கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Fri May 31, 2013 7:49 am

இறைவன்
செய்த பொம்மைகள் நாம்
நம்மைப் பிரித்து வைத்து
குழந்தையாய்
அடம்பிடித்து அழவைக்கிறான்

உன்னைச் சுற்றி
என் காதல் ஆசைகள்
பற்றிக் கொண்டிருக்கிறது

கிளியை
அடைத்து வைத்திருக்கும்
ஜோசியக்காரன் சொல்கிறான்:
நாம் காதலில்
சிறகடித்துப் பறப்போம் என்று!

by **முனைவர் ம.ரமேஷ்** Sat Jun 01, 2013 12:25 pm

உன்னை
முதன் முதலாகப்
பார்த்தபோதுதான்
இறைவனிடம்
பக்திகொண்டேன்

வாழ்க்கை
சிறைச்சாலை
காதல்
ஆயுள் தண்டனை

பாதி இரவிலும்
எனக்குப்
புரையேறுகிறது

by **முனைவர் ம.ரமேஷ்** Sat Jun 01, 2013 7:55 pm

தூணிலும் துரும்பிலும்
இருப்பவன் நீ
என் காதலியிடத்தில்
இல்லாமல் போய்விட்டாயே?

என் கவிதைகள்
காதலைச் சுமக்கும்
சிலுவைமரம்
உன் வாசிப்பினால்தான்
மறுஉயிர்ப்போடு துளிர்க்கிறது

காதலியிடம்
குறை இருக்கலாம்
அவள்
என்ன செய்வாள் பாவம்?
அது
இறைவனின் குறை

by **முனைவர் ம.ரமேஷ்** Thu Jun 06, 2013 3:20 pm

காதலி!
இறைவன் செய்த
எழுத்துப் பிழைதான்
உன் பெயர்

இறைவனின் அழகுதான்
பூக்கள்

என் இதயத்தில்
நீ
அழுது வைத்த கண்ணீர்
இன்றும்
இனிக்கிறது

by **முனைவர் ம.ரமேஷ்** Fri Jun 07, 2013 9:57 am

காதல் ஒன்றுதான்
அனுபவங்கள்தான் வேறு வேறு

என்
காதல் பசிக்கு
உன்
நினைவுகளைத் தின்று
கண்ணீரை குடிக்கிறேன்

காதல் கவிதைகளுக்கு
முற்றுப்புள்ளி இல்லை

by **முனைவர் ம.ரமேஷ்** Fri Jun 07, 2013 9:58 am

என் மூச்சுக் காற்று
நின்று போனால்
நினைத்துக் கொள்வேன்
இவ்வுலகில்
நீ இல்லை என்று

காதலர்களின்
உயிர் போவது
இந்தக் கவிதைகளில்
தெரியும்

நீயும் அங்கில்லை
நானும் இங்கில்லை

by **முனைவர் ம.ரமேஷ்** Sat Jun 08, 2013 9:08 am

காதல் சிறைதான்
இருந்தாலும்
அந்தக் கூண்டுக்குள்தான்
நாம்
நம் சிறகை விரித்துப்
பறக்க முடியும்

பூக்களின் மேலிருக்கும்
வண்டுகளைப்
பறவைகள்
ஏக்கத்தோடு பார்க்கின்றன

இக்கவிதைகள்
காதலர்களுக்கான
ஏதேன் தோட்டத்தின்
அழுகை

by **முனைவர் ம.ரமேஷ்** Mon Jun 10, 2013 8:09 am

நானும்
ஊனமுற்றவன்தான்
உன் இதயம்
என் இதயத்தைத்
திருடிச் சென்றுவிட்டது

நீ
உன் காதலைக் கடைந்தபோது
வந்த நஞ்சுதான்:
‘நாம் பிரிந்துவிடுவோம்’
என்கிற வார்த்தை

சிந்தும்
கண்ணீர்த் துளிகள்
உன் நினைவுகளை
எண்ணுகின்றன

by **முனைவர் ம.ரமேஷ்** Tue Jun 11, 2013 5:19 pm

வானமும் பூமியும்
ஓரிடத்தில் இணைகின்றன
நீயும் நானும்
இணைந்ததுபோல

பருவ மோகம்
காதல்
ஆன்மிக மோகம்
கடவுள்

துடுப்பிடம்
ஓடம் கேட்பதில்லை
என்னை
எங்குக் கொண்டுபோய்ச் சேர்ப்பாய்?
இதையே நாம்
காதலிடமும் கேட்கக் கூடாது

by **முனைவர் ம.ரமேஷ்** Sat Jun 22, 2013 7:06 am

கொன்று கொண்டிருக்கும்
உன் நினைவுகள்
என்னை எப்போது
முழுமையாகக்
கொன்று முடித்துவிட்டு
இளைப்பாறும்?

வா, இருவருமாகச் சேர்ந்து

பூசைகள் செய்யலாம்

கண்ணீர் பாதையில்
எதிர் எதிரே நடக்கிறோம்
கண்களைத் துடைத்துக்கொண்டு

by Sponsored content

கவியருவி ம. ரமேஷ் கஸல்கள்

கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்