பாடாவதி நிலையில் 10,000 அரசு பஸ்கள்

**சிவா** · **சிவா** Fri Feb 01, 2013 9:31 am

தமிழக அரசு, போக்குவரத்துக் கழகங்களுக்கு, ஆண்டு தோறும் புதிய பஸ்கள் வழங்கப்பட்டு வந்த போதிலும், இன்னும், 10 ஆயிரம் பாடாவதி பஸ்கள் இயக்கப்படுவதால், பயணிகள் மிகுந்த சிரமத்தை சந்தித்து வருகின்றனர்.

தமிழகத்தில், எட்டு கோட்டங்கள், 21 மண்டலங்கள் மூலம், இயக்கப் படும் பஸ்களின் எண்ணிக்கை, 21 ஆயிரத்து, 989 ஆக அதிகரித்துள்ளது. தமிழக போக்குவரத்துக் கழகங்களை மேம்படுத்தும் வகையில், தமிழக அரசு, 2012ல், 3,000 புதிய பஸ்களை இயக்கியது. நடப்பாண்டில், 3,000 புதிய பஸ்களை இயக்க தேவையான நடவடிக்கைகள் மேற்கொண்டுள்ளது. ஆண்டுக்கு ஆண்டு புதிய பஸ்கள் இயக்கப்பட்ட போதிலும், போக்குவரத்துக் கழகங்களில் செயல்பாடு, மக்களுக்கு திருப்தி அளிக்கும் வகையில் இல்லை. தாழ்தள சொகுசு பஸ்கள், குளிர்சாதன வசதிகளை கொண்ட பஸ்கள், அல்ட்ரா டீலக்ஸ், சூப்பர் டீலக்ஸ், பஸ்களை இயக்கிய போக்குவரத்துக் கழகங்கள், தற்போது ஆம்னி பஸ்களுடன் போட்டி போடுவதற்கு ஏதுவாக, மல்டி ஆக்ஸில், படுக்கை வசதி கொண்ட (சிலிப்பர்) பஸ்களை இயக்குவது குறித்து, ஆலோசனைகளை மேற்கொண்டு வருகின்றன.

இருந்த போதிலும், பாடாவதி பஸ்களின் இயக்கம் தொடர்கதையாக உள்ளது. தமிழக போக்குவரத்துக் கழகங்களில் தற்போது, 45 சதவீத பஸ்கள், அதாவது, 10 ஆயிரம் பஸ்கள் பாடாவதி நிலையிலேயே இயக்கப்பட்டு வருகின்றன.பஸ்களில் போதிய பராமரிப்பு இல்லாததால், குறிப்பிட்ட நேரத்தில் பயண தூரத்தை சென்றடைவதில் தாமதம் ஏற்படுகிறது.பாதி வழியில் பழுதாகி நிற்பது, மழைக் காலத்தில் ஒழுகுவதால், மழை நீர் பஸ்சுக்குள் புகுந்து விடுதல், பராமரிப்பு இல்லாததால் சீட்டுக்கள் கிழிந்தும், உட்புறங்களில் குப்பை மாதக் கணக்கில் தேங்குதல், பான்பராக் துர்நாற்றம், இவற்றுக்கு எல்லாம் மேலாக, "குடிமகன்'கள் வாந்தி எடுப்பதை கூட அள்ளாமல் விடுதல் என, பயணிகளை முகம் சுளிக்க வைக்கிறது.

தமிழ்நாடு அரசு போக்குவரத்து ஊழியர் சம்மேளன (சி.ஐ.டி.யூ.,) பொதுச் செயலர் அன்பழகன் கூறியதாவது:தமிழக அரசு ஆண்டுக்கு ஆண்டு புதிய பஸ்களை இயக்கிய போதிலும், தற்போது போக்குவரத்துக் கழகங்களில், 10 ஆயிரம் முதல், 12 ஆயிரம் வரையிலான பாடாவதி பஸ்கள் இயக்கப்பட்டு வருகின்றன.கடந்த, 1991ல் அரசு உத்தரவு ஒன்றை பிறப்பித்தது. அந்த உத்தரவில், "ஆறு ஆண்டுகள் இயக்கப்பட்ட பஸ், ஏழு லட்சம் கி.மீ., தூரம் இயங்கிய பஸ்களை, கண்டம் செய்து விட வேண்டும்' என, தெரிவிக்கப்பட்டது. ஆனால், அந்த உத்தரவு செயல்முறைப் படுத்தப்பட வில்லை.தற்போதைய நிலவரப்படி போக்குவரத்துக் கழகங்களில், 1.36 லட்சம் தொழிலாளர்கள் பணி செய்து வரும் நிலையில், தொழில்நுட்ப பணியாளர்கள், 10 ஆயிரத்துக்கும் மேற்பட்ட இடங்கள் பற்றாக்குறையாக உள்ளன.இதனால், தற்போது இயக்கத்தில் உள்ள பாடாவதி பஸ்களை பராமரிக்க முடியாமலும், புதிதாக இயக்கப்படும் பஸ்களின் பராமரிப்பும் சொல்லிக் கொள்ளும் படியும் இல்லாததால், புதிய பஸ் களும் விரைவில் பாடாவதி நிலைக்கு தள்ளப்பட்டுவிடும். எனவே, தமிழக அரசு புதிய பஸ்களை இயக்கும் நிலையில், அதற்கு தேவையான டிரைவர், கண்டக்டர், தொழில் நுட்ப பணியாளர்களையும் புதிதாக நியமிக்க நடவடிக்கை மேற்கொள்ள வேண்டும்.இவ்வாறு அவர் கூறினார்.

தினமலர்

**உமா** · **உமா** Fri Feb 01, 2013 11:14 am

பஸ்களில் போதிய பராமரிப்பு இல்லாததால், குறிப்பிட்ட நேரத்தில் பயண தூரத்தை சென்றடைவதில் தாமதம் ஏற்படுகிறது.பாதி வழியில் பழுதாகி நிற்பது, மழைக் காலத்தில் ஒழுகுவதால், மழை நீர் பஸ்சுக்குள் புகுந்து விடுதல், பராமரிப்பு இல்லாததால் சீட்டுக்கள் கிழிந்தும், உட்புறங்களில் குப்பை மாதக் கணக்கில் தேங்குதல், பான்பராக் துர்நாற்றம், இவற்றுக்கு எல்லாம் மேலாக, "குடிமகன்'கள் வாந்தி எடுப்பதை கூட அள்ளாமல் விடுதல் என, பயணிகளை முகம் சுளிக்க வைக்கிறது.

முதலில் இவற்றை சரி செய்தால் நல்லது....

இந்த பதிவைத் துவங்கியவர் நன்றி கூறியுள்ளார் உமா

பாடாவதி நிலையில் 10,000 அரசு பஸ்கள்

பாடாவதி நிலையில் 10,000 அரசு பஸ்கள்

Re: பாடாவதி நிலையில் 10,000 அரசு பஸ்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக