கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Mon Apr 15, 2013 3:14 pm

நீ
விலகியபோதுதான்
உன் போதையால்
உடல் உறுப்புகள்
செயலிழந்தது

நீ
முடி வளர்க்கின்றாய்
நான்
மொட்டைமாடியில்
பூச்செடி வளர்க்கின்றேன்

விழியோரம்
உப்புப் பூக்கிறது
வா, வந்து
பறித்துச் சூட்டிக்கொள்

by **முனைவர் ம.ரமேஷ்** Tue Apr 16, 2013 7:26 pm

நான்
உன் நினைவோடு
தொலைந்துபோனத்
திருவிழாக் குழந்தை

கூட்டைத்
திறந்து விட்டேன்
நீ
கூடு திரும்பவில்லை

நீ அமராமலேயே
இதய ஊஞ்சலை
ஆட்டிவிட்டாய்

by **முனைவர் ம.ரமேஷ்** Tue Apr 16, 2013 7:30 pm

உனக்குத் தான்
கண்ணீர் வராதே
ஏன்?
வீணாக முயற்சிக்கிறாய்
கடவுளே!

நம் காதல்
நமக்கானதுதான்
நாம்
ஏன் விட்டுக்கொடுக்க வேண்டும்?

காற்று
ஓரிடத்திலிருந்து சென்றதும்
மற்றொரு காற்று
அவ்விடம் வந்து சேர்கிறது

by **முனைவர் ம.ரமேஷ்** Wed Apr 17, 2013 6:11 pm

காதல்
ஒரு பல்லாங்குழி விளையாட்டு
அதில் நீ என்னைக்
குழிப்பறித்தாய்

என் காதலை மீட்க
எந்த வங்கியும்
கவிதைக் கடன்
கொடுக்கவில்லை
நானே வங்கியாகிவிட்டேன்

உன் பத்திரிகையைக்
கிழித்தெரிந்துவிட்டேன்
உன் உண்டியல் நினைவுகளை
உடைக்க முடியவில்லை

by **முனைவர் ம.ரமேஷ்** Thu Apr 18, 2013 3:33 pm

பூவின்மேல் இருந்த
வண்டினைக் கண்டு
பூவினைப் பறிக்காமல்
திரும்பியவளா
நீ?

குயில்கள்
தனித்தே பாடுமாம்
என் தனிமையின்
சோகப் பாடல்கள்தான்
இந்தக் கவிதைகள்

முதல் கண்ணீர்த்
துளியில்தான்
காதல் என்ற புத்தகத்தின்
முதற்பக்கத்தைப் படிக்கத்
துவங்குகிறோம்

by **முனைவர் ம.ரமேஷ்** Fri Apr 19, 2013 4:37 pm

சத்தியம்
எல்லாம் சும்மா என்பது
காதல் தோல்விக்குப் பிறகுதான்
தெரியும்

நம் காதலை
உருத் தெரியாமல்
அழித்துவிட்டது
திருமணம்

என் நினைவுகள்
ஏன் என்கிறாய்?
என்னிடம் வரும்
உன் நினைவுகள்
உன்னிடம் சொல்லிவிட்டா
என்னிடம் வரும்

by **முனைவர் ம.ரமேஷ்** Fri Apr 19, 2013 9:51 pm

காதலியே!
இறைவன் என்னிடமிருந்து
தெரியாமல் எடுத்துக்கொடுத்த
என் விலா எலும்பைத்
திரும்பத் தந்துவிடு
இன்றோடு உலகில்
காதல் ஒழிந்துபோகட்டும்

நமக்கான காதல்
என்று தீருமென்று
இறைவனைக் கேட்டால்
சீக்கிரமே என்கிறான்
நான் காதலில் காமத்தைக்
கேட்டதாக விழுந்திருக்கும்
அவர் காதில் என்று
நினைத்துக்கொண்டேன்

நீயும் நானும்
இன்னும்
இணையவே இல்லையே
பின்னர் எப்படிப் பிரிவு வரும்

by யினியவன் Fri Apr 19, 2013 9:53 pm

நன்று ரமேஷ்.

பரிவா? பிரிவா?

by **முனைவர் ம.ரமேஷ்** Fri Apr 19, 2013 9:57 pm

யினியவன் wrote:நன்று ரமேஷ்.

பரிவா? பிரிவா?

பிரிவுதான் நண்பரே... பிழை ஏற்பட்டுவி்ட்டது. திருத்திவிட்டேன். நன்றி.

by யினியவன் Fri Apr 19, 2013 10:00 pm

ரமேஷ் ரொம்ப சீரியஸா கவிதை எழுதி வருகிறீர்கள் - வாழ்த்துகள்.

எனக்கு கலாட்டா பண்ணியே பழக்கம் அதன் இவ்ளோ நாளும் வரல இங்க.

இனி அப்பப்ப வரேன் - சீரியஸா எழுதறதால என்ன சீரியஸா எடுத்துக்காதீங்க புன்னகை