கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Sun Sep 07, 2014 8:55 am

நீ
விருந்தாளியாக வந்தாய்
போய்விட்டாய்
உறவுமுறையாக
காதல் மட்டுமே இருக்கிறது

கண்ணீர் சிந்த
காரணமானாலும்
உன் நினைவுகள்தான்
இன்றும்
மகிழ்ச்சியைத் தருகின்றன

தோல்விக்குப் பிறகுதான்
தெரியும்
எத்தனை ஆசைகள்
நிறைவேறாமல் போய் இருக்கிறதென்று!

by **முனைவர் ம.ரமேஷ்** Fri Sep 12, 2014 6:52 am

காதலி, நீ
ஊரில் இல்லாத நாளில்
என் தோட்டத்தில்
பூக்கும் பூக்களும்
நான் மட்டும்
தனிமையில் நடக்கும்போது தோன்றும்
வானவில்லும் வீண்தான்

கண்ணீர் சிந்தும்போது
நீ வாங்கிக் கொடுத்த
கைக்குட்டைதான் துடைக்கிறது
ஆனால்
உன் கையே துடைப்பதாக
நினைக்கிறேன்

நான்தான்
பாவி!

by ந.க.துறைவன் Fri Sep 12, 2014 10:50 am

கடைசி இரண்டு வரி தேவையில்லை என்று கருதுகிறேன். சரியா? என்று பாருங்க இரமேஷ்....

by **முனைவர் ம.ரமேஷ்** Mon Oct 13, 2014 7:18 am

உன் பேரழகை நீயே
வியந்து கொண்டு
வீட்டைவிட்டு வெளியேறுகிறாய்
முகத்திரை அணிந்துகொண்டு

குருடர்கள்
கனவு காண்பது போல
உன்னைப் பற்றி
கனவு காண்கிறேன்

காதலியின்
உயிரை எடுக்க வந்த
எமன்
ஏமாற்றி
என் உயிரை
பறித்துக்கொண்டான்

by ந.க.துறைவன் Mon Oct 13, 2014 4:52 pm

அகத்தை மறைத்த முகத்திரை....அழகு

by **முனைவர் ம.ரமேஷ்** Wed Jan 14, 2015 10:07 am

உனக்குத்
திருமணம் ஆகிவிட்டதென்று
உன்
உறவுகள் எல்லாம் மகிழ்கிறது
அது
என் தொடர் வேண்டுதல் என்று
தெரியாமல்

காதல்
பணிவிடைச் செய்யும்
வேலைக்காரன்

இறைவா!
எனக்குச் சுதந்திரம்
கொடுத்துள்ளாய்
உன்னைக் குற்றம் சொல்ல

by **முனைவர் ம.ரமேஷ்** Sun Jan 25, 2015 7:53 am

உனக்கு
கவிதைக்கு மட்டுமல்ல
காதலுக்கும்
அர்த்தம் தெரியவில்லை

இறைவா!
நீ விளையாட்டுப் பிள்ளை
அதற்காகக்
கருவறைச் சிசுவையுமா
அழைத்து விளையாடுவாய்?

உன்னால்
இறைவனின் கனவே
தகர்ந்து விட்டது

by ந.க.துறைவன் Sun Jan 25, 2015 9:01 am

சிறப்பு...

by **முனைவர் ம.ரமேஷ்** Mon Feb 23, 2015 10:29 am

உன் எச்சல் பழங்கள்
அணில் கடித்தப் பழமாய்
இன்றும்
என் மனத்திற்குள்
இனித்துக்கொண்டேயிருக்கிறது

உன்னைக்
குற்றம் சொல்ல மாட்டேன்
நீ
இறைவனின் படைப்பு

காதலர்கள்
ஓடிப்பிடித்து விளையாடுவது
வெறும் விளையாட்டல்ல
சமூகத்துக்குப் பயந்து
ஓடப் பழகும்
ஒத்திகை

by **krishnaamma** Mon Feb 23, 2015 10:58 am

கவியருவி ம.ரமேஷ் wrote:உனக்குத்
திருமணம் ஆகிவிட்டதென்று
உன்
உறவுகள் எல்லாம் மகிழ்கிறது
அது
என் தொடர் வேண்டுதல் என்று
தெரியாமல்

காதல்
பணிவிடைச் செய்யும்
வேலைக்காரன்

இறைவா!
எனக்குச் சுதந்திரம்
கொடுத்துள்ளாய்
உன்னைக் குற்றம் சொல்ல

ம்.ரொம்ப சரி..............திருப்பி ஏதும் சொல்ல மாட்டார் என்கிற தைரியத்தில் நம் பெருமாளை எவ்வளவு குத்தம் சொல்கிறோம்..........கோபிக்கிறோம்?..அருமை ரமேஷ் புன்னகை