கவியருவி ம. ரமேஷ் சென்ரியு!

by **முனைவர் ம.ரமேஷ்** Fri Feb 01, 2013 2:40 pm

First topic message reminder :

¦
அம்மா விளையாடப் போறேன்
என்ன விளையாட்டு?
போய்ப் படி

¦
உண்டி கொடுத்தோரே
உயிரை எடுத்தனர்
கல்லரை வாசகம்: ஈழத்தமிழர்

¦
காதலியைப் படைத்தவன்
கடவுள் என்றால்
கடவுள் எனக்கு மாமா உறவு

¦
படிடா … முடியாது!
எழுதுடா … முடியாது!
சார் நான் பாஸ் ஆயிட்டேன்

¦
வரிசையில் ஆண்கள்
திறக்கப்பட்டது
டாஸ்மாக்

by **முனைவர் ம.ரமேஷ்** Fri Mar 01, 2013 4:45 pm

¦
தீபாவளி பட்டாசு சப்தம்
ஓவென்று அழும் குழந்தை
இறந்த பாட்டியை நினைத்து!

¦
அலாரம் வைத்துவிட்டு
நிம்மதியாகத் தூக்கம்
கூவும்முன் எழும் விவசாயி

¦
கண்ணில் தூசி
துடைத்தும் போகவில்லை
காதலி உருவம்

¦
ஆண்டு முழுவதும்
கார்த்திகைத் திருவிழா
மின்சாரமில்லா இரவுகள்

¦
நதிக்ரையில்
சந்தித்துக்கொண்டன
நீர்தேடி வந்த கொக்குகள்

by **முனைவர் ம.ரமேஷ்** Tue Mar 12, 2013 12:47 pm

¦
அணைப்பதற்கு முன்
அணைந்துவிடுகிறது
மின் விளக்குகள்

¦
பெண் பிடிக்கவில்லை
காரணம் சொன்னால் நகைப்பு
கூந்தல் நீளமில்லை

¦
மழலைச் சொல்
எச்சில்
அமுதம்

¦
தள்ளாடிக் கொண்டே போகிறார்
சுடுகாட்டுப் பாதையில்
இறந்தும் தாத்தா

¦
சொட்டு சொட்டாய் மழை
நிரம்பி வழியும்
குளம்

by **முனைவர் ம.ரமேஷ்** Tue Mar 12, 2013 12:55 pm

¦
அடிப்பட்டும்
விழுந்து விழுந்து சிரிக்கும்
நடை பயிலும் குழந்தை

¦
அகழ் விளக்குகள்
கார்த்திகை தீபமில்லை
மின்தடை இரவுகள்

¦
கனவில் கண்ட
கடவுள் சாயலில்
மாறுவேட பிச்சைக்காரன்

¦
பழைய மணவறை
புதிய மாலைகள்
விவாகரத்தால் மூன்றாம் மணம்

¦
கண் மூடினால்
உன் உருவம்
திறந்தால் கானல் நீர்

by **முனைவர் ம.ரமேஷ்** Thu Mar 14, 2013 7:04 pm

¦
தோள்மேல் கை
காமமற்ற நடத்தை
ஆண்பெண் நட்பு

¦
காவல் துறை வண்டியில்
கல்யாண மாலை
வரதட்சணை புகார்

¦
வரதட்சணை கிடையாது
நாற்பது வயதாகி நிற்கும்
பெண்கள்

¦
மருத்துவப் படிப்பு
வரதட்சணை வேண்டாம்!
மருத்துவமனை மட்டும்

¦
தங்க நாற்கர சாலை
விபத்து; கிடைக்கவில்லை
தண்ணீர்!

by **முனைவர் ம.ரமேஷ்** Thu Mar 14, 2013 7:05 pm

¦
வேண்டாத தெய்வமில்லை
இருந்தாலும் பலிக்கவில்லை
சொல்லாத காதல்

¦
உன்னைச் சுற்றி
பறக்கும்
உலகம்

¦
பாலும் தேனும்
கசத்தது
மருந்தில் கலப்பு

¦
பின்னிய சடையை
அவிழ்த்தது குழந்தை
சீன பொம்மை

¦
சரம் சரமாய்
எதிர்வீட்டு பட்டாசு
ஒவ்வொன்றாய் வெடித்தது

by **முனைவர் ம.ரமேஷ்** Fri Mar 15, 2013 2:19 pm

¦
காதல் கவிதைக்கு
அறிவே இல்லை
பொய் பேசுகின்றன

¦
சுத்தப் பொய் இருந்தும்
வாய்த் திறக்கவில்லை
கண்கட்டிய தேவதை

¦
திரைப் படக் காதல்
வளர்ந்து நிற்று பாடம் சொல்கிறது
தொடக்கப் பள்ளிக் காதல்

¦
கை கால் மூக்கு
அப்படியே பாட்டன் மாதிரி
மறுபிறப்பு

¦
பேசாமல் படி பேசாமல் படி
பேசிக்கொண்டேயிருக்கும்
ஆசிரியர்

by mbalasaravanan Fri Mar 15, 2013 3:12 pm

அருமை நண்பரே

by **முனைவர் ம.ரமேஷ்** Fri Mar 15, 2013 3:29 pm

நன்றி நண்பரே

by **முனைவர் ம.ரமேஷ்** Sun Mar 17, 2013 4:07 pm

¦
புன்னகையைவிட
பொன்னகைதான் வாழ்க்கை
ஏழைப் பெண்ணுக்கு

¦
ஆசைப்படாமலிருக்க
துன்பப்படுத்திக்கொண்டிருக்கிறது
மனசு

¦
மரத்தில் கீறல்
வலி காணமல்போனது
காதலர்கள் பெயர்கள்

¦
நகர முடியாமல்
பேருந்து நெரிசல்
பாடை ஊர்வலம்

¦
சிடுசிடுவென்று
பேசும் மனைவி
சிரிக்கும் குழந்தை