கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Tue Feb 12, 2013 7:21 am

உன் வருகை
நல்ல காரியம் என்று நினைத்தேன்
ஆனால் எனக்குக்
காரியமே நடத்தி முடித்துவிட்டது

மண் பிசைந்தால்தான்
பானை செய்ய முடியும்

துடிதுடித்து இறந்தது
விட்டில்
ஆனாலும்
விளக்கின் பக்கத்தில்
சிறகு

----
தமிழ் டாக்டர் (முனைவர்) பட்ட ஆய்வுக்காகத் தங்களின் கவிதை புத்தகங்கள் வரவேற்கப்படுகின்றன.

21ஆம் நூற்றாண்டுத் தமிழ் கவிதைகளின் போக்குகள் என்பது ஆய்வுத் தலைப்பாகும். எனவே தங்களின் படைப்புகள் 2000 - 2012 அல்லது 2013 இறுதிவரை வெளியாகும் - வெளியிடப்பட்ட கவிதைப் புத்தகங்கள் எந்த வகையினதாக இருந்தாலும் (புதுக்கவிதை, ஹைக்கூ, சென்ரியூ, ஹைபுன், கஸல் என்று புதிய வடிவங்களைத் தாங்கிய படைப்புகளை) தெரியப்படுத்தவும். எத்தனைப் புத்தகங்களாக இருந்தாலும் ஆய்வுக்கு ஏற்றுக் கொள்ளப்பெறும். தங்களின் புத்தகங்களோ அல்லது தங்களின் நண்பர்களின் புத்தகங்களோ அனுப்ப வேண்டுகிறேன். அல்லது தாங்கள் படித்த நல்ல கவிதைப் புத்தகங்களையும் பரிந்துரை செய்யலாம்.

வேலூர் மாவட்டத்தில் நியூ செஞ்சுரி புக் ஹவுஸ் - புத்தக நிலையத்தில் கிடைக்குமானால் தெரியப்படுத்தவும். நான் இங்கேயே வாங்கிக் கொள்கிறேன்.

புத்தகம் வீட்டிற்கு வந்து சேர்ந்த மறுநாள் புத்தகத்திற்கான பணம் ஏடிஎம் டிரான்ஸ்பர் மூலம் மட்டுமே (இந்தியன் வங்கி, எஸ்பிஐ) அனுப்பி வைக்கப்படும்.

தாங்கள் புத்தகம் அனுப்புவதாக இருப்பின் தனி மடலில் தகவலைத் தெரிவிக்கவும். வீட்டு முகவரி கொடுக்கப்படும்.

என் தொடர்பு எண்கள்.
9865224292 - ஏர்செல்
8144818481 - ரிலையன்ஸ்
8438921372 - டாடா டொகமா
8680963972 - ஐடியா

நன்றி.

by **முனைவர் ம.ரமேஷ்** Thu Feb 14, 2013 7:47 am

வாழ்க்கைப் பாதையில்
நீ
நிழல்
சிறிதுநேரம்
இளைப்பாறிக் கொள்கிறேன்

வாலிபத்தின் கனவு
காதல்
கனவு பலிக்கிறதோ இல்லையோ
மரணத்தில் முடிந்துவிடும்

எல்லா ஊரும்
நம் ஊரில்லை

by **முனைவர் ம.ரமேஷ்** Thu Feb 14, 2013 7:49 am

ரூபாய் நோட்டில்
நம் பெயர் எழுதினோம்
காதல்
செலவாகிவிட்டது

குருடர்கள்
கனவு காண்பது போல
உன்னைப் பற்றி
கனவு காண்கிறேன்

காதலியின்
உயிரை எடுக்க வந்த
எமன்
ஏமாற்றி
என் உயிரை
பறித்துக்கொண்டான்

by **முனைவர் ம.ரமேஷ்** Thu Feb 14, 2013 7:50 am

நிறைவேறாத
நம் ஆசைகள்
இந்நேரம்
என்ன செய்துகொண்டிருக்கும்?

நான் அழுது
இறைவனைப் பெற்றேன்
நீ அழுது
என்னைப் பெற்றாய்

தன் அழகைத் தானே
திரும்பி பார்க்கும்
மயில்போல்
உன் பேரழகை
நீ
கண்ணாடியில் பார்க்கிறாய்

by **முனைவர் ம.ரமேஷ்** Mon Feb 18, 2013 9:45 am

என் பெயரை
பச்சைக்குத்திக் கொள்ளாதே
மணவறையில்
பெயர்கள் மாறிவிடலாம்

உனக்கு
எத்தனை காதலிகள் என்று
மனைவி கேட்கிறாள்
பாவம்
கவிஞனுக்கு என்ன தெரியும்

இறைவா!
உன் சந்நிதியை விட
காதலியின்
இதயச் சிறை
சுகமானது

by **முனைவர் ம.ரமேஷ்** Tue Feb 19, 2013 10:40 am

நீ
ஒளிந்துகொண்டிருக்கிறாய்
அது கூடத் தெரியாமல்
நான்
தேடிக்கொண்டிருக்கிறேன்

கடிதத்தைப் படித்து
எச்சில் துப்புகிறாய்
அது பூ இதழ்களாய்
அதன் மேல் விழுகிறது

என் வீட்டுக் கதவை
நான் தாழிட்டதில்லை

by **முனைவர் ம.ரமேஷ்** Tue Feb 19, 2013 10:41 am

உன்
பொன்னாடையைத் தா
உடல் குளிர்கிறது

ஒன்று சேரும் மேகம்தான்
பூமியை முத்தமிடும்
மழைநீராகும்

உனக்கு
எதில் திருப்தி கிடைக்கிறது
கற்பூரம்?
ஊதுவர்த்தி?
மெழுகுவர்த்தி?

by **முனைவர் ம.ரமேஷ்** Wed Feb 20, 2013 5:38 pm

நீ
ஒரு கன்னத்தில் அறைந்தாலும்
நான்
மறுகன்னத்தை
காட்டுவேன்

காதல்
பணிவிடைச் செய்யும்
வேலைக்காரன்

எனக்குச் சுதந்திரம்
கொடுத்துள்ளாய்
உன்னைக் குற்றம் சொல்ல