கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **M.Saranya** Mon Feb 23, 2015 11:11 am

by **முனைவர் ம.ரமேஷ்** Mon Apr 20, 2015 7:28 pm

எல்லோரும்
பணத்தைக்கொண்டுதான்
என்னை மதிப்பீடு செய்கிறார்கள்.
நீ மட்டும்தான்
என் அன்பைக் கொண்டு
மதிப்பீடு செய்கின்றாய்

நம் காதல் ஈடேற
வேண்டிக்கொள்ளச் சென்ற
அந்தக் கோயிலின்
சிலைகள் எல்லாம்
வெறும்
கல்லாகவே இருந்திருக்கிறது

நான் சூட்டிய
செல்லப் பெயரை
மாற்றியமைத்துக்கொண்டாய்
தோல்விக்குப் பிறகு

by **ayyasamy ram** Mon Apr 20, 2015 9:42 pm

by **முனைவர் ம.ரமேஷ்** Wed Apr 22, 2015 8:15 am

பூக்களும் அழகு!
இதயமும் அழகு!
தங்கள் வாசிப்பும் அழகு!

by **முனைவர் ம.ரமேஷ்** Thu Jun 11, 2015 12:05 pm

[color:f43c= #000000]இறைவா!
நீ
ஒளிர்ந்துகொண்டிருக்கிறாய்
அது கூடத் தெரியாமல்
நான்
தேடிக்கொண்டிருக்கிறேன்

கடிதத்தைப் படித்து
எச்சில் துப்புகிறாய்
அது பூ இதழ்களாய்
அதன் மேல் விழுகிறது

நீ
எப்பொழுதேனும் வரலாம்
நான்
வீட்டுக் கதவை
தாழிட்டதில்லை

by **முனைவர் ம.ரமேஷ்** Tue Aug 04, 2015 7:16 pm

நான்
ஒரு நாள்
கடவுளின் தலைவிதியைப்
பகிரங்கமாகப்
படித்துப் பார்த்து விட்டேன்

நீ
கெட்ட கனவு
விழித்தெழுந்து படுத்தாலும்
தொடர்ந்து வருகிறாய்

வா,
கோயில்களே
இல்லாத ஊரில்
குடிபுகுவோம்
இறைவன்
அங்கு
தனித்து இருக்கிறான்

by **முனைவர் ம.ரமேஷ்** Mon Sep 28, 2015 9:32 am

உன் பக்கம்
நியாயங்கள் இருக்கலாம்
என் பக்கம்
சிறு தவறும் இல்லை

உன்னை இழந்தது
சோகம்தான்
பரவாயில்லை
ஒன்றை இழந்துதான்
இன்னொன்றைப்
பெற முடியும்

இறைவா!
என் நினைவுகள்
அவனுக்கு
மகிழ்ச்சியை மட்டுமே
தர வேண்டும்

by சசி Mon Sep 28, 2015 4:05 pm

கவியருவி ம.ரமேஷ் wrote:உன் பக்கம்
நியாயங்கள் இருக்கலாம்
என் பக்கம்
சிறு தவறும் இல்லை

உன்னை இழந்தது
சோகம்தான்
பரவாயில்லை
ஒன்றை இழந்துதான்
இன்னொன்றைப்
பெற முடியும்

இறைவா!
என் நினைவுகள்
அவனுக்கு
மகிழ்ச்சியை மட்டுமே
தர வேண்டும்

மேற்கோள் செய்த பதிவு: 1165057
அருமையான கவிதை

by **முனைவர் ம.ரமேஷ்** Fri Nov 04, 2016 6:57 pm

நிலவுப் பெண் படிக்க
என் கவிதைகளை
நட்சத்திரங்களாக்கி விட்டேன்

அழகாய் இருக்கிறது
சோகம்

என் கவிதைகள் மேல்
உன் கண்ணீர்த் துளிகளைச்
சிந்தாமல் பார்த்துக்கொள்