கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by SenthilMookan Fri Jan 31, 2014 6:14 pm

by **முனைவர் ம.ரமேஷ்** Mon Feb 24, 2014 7:17 am

நிறைவேறாத
நம் ஆசைகள்
இந்நேரம்
என்ன செய்துகொண்டிருக்கும்?

உன் பேரழகை நீயே
வியந்து கொண்டு
வீட்டைவிட்டு வெளியேறுகிறாய்
முகத்திரை அணிந்துகொண்டு

நான் அழுது
இறைவனைப் பெற்றேன்
நீ அழுது
என்னைப் பெற்றாய்

by ந.க.துறைவன் Mon Feb 24, 2014 10:57 am

உங்கள் ஆசைக் காதல் நிறைவேற
வாழ்த்துகிறேன் இரமேஷ்.

by **ஜாஹீதாபானு** Mon Feb 24, 2014 4:02 pm

ந.க.துறைவன் wrote:உங்கள் ஆசைக் காதல் நிறைவேற
வாழ்த்துகிறேன் இரமேஷ்.

அய்யய்யோ அவருக்கு கல்யாணமாகி குழந்தையெல்லாம் இருக்கு அய்யோ, நான் இல்லை

by ந.க.துறைவன் Mon Feb 24, 2014 6:51 pm

கஜல் கவிதைகள் அனைத்தும் அருமை
வாழ்த்துகள்.

by **முனைவர் ம.ரமேஷ்** Wed Feb 26, 2014 6:56 am

கவியருவி ம. ரமேஷ் கஸல்கள் - Page 22 Ramesh+Gazhal+1

கவியருவி ம. ரமேஷ் கஸல்கள் - Page 22 Ramesh+Gazhal

‘அன்பால்
உலகையே வெல்லலாம்’ என்கிறார்கள்
ஆனால்,
உன் ஒருத்தியை
என்னால்
வெல்ல முடியாமல்
போய்விட்டதே!

எப்பொழுதாவது
உன்னைப் பார்க்கும்போது
உன்னுடனேயே
வந்துவிடத் தோன்றுகிறது
தாலிக்கயிறு
முன்னால் வந்து
திருமணமானதை நியாபகப்படுத்திவிடுகிறது

பல காதல் கடிதங்கள்
ஒரு காதல் தோல்வி கடிதம்
திருமண அழைப்பிதழ் கூட
வந்து சேர்ந்தது
விவாகரத்தை
ஏன் தெரியப்படுத்தவில்லை?

---
(இமேஜில் மஞ்சள் கயிறு என்பதை தாலிக் கயிறு என்று மாற்றிப் படித்துக்கொள்க.… என் போட்டோ ஷாப்பில் லி என்ற எழுத்து வரவில்லை)