன்று தித்திக்கும் என்றே!

திக்கெட்டும் வாழும் தமிழா!
எனக்கெட்டிய தமிழை வைத்து
உனக்குப் பாபுனையப் படிப்பிப்பேன் - நீ
எனக்கு
உலகெங்கும் உயிரோடு தமிழ் வாழ
உன் பாவினில் எடுத்து விடு
கலப்பு/கூழ் (சாம்பாறு) கறி போலல்லாது
பிறமொழி கலவாத் தனித் தமிழை!

நம் தமிழ் வாழ்ந்தால் தானே
நாம் தலை நிமிர்ந்து
நாம் தமிழரென வாழ்வோம்
இவ்வுலகில்...!
திக்கெட்டும் வாழும் தமிழா!
கதைகள், கட்டு உரைகள்
நாடக, திரைக் கதை உரையாடல்
எல்லாம் எழுத வைப்பேன்
நான் - நீ
எனக்கு
உன் எழுத்தினில் புகட்டி விடு
உலகெங்கும் இனிக்கும் தமிழை!

சாட்டை அடி கவிதை,,,,


இன்றைய தமிழர்கள் தினசரித் செய்திகளைத் தான் இலக்கியங்களாகக் கருதும் பரிதாப நிலையிலே உள்ளனர் ...

புளியா எனக் கேட்டு உரைக்க வைத்தது மிக நன்று

உண்மையே.....

எல்லோரும் தன் தாய்மொழியில் பேசி நாம் கேட்டிருப்போம்...

ஆனால் நம் மக்கள் தான் வேறு மொழியில் பேசுவது...

மாயன் இனத்தினரும் தமிழ் மொழியை உரைத்ததைச்சான்றாக சொன்னது சிறப்பு...

மொத்தத்தில் கண்டிப்பாக தமிழ் சுவைக்கும்போது புளிக்கும் நெல்லிக்காய் உண்டு முடித்தப்பின் நீர் குடிக்கும்போது இனிப்பதைப்போன்று... என்ற உவமை மிக ரசிக்க வைத்தது....


தித்திக்கும் தமிழினை இங்கே கவிதையாக்கியது மிக அழகு...

அன்பு வாழ்த்துகள்....

சதாசிவம் wrote:சாட்டை அடி கவிதை,,,,

இன்றைய தமிழர்கள் தினசரித் செய்திகளைத் தான் இலக்கியங்களாகக் கருதும் பரிதாப நிலையிலே உள்ளனர் ...

மூன்று அடி யப்பானியக் கைக்கூவை விட
பாவலர் ஔவை அம்மாவின் நாலடியார்
மேலென உணரும் காலம் வரவேணும்!

யினியவன் wrote:புளியா எனக் கேட்டு உரைக்க வைத்தது மிக நன்று

நன்றி நண்பா
என் பா
என்றும்
"தமிழைப் பேணு" என்றுரைக்கும்...

மஞ்சுபாஷிணி wrote:உண்மையே.....

எல்லோரும் தன் தாய்மொழியில் பேசி நாம் கேட்டிருப்போம்...

ஆனால் நம் மக்கள் தான் வேறு மொழியில் பேசுவது...

மாயன் இனத்தினரும் தமிழ் மொழியை உரைத்ததைச்சான்றாக சொன்னது சிறப்பு...

மொத்தத்தில் கண்டிப்பாக தமிழ் சுவைக்கும்போது புளிக்கும் நெல்லிக்காய் உண்டு முடித்தப்பின் நீர் குடிக்கும்போது இனிப்பதைப்போன்று... என்ற உவமை மிக ரசிக்க வைத்தது....

தித்திக்கும் தமிழினை இங்கே கவிதையாக்கியது மிக அழகு...

அன்பு வாழ்த்துகள்....

தங்கள் மதிப்பீட்டுக்கும் பாராட்டுக்கும் மிக்க நன்றி.