கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Sat Apr 20, 2013 3:40 pm

உலகில்
அனைத்துமே
சரிசமம்
காதலில் மட்டும்
சற்று அதிகம்
ஒருவர்மீது
மற்றொருவர் கொண்ட
அன்பு!

எனக்கான உலகம்
நீ
அதில்
நான் ஆதாம்
நீ
ஏவாள்

நீ
என்னை
நண்பர்களிடமிருந்து மட்டுமல்ல
இறைவனிடத்திலிருந்தும்
தனிமைப்படுத்திவிட்டாய்

by **முனைவர் ம.ரமேஷ்** Sun Apr 21, 2013 7:08 am

நான்
கதறி அழத் தொடங்கும் முன்னே
கடவுள்
உறங்க ஆரம்பித்துவிடுகிறான்
எங்கே நான் விடும் சாபம்
காதில்
கேட்டுவிடுமோ என்று பயந்து

மழைக் காலப் பொழுதுகளில்
நனைகிறேன்
உன் நினைவுகளில்

களைப்பைப் போக்க வரும்
உன் நினைவுகள்
கண்ணீரைத்
தந்துவிட்டுப் போய்விடுகிறது

by **முனைவர் ம.ரமேஷ்** Sun Apr 21, 2013 8:52 pm

பிரிவு நேரும்
என்பதைச் சிந்திக்காமல்
சத்தியம் செய்துகொண்டோம்

மதம் மாறியது காதல்
சுடுகாடு மட்டும்
பழையது

காதலர்கள்
எல்லோருமே
பொய்
பேசுபவர்கள்தான்

by **முனைவர் ம.ரமேஷ்** Tue Apr 23, 2013 8:43 am

பெயரை எழுதினேன்
அப்போதே
பாலூற்றி விட்டது
கள்ளிச் செடி

என் நினைவுகள்
உன்னை
நெருங்கி வரும்போது
களைப்படைந்து விடுகின்றன

ஆசைகள் எல்லாம்
தூரப் போய் விடுகிறது
பக்கத்தில்
நீ

by **முனைவர் ம.ரமேஷ்** Wed Apr 24, 2013 2:46 pm

கவிதைகளை எரித்தேன்
சாம்பலிலிருந்து பிறந்தது
காதல்!

நரகத்திலிருந்து
சொர்க்கத்திற்குத் தாவினேன்
காதல் தோல்வி

தேடினேன்
ஒளிந்து கொண்டான்
இறைவன்

by **முனைவர் ம.ரமேஷ்** Wed Apr 24, 2013 7:08 pm

பத்திரிகையில்
வேறுபெயர் பார்க்கும்
தூரத்து நண்பர்கள்
என்னை
எப்படி எடுத்துக் கொள்வார்கள்?

உன் முன்னே
என் ஆசை
பிச்சைப் பாத்திரங்கள்

மலர்கள்
மாலையாகவில்லை என்று
மரித்துப் போவதில்லை
செடிகளுக்கு
உரமாவதையும் பார்

by **முனைவர் ம.ரமேஷ்** Thu Apr 25, 2013 7:38 am

மழைநாளில்
நீ
எனக்குக் குடை பிடித்தாய்
நான்
பூக்களுக்குக் குடை பிடித்தேன்

நீ
இரண்டு இடத்தில்
வலிக்கிறாய்
இதயத்திலும்
பச்சைக்குத்திக் கொண்ட
கையிலும்

காதலுக்குக் கண் இல்லை
அதனால் தானோ என்னவோ
இறைவா!
நீ இருப்பது அப்போது
தெரியவில்லை

by **முனைவர் ம.ரமேஷ்** Fri Apr 26, 2013 8:20 am

என் கவிதையின் அழகை
நீ
உன் வீட்டு
கண்ணாடியில் பார்

நான் கதறி அழுதபோது
உன்னைப் படைத்ததற்காக
இறைவனும்
என்னோடு சேர்ந்து அழுதான்

மது நிறையக் குடித்து
வீழ்ந்து கிடக்கிறேன்
உன் சந்நிதியில்

by **முனைவர் ம.ரமேஷ்** Sat Apr 27, 2013 8:26 am

நீ
என்னை
ஒன்றுமே செய்யவில்லை
உன் நினைவுகளே
என்னைக் கொன்று விட்டது

ஒரே ஒருமுறை சென்ற
நோயாளியை
நிரந்தர
நோயாளியாக்கி விடுவதுபோல
காதலும்
மருத்துவம் செய்கிறது

உன் நினைவுகளைக்
கசக்கிப் பிழியும்போது
கண்ணீர்க் காம்புகள்
சுரந்து கொள்கின்றன

by **முனைவர் ம.ரமேஷ்** Mon Apr 29, 2013 5:26 pm

எறிந்த
‘கவனி’ல் கல் மட்டும்
தூரப் போவதுபோல்
உன் நினைவும்
தூரப்போய் விழுந்து விட்டது

காதல் தோல்வி
அறுசுவை விருந்து

இதயத்தில்
சுமை அதிகமாகும்போது
தலைச் சுமையும்
சேர்ந்து கொள்கிறது