கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Sat Jul 13, 2013 3:47 pm

நான்
எந்தத் தவறுமே செய்யவில்லையே
பிறகு, நீ
எந்தக் கோபத்தில்
தாலியைக் கட்டிக்கொண்டாய்?

உன்னைப் பார்க்கும்
ஒவ்வொரு முறையும்
நான்
உயிர்வாழும் தேவையை
எடுத்துரைக்கிறது
உன் பார்வை

கடைசியாக -
உன்னிடம் சொல்ல
ஒன்றும் இல்லை
“நல்லா இரு”

by **முனைவர் ம.ரமேஷ்** Thu Jul 18, 2013 3:40 pm

தோட்டத்தில்
எந்தப் பூவையும் பறிக்காமல்
ஏன் திரும்பிக்கொண்டிருக்கிறாய்?
எல்லாப் பூக்களும்
சிரித்துக்கொண்டிருக்கிறது

பூக்களும்
சண்டைப் பிடிக்கிறது
காற்றோடும் வண்டோடும்

உன்
மெளனம் பேசுகிறது
வாய்
ஊமையாகிவிட்டது

by **முனைவர் ம.ரமேஷ்** Mon Jul 22, 2013 7:40 am

நிரபராதியைத் தண்டிக்கும்
நீதிமன்றத்தைப்போல்
நீ
என்னைத்
தண்டித்து விட்டாய்

நீ
சாமி மாடுபோல்
தலையசைத்து
உன் பெற்றோர் வழி போனாய்
நான் திரும்பி நடந்தபோது
மயானத்தின் வழி தெரிந்தது

உன் நினைவுகள்
உண்டியல் காசு

by **முனைவர் ம.ரமேஷ்** Thu Jul 25, 2013 3:18 pm

எல்லாப் பெண்களும்
ஒரே மாதிரிதான்
அன்புகாட்டிக் ‘கொல்’வதில்

உன் முகம் போன்ற
அழகு ஓவியம்
இவ்வுலகில்
வேறெங்கும் இல்லை

என் கவிதைப் பூக்கள்
உன் கூந்தலில்
சிக்குண்டது

by **முனைவர் ம.ரமேஷ்** Wed Jul 31, 2013 3:43 pm

காதல் விளையாட்டில்
தோற்பவருக்கே
பரிசு கிடைக்கிறது

எனது காதல்
உனது நட்பு
இரண்டும் புனிதமானது
எதை அழுக்காக்குவது?

தோல்வி
வெற்றியின் முதற்படி
காதல் தோல்வி?

by **முனைவர் ம.ரமேஷ்** Fri Aug 02, 2013 6:40 pm

எல்லா நேரமும்
உன் நினைவோடே
இருக்கச்செய்யும்
ஒரு வாய்ப்புதான்
காதல்

என்னை நீயும்
உன்னை நானும்
எதேச்சையாகப்
பார்த்துக்கொள்ளும்போது
மனது பேசும் வார்த்தை
பாவம் அவன்
பாவம் அவள்

காதலைவிட
தாலிக் கயிறு
பெரியதாய்ப் போய்விட்டது

by **முனைவர் ம.ரமேஷ்** Wed Aug 07, 2013 6:33 pm

வேண்டும் என்கிறபோது
மறுக்காமல்
முத்தம் கொடுக்கிறது
மதுக்கிண்ணம்

காலம் நேரம் தெரியாமல்
பேசிக்கொண்டிருப்போம்
இன்று
ஒரு வார்த்தையை கூட
நீ கேட்க தயாராக இல்லை

இன்பத்தைக் கூட்டிக்
கொடுத்துவிட்டுப் போனதால்
இன்று
கண்ணீர்த் துளிகளால்
கழிக்கிறோம்

by **முனைவர் ம.ரமேஷ்** Wed Sep 04, 2013 5:25 pm

நாம் தாலிக்கட்டிக்கொள்ள
ஓடிப்போன
அந்தக் கோயிலின்
சாமியின் கழுத்தில்
தாலி இல்லாமல்போனது
யார் தவறு?

“ஒன்றை இழந்துதான்
மற்றொன்றைப் பெற வேண்டும்”
என்றால், சரி சொல்லுங்கள்
காதலைப் பெற
நான் எதை இழக்க வேண்டும்?

நம் காதல்
கருப்பு வெள்ளைப் படமாய்
திரையரங்கை விட்டு
வெளியேறியது

ஒன்றை இழந்துதான்
மற்றொன்றைப் பெற வேண்டும்”
என்றால், சரி சொல்லுங்கள்
காதலைப் பெற
நான் எதை இழக்க வேண்டும்?

நிரபராதியைத் தண்டிக்கும்
நீதிமன்றத்தைப்போல்
நீ
என்னைத்
தண்டித்து விட்டாய்

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

நாம் தாலிக்கட்டிக்கொள்ள
ஓடிப்போன
அந்தக் கோயிலின்
சாமியின் கழுத்தில்
தாலி இல்லாமல்போனது
யார் தவறு

வரிகள் அருமை

தபுசங்கர் போல வருவீர்கள்
ஆனால் அவர் கவிதைகளில் தோல்வி இருந்ததில்லை
இங்கு கொஞ்சம் அதிகம்
தொடருங்கள் .....