கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Sat May 25, 2013 11:11 pm

ஆசைக்கும்
பேராசைக்கும்
இடையே கழிகிறது
காதலின் ஆயுள்

உன் அருளை
எனக்கும் கொஞ்சம் வைத்திரு
வரிசையில்
கடைசியாக வருகிறேன்

காதலி!
பூக்களைப் பறித்தால்தான்
மாலை சூட முடியும்

by **முனைவர் ம.ரமேஷ்** Sat May 25, 2013 11:11 pm

ஒருவருக்கு
ஒருவரை
ஏன் பிடித்துப்போகிறது?
பூக்களை ரசிக்காதவர்கள்
யாரேனும் இருப்பார்களா?

என் காதல்
ஆலயத்திற்கு வெளியே
உள்ள
பிச்சைப்பாத்திரம்

காதல்
விளக்கைத்தேடும்
விட்டில்

by **முனைவர் ம.ரமேஷ்** Sat May 25, 2013 11:12 pm

என் காதல் கதை
குயவனின்
உடைந்த பானை

என் காதல்மேல்
என் கண்ணே
பட்டுவிட்டது

இதழ்கள்
அழகுதான்
பொய்பேசினாலும்!

by **முனைவர் ம.ரமேஷ்** Sat May 25, 2013 11:13 pm

நீயும்
கண்ணீர் சிந்தக் கூடாதென்று
உன்னைப் பார்க்கும்போது
சிரித்து வைக்கிறேன்

காதல் கண்ணீரில்
கவிதைக் கப்பல்
அவள் வீட்டை நோக்கிப்
பயணப்பட்டது

பூக்களின் மேல்
தென்றல் அமர்ந்திருக்கிறது
பாவம்
வண்டுகள்
திரும்பிச் செல்கிறது

by பூவன் Sat May 25, 2013 11:53 pm

அனைத்தும் நன்றாக உள்ளது நண்பரே சூப்பருங்க

by **முனைவர் ம.ரமேஷ்** Sun May 26, 2013 7:06 am

நன்றி பூவன் அவர்களே புன்னகை

by **முனைவர் ம.ரமேஷ்** Tue May 28, 2013 2:46 pm

நான் குற்றவாளி
நீ சிறைச்சாலை

பயணம் ஒன்றுதான்
பாதைகள்தான் வேறுவேறு

ஆலயத்திற்கு வெளியே
பிச்சைப்பாத்திரம்
ஆலயத்திற்கு உள்ளே
உண்டியல்

by **Muthumohamed** Tue May 28, 2013 2:51 pm

அனைத்துமே

by **முனைவர் ம.ரமேஷ்** Wed May 29, 2013 9:53 pm

நம் காதல்
நட்சத்திரத்திற்கும்
நிலவிற்கும் இடையே
ஊஞ்சல் கட்டுகிறது

இக்கவிதைகளில்
நீ உயிர்
நான் மெய்
உயிர்மெய்
நம் காதல்

பூக்கள்
காற்றின் மெல்லிடையை
தொட முயன்று
தோற்றுப்போனது

by **முனைவர் ம.ரமேஷ்** Wed May 29, 2013 9:55 pm

எனக்கு
உன்
உயிர் வேண்டாம்
காதலை மட்டும்
விட்டுக்கொடு
அது போதும் எனக்கு

என் பட்டினியைப்
பசி அறியவில்லை

நீ பணம் சேர்த்த
உண்டியலில்தான்
என் காதலையும்
சேகரித்தாய்
நிரம்பியதும்
உடைத்துவிட்டாயே?