கவியருவி ம. ரமேஷ் கஸல்கள்

**முனைவர் ம.ரமேஷ்** · 21/08/2011

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

**ஜாஹீதாபானு** · **ஜாஹீதாபானு** Mon Apr 01, 2013 3:53 pm

கவியருவி ம.ரமேஷ் wrote:எனக்குப்
பாடை கட்டாதீர்கள்
சவக்குழி வெட்டாதீர்கள்
நெருப்பும் மூட்டாதீர்கள்

காதலின்
சாவுமணி
இந்தக் கவிதைகள்

சிரிக்க நினைத்தோம்
விடவில்லை
அழவைத்தோம்
எல்லோரும்
சேர்ந்து கொண்டார்கள்
கல்லறையில்

அடடா அருமை

**முனைவர் ம.ரமேஷ்** · 21/08/2011

மகிழ்ச்சி சகோதரி...

**முனைவர் ம.ரமேஷ்** · 21/08/2011

பார்த்தாலும்
பார்க்காதவர்களாய்ப்
போய்விடுகிறோம்

இறைவன்
தங்க விரும்பும் வீடு
என் கவிதை

என் காதல்
உனக்குப் புரியாது
உன் தோழிக்குத் தெரியும்

**முனைவர் ம.ரமேஷ்** · 21/08/2011

காதலுக்கு முடிவு கட்டுவோம்
நான்
காதலை விட்டு விடுகிறேன்
நீ
படைப்புத் தொழிலை விட்டுவிடு

நான் விழும்போது
தூக்கி விடு
அழும் போது
பேசாமல் இருந்துவிடு

என் கவிதைகளை
உன் கால்தடங்கள்
மிதிக்கின்றன

**முனைவர் ம.ரமேஷ்** · 21/08/2011

கருப்புப் பணம் நிரம்பும்
உன் உண்டியலை விட
காதலியின் இதயம்
சுத்தமானது

உன்னைப் பழிப்பதற்காக
நரகம் வேண்டாம்
உன்னைப் புகழ்வதற்காகச்
சொர்க்கமும் வேண்டாம்
என்னை
காதலியிடத்தில் சேர்த்துவிடு போதும்

இறைவா!
நீ தாராளமானவன்
என்பதைக் காட்ட
எத்தனை காதல்கள்
கொடுப்பாய்

**முனைவர் ம.ரமேஷ்** · 21/08/2011

நான் கல்லாதவன்
எனக்கு
வாழ்க்கைப் பாடம்
கற்றுக் கொடுத்தாய்

நாம் விளையாடுவது
கண்ணாம்பொத்தி
நான்
எங்கே போய் ஒளிய
நீ பிரகாசித்துக் கொண்டுள்ளாய்

எனக்குக்
காதல் சலித்து விட்டது
நான் எங்கு வர
கோயில்...
தேவாலயம்...
மசூதி...
கல்லறை...

**முனைவர் ம.ரமேஷ்** · 21/08/2011

ஒளியானவனே
கொஞ்சம்
உன் ஒளியைக் குறைத்துக்கொள்
வெப்பமயமாகிறது உலகம்

உனக்கு
நான் அர்ச்சகன்
காதலிக்கு
நான் கடவுள்

பட்டம்
தானாகவே பறக்கட்டும்
நூலை விட்டுவிட்டேன்

**முனைவர் ம.ரமேஷ்** · 21/08/2011

என் காதலை மெச்சி
இறைவன்
தனங்களில்
பால் தந்தான்
நீயோ
எட்டி மரக் கட்டிலைப்
பரிசளித்தாய்

என் காதலுக்கு
தெய்வமே
நீதான்
தடைக் கல்

ஒவ்வொரு வினைக்கும்
சமமான எதிர்வினை உண்டாம்
என் காதலுக்கு
அது இல்லாமல் போனது