கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **முனைவர் ம.ரமேஷ்** Tue Apr 30, 2013 10:22 am

கவிதைகளைப்
புரிந்துக் கொள்
எதற்கு மனனம்?

பூவுக்கும் வண்டுக்கும்
சண்டை என்றால்
செடி என்ன செய்யும்?

எனக்காக நீ
கவிதைகளை
இரவல் வாங்காதே
எனக்கு
நீயேதான் கவிதை

by **முனைவர் ம.ரமேஷ்** Wed May 01, 2013 5:57 pm

உன்னால்
பட்டினியிருந்து
சாகிறது
என் காதல்

காதலில்
பாதிக் கிணறுதான்
தாண்ட முடிகிறது

காதலுக்குத் தாகம்
கண்ணீர் கொடு

by **முனைவர் ம.ரமேஷ்** Thu May 02, 2013 5:47 pm

கூடையிலிருந்து
கொட்டும் பூவாய்க்
கொட்டுகிறது
என் ஆசைகள்

நீ இல்லாமல்
புன்னகையின்றி
நிர்க்கதி ஆகிவிட்டேன்

துன்பத்தில்
தத்தளித்து விட்டோம்
இன்பத்தில்
மூழ்குவோம் வா!

by **முனைவர் ம.ரமேஷ்** Tue May 07, 2013 7:45 am

மனம் போல வாழ்வு
வாழ்ந்து வருகிறோம்
வேறுவேறு இல்லறத்தில்

வெட்கப்பட
என்ன இருக்கிறது?
இருவருக்கும் தோல்விதான்

உன் கட்டளைக்கு
அடிபணிய முடியாது
காதலுக்குச்
சேவகம் செய்ய வேண்டும்

by **முனைவர் ம.ரமேஷ்** Wed May 08, 2013 6:59 am

நம்
காதலைத் தரிசிக்க
இறைவன்
நம்மைத் தேடி வருகிறான்

காதலும் கடவுளும்
ஒன்றுதான்
இனி நீ போகும் பாதையில்
நான் வர மாட்டேன்
அவ்வழியில்
கோயில் இருக்கிறது

இறைவனைப் பாடும் கவிதை
அழுகிறது
உன்னைப் பாடும் கவிதை
பைத்தியமாய்ச் சிரிக்கிறது

by **முனைவர் ம.ரமேஷ்** Wed May 08, 2013 1:22 pm

காதல் தோல்வியிலும்
கொசுராகக் கிடைக்கிறது
இன்பம்

காதலை
அழகழகாய்க் காட்டுகிறது காமிரா
வாழத்தான்
குடுப்பினை இல்லை

உமக்குத்தான்
மூன்று கண்கள் இருக்கிறதே?
நெற்றிக்கண்ணைக்
குருடனுக்குக் கொடு
உன் ஒளியைப் பார்க்கட்டும்

by **முனைவர் ம.ரமேஷ்** Sat May 11, 2013 7:32 am

உன் காதலை
விழுங்கியபோது
தொண்டைக் குழியில்
சிக்குண்டது

வண்டுகள் மொய்க்க
பூ தான் காரணம்

என் நெஞ்சை
நெருப்பு எரித்து
சாம்பலாக்கும் வரை
உன் நினைவுகள்
தொடரும்

by **முனைவர் ம.ரமேஷ்** Sun May 12, 2013 8:52 am

உலகத்தில்
நான்தான்
கடைசிப் பெண்
என்று ஒன்றுமில்லை

உன் நினைவு
சேலை சொட்டும்
நீர்ச் சுவடு

நீ
தலை குனிந்து
போகிறாய்
ஒவ்வொரு முறையும்
என்னை
மன்னித்துவிடு என்பதைப்போல

by **முனைவர் ம.ரமேஷ்** Wed May 15, 2013 9:01 am

நான்
காதலுக்காக
நண்பர்களைத் துறந்தேன்
நீ
பெற்றோருக்காக
என்னைத் துறந்தாய்

சேதாரத்தின் நினைவுகள்
இக்கவிதைகள்

என் தேடலில்
நீ
கண்ணாம்பொத்தி
விளையாடுகிறாய்