கவியருவி ம. ரமேஷ் ஹைக்கூ

by **முனைவர் ம.ரமேஷ்** Fri Feb 01, 2013 2:36 pm

First topic message reminder :

µ
பூக்கள்
ஏன் சூடுகிறாய்?
கூந்தலே அழகு

µ
ஆதிப் பிழம்பை
அணைக்கும்
நீர்

µ
வாடிகொண்டிருக்கும் செடி
அடியில் எறும்புப் புற்று
வருந்தியபோது மழை

µ
மண்சோறு சமைத்தார்கள்
குழந்தைகள்
இறைவன் பசியாறினான்

µ
மலர் மாலைகள்
கசங்கியபடி
பாடை சென்ற வழி

by **முனைவர் ம.ரமேஷ்** Thu Mar 14, 2013 7:02 pm

µ
மெழுகை உறிஞ்சும்
ஒட்டுண்ணி
சுடர்

µ
நினைவு மங்குதல்
இயற்கை
தேய்பிறை

µ
பூவைப் புணர்ந்து
விலகிப் பறந்தது
வண்ணத்துப் பூச்சி

µ
ரோஜாவைப் பறித்தேன்
அழுது சிந்தியது முள்
கண்ணீராய்ப் பனித்துளி

µ
கூடு திரும்பவில்லை
கடைசி சுள்ளிக்காகப்
பறந்தப் பறவை

by **முனைவர் ம.ரமேஷ்** Fri Mar 15, 2013 2:15 pm

µ
நினைத்து முடித்து
கண் மூடினேன்
பொழுது விடிந்தது

µ
மேகங்களின்
மாயத் தோற்றம்
கடவுளின் உருவம்

µ
கோடை காலம்
இப்போதும் பாடுகிறது
குயில்

µ
முற்றத்தில் கண்ணாடி
பூரித்துப் போனது
கொடிமல்லி

µ
பாலை முறைமையில்
முறையற்றுத் திரிந்தது
மனிதர்களின் மனது

by mbalasaravanan Fri Mar 15, 2013 3:11 pm

by **முனைவர் ம.ரமேஷ்** Fri Mar 15, 2013 3:31 pm

நன்றி நண்பரே மீண்டும் சந்திப்போம்

by **முனைவர் ம.ரமேஷ்** Sun Mar 17, 2013 4:11 pm

µ
சிறுவர்கள்
முகத்தில் மகிழ்ச்சி
சிதறுதேங்காய்

µ
அலைந்து திரிந்தது
திருவிழாவில்
மனது

µ
மிதித்ததால்
வலி ஏற்பட்டு இருக்குமா?
முள் முனையில் ரத்தம்

µ
சோகமாய்
கலைந்து போனது
வெண்மேகம்

µ
மழை
நனைய ஆசை
விரிக்காத குடை

by றினா Sun Mar 17, 2013 7:39 pm

நல்ல ஹைக்கூக்கள்...

by **ஹிஷாலீ** Mon Mar 18, 2013 10:18 am

அனைத்தும் அருமை அண்ணா

by Gnana soundari Mon Mar 18, 2013 10:22 am

ஹிஷாலீ wrote:அனைத்தும் அருமை அண்ணா

வணக்கம் ஹிஷாலீ.நலமா? காது நலமா?

by **முனைவர் ம.ரமேஷ்** Sun Mar 24, 2013 8:30 am

µ
திசைகள் நான்கு
இல்லை திசைகள் எட்டு
பிரித்தே பார்க்கும் புத்தி

µ
கண் மூடி திறப்பதற்குள்
ஓடி ஒளிந்தது
சாளரத்தில் நிலவு

µ
திருமணம் சிறைதான்
பரவாயில்லை
தங்கக் கூண்டு

µ
பைத்தியமாய்த் திரியும்
மனிதர்கள்
மனசாட்சி

µ
தொடர்ந்து ஓடினாலும்
சலித்துக் கொண்டதில்லை
தார்க்குழல்