கவியருவி ம. ரமேஷ் கஸல்கள்

by **முனைவர் ம.ரமேஷ்** Fri Feb 01, 2013 2:31 pm

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

by **ஜாஹீதாபானு** Sat Feb 02, 2013 5:05 pm

அனைத்துமே அருமை சூப்பருங்க

by முகம்மது ஃபரீத் Sat Feb 02, 2013 6:09 pm

அருமை அருமை அனைத்தும் அருமை உங்களது கவிதைகள் அனைத்தையும் புத்தகம் போடலாம்............ புன்னகை

வாழ்த்துக்கள்... மகிழ்ச்சி

by **முனைவர் ம.ரமேஷ்** Sat Feb 02, 2013 6:19 pm

நன்றி நண்பர்களே... புத்தமாக்கும் பணிகள் நடந்துகொண்டுள்ளன...

விரைவில் தெரியப்படுத்துகிறேன்...

by **முனைவர் ம.ரமேஷ்** Wed Feb 06, 2013 5:23 am

என் காதல்
கை நழுவிப்போனது
மாராப்பை விட்டு
விலகிய சேலையாய்

மனம்
சோர்ந்து படுத்து விட்டது
சுவற்று நிழல்
தளராமல்
உன்னை நினைக்கிறது

உனக்கு என்னையும்
எனக்கு உன்னையும்
அறிமுகம் செய்த நண்பன்
இன்று
பகைவன்

by **முனைவர் ம.ரமேஷ்** Wed Feb 06, 2013 5:24 am

உன்
நினைவுகள்
கனவுகளையும்
தூங்க விடுவதில்லை

நவீன விட்டில்
விளக்கை அணைத்துவிட்டு
சூரியனில் பாய்கிறது

மொட்டுக்கள்
அழுது சேர்த்தக்
கண்ணீர்தான்
தேன் துளிகள்

by **முனைவர் ம.ரமேஷ்** Wed Feb 06, 2013 5:25 am

நாம்
கையும் களவுமாக
பிடிபட்டு விட்டோம்
இறைவனிடம்

என் காதல்
கருச்சிதைவாகிவிட்டது

இறைவா!
உனக்குப் பசிக்கும்போது
என்னை
பறிமாறிக்கொள்

by **முனைவர் ம.ரமேஷ்** Wed Feb 06, 2013 5:25 am

நீ
துப்பிய எச்சிலாள்
கிருமியாய் வளருகின்றது
என் காதல்

காதல் கவிதைகளைக்
கிறுக்கியவன் இறைவன்
அதன் அர்த்தம் புரியாததால்
கல்லறையில்
காதலர்கள்

இறைவா!
உன் சந்நிதியில் என்ன
எல்லைப் பிரச்சினை?

by **முனைவர் ம.ரமேஷ்** Thu Feb 07, 2013 10:44 am

நடத்துநரிடம்
தங்கிப் போன
ஐம்பது பைசாவாய்க்
காதலியிடம்
தங்கிப் போனது
என் காதல்

திருமணத்திற்கு முன்னரே
என் காதல்
விவாகரத்தாகிவிட்டது

பிரிவுகள்
சோகமானபோதும்
கவிதைகள்
அழகாய் இருக்கின்றன

by **முனைவர் ம.ரமேஷ்** Fri Feb 08, 2013 6:01 pm

இறைவன்
பேன் பார்க்கும் சாக்கில்
மறந்து போன
என்
தலையெழுத்தைப் பார்க்கிறான்

வாழ்க்கை வியாபாரத்தில்
லாபம் பார்த்தவர்கள்
பெற்றோர்கள்
நஷ்டப்பட்டவர்கள்
காதலர்கள்

இறைவன்
அழைத்தபோது
திரும்பிப் பார்க்காதவர்கள்
காதலர்கள்

by **முனைவர் ம.ரமேஷ்** Mon Feb 11, 2013 8:02 am

உன்னை மட்டுமல்ல
உலகத்தையே
மறக்கச் செய்யத்தான்
காதல்
படைக்கப்பட்டுள்ளது

நம்மைக் கடந்துச்
சென்ற காற்று
பூக்களுக்குச் சொல்லிக் கொடுக்கும்
வண்டுகளிடம்
எப்படிப் பேச வேண்டுமென்று

இக்கவிதைகள்
காதலுக்கானக்
கண்ணீர் மாலை

--
வணக்கம் அன்பு உறவுகளே... நண்பர்களே...

தமிழ் டாக்டர் (முனைவர்) பட்ட ஆய்வுக்காகத் தங்களின் கவிதை புத்தகங்கள் வரவேற்கப்படுகின்றன.

21ஆம் நூற்றாண்டுத் தமிழ் கவிதைகளின் போக்குகள் என்பது ஆய்வுத் தலைப்பாகும். எனவே தங்களின் படைப்புகள் 2000 - 2012 அல்லது 2013 இறுதிவரை வெளியாகும் - வெளியிடப்பட்ட கவிதைப் புத்தகங்கள் எந்த வகையினதாக இருந்தாலும் (புதுக்கவிதை, ஹைக்கூ, சென்ரியூ, ஹைபுன், கஸல் என்று புதிய வடிவங்களைத் தாங்கிய படைப்புகளை) தெரியப்படுத்தவும். எத்தனைப் புத்தகங்களாக இருந்தாலும் ஆய்வுக்கு ஏற்றுக் கொள்ளப்பெறும். தங்களின் புத்தகங்களோ அல்லது தங்களின் நண்பர்களின் புத்தகங்களோ அனுப்ப வேண்டுகிறேன். அல்லது தாங்கள் படித்த நல்ல கவிதைப் புத்தகங்களையும் பரிந்துரை செய்யலாம்.

வேலூர் மாவட்டத்தில் நியூ செஞ்சுரி புக் ஹவுஸ் - புத்தக நிலையத்தில் கிடைக்குமானால் தெரியப்படுத்தவும். நான் இங்கேயே வாங்கிக் கொள்கிறேன்.

புத்தகம் வீட்டிற்கு வந்து சேர்ந்த மறுநாள் புத்தகத்திற்கான பணம் அனுப்பி வைக்கப்படும்.

தாங்கள் புத்தகம் அனுப்புவதாக இருப்பின் தனி மடலில் தகவலைத் தெரிவிக்கவும். வீட்டு முகவரி கொடுக்கப்படும்.

என் தொடர்பு எண்கள்.
9865224292 - ஏர்செல்
8144818481 - ரிலையன்ஸ்
8438921372 - டாடா டொகமா
8680963972 - ஐடியா

நன்றி.