கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Sat Apr 06, 2013 8:59 pm

என் இதயத்தை
வாங்கிக் கொண்டு
ஏமாற்றி விட்டாய்
கடன்காரன் போல

எனக்கான கைத்தட்டலில்
புகழ் உனக்கு

நீ
ஞாபகங்களைத் தொலைத்த
ஊமையாய்
உன் கொலுசும் மெளனமாக
என்னைக் கடக்கிறது

by kalaimoon70 Sun Apr 07, 2013 6:20 pm

வாழ்த்துக்கள் தொடருங்கள்

by **ஜாஹீதாபானு** Sun Apr 07, 2013 6:26 pm

கவியருவி ம.ரமேஷ் wrote:என் இதயத்தை
வாங்கிக் கொண்டு
ஏமாற்றி விட்டாய்
கடன்காரன் போல

எனக்கான கைத்தட்டலில்
புகழ் உனக்கு

நீ
ஞாபகங்களைத் தொலைத்த
ஊமையாய்
உன் கொலுசும் மெளனமாக
என்னைக் கடக்கிறது

அருமை அருமை

by **முனைவர் ம.ரமேஷ்** Sun Apr 07, 2013 7:25 pm

நன்றி தோழி...

by **முனைவர் ம.ரமேஷ்** Mon Apr 08, 2013 7:45 am

என் கவிதைகள்
ஒவ்வொன்றும்
ஒவ்வொரு கருவறை
ஒரு கருவறை
இறைவனைச்
சுமந்துகொண்டிருக்கிறது

உன் காதலை
பாவமன்னிப்புச் சீட்டில்
எழுதிப் போக்கிக் கொண்டாய்
எனக்கு மது

அவள் எச்சில்
நஞ்சாகி விட்டது
கொஞ்சம்
தீர்த்தம் கொடு

by **முனைவர் ம.ரமேஷ்** Mon Apr 08, 2013 6:55 pm

இறைவனின் தோட்டத்தில்
நமக்கு
விருப்பமான பூவை
நாமே
பறித்துக் கொள்ளலாம்

உன்னை
மறக்க தான்
நினைக்கிறேன்

காதலியைத் துறந்துவிட்டேன்
என் கவிதைகளை
எல்லோரும் ரசிக்கிறார்கள்

by **முனைவர் ம.ரமேஷ்** Thu Apr 11, 2013 8:07 pm

நேரம்போத வில்லை
உன்னை
நினைப்பதற்கு

காதல் குற்றவாளி
பூக்களுக்கு ஏன்
மரணத் தண்டனை?

குளிர்காயச் சொன்னால்
நெருப்பில் ஏன்
கை விடுகிறாய்?

by **முனைவர் ம.ரமேஷ்** Thu Apr 11, 2013 8:08 pm

நீ
முறைத்துப் பார்ப்பதால்
கவிதைகள் கூட
திக்கித் தடுமாறுகிறது

நான்
புல்லாங்குழல்
நீ
எப்போது வேண்டுமானாலும்
எடுத்து வாசிக்கலாம்

இதழ்களில் சுவையில்லை
கண்களில்
கண்ணீர்

by **முனைவர் ம.ரமேஷ்** Fri Apr 12, 2013 7:22 am

பயண அவசரங்களில்
இடைமறிக்கும்
டிக்கெட் பரிசோதகரைப் போல்
நீ
என் வாழ்வில்
குறுக்கிட்டாய்

இனி, நாம்
எரியூட்டப்படாத
பிரேதங்களாய்
உலவ வேண்டும்

கண்ணீர் வெள்ளம்
என்னைக் கைப்பிடித்து
அழைத்துச் செல்கிறது
உன் நினைவிடத்திற்கு

by **முனைவர் ம.ரமேஷ்** Mon Apr 15, 2013 3:13 pm

கடித்த கொசு
என்னிடம்
அடிபடுவதுபோல
என் காதலும்
என்னிடமே
அடிபடுகிறது

பூக்கள்
நம் காதலைப் பார்த்து
சிரிக்கிறது
வண்டுகள்
ஒப்பாரி வைக்கிறது

காதலர்கள் நாம்
ஏன் சாகவேண்டும்?
பூவும் வண்டும்
செத்தாப் போகிறது?