டாக்டர் ராமதாசுக்கு எதிர்ப்பு

வன்கொடுமை தடுப்புச் சட்டத்தில் திருத்தம் செய்ய வேண்டும் என்று வலியுறுத்தி, அனைத்து சமுதாய பேரியக்கம் சார்பில் மாவட்டந்தோறும் டாக்டர் ராமதாஸ் தலைமையில் கலந்தாய்வு கூட்டம் நடைபெற்று வருகிறது.

இந்த கூட்டங்களில் தலித் அமைப்புகளுக்கு எதிராக டாக்டர் ராமதாஸ் பேசி வருகிறார் எனவும், சாதி வன்முறையை தூண்டுகிறார் என்றும் கூறி தலித் அமைப்புகள் கண்டனம் தெரிவித்து வருகின்றன. இதற்கிடையே நெல்லையில் நேற்று அனைத்து சமுதாய பேரியக்க கூட்டம் நடைபெற்றது. இதில் பங்கேற்க டாக்டர் ராமதாஸ் நெல்லை வந்தார்.

இதற்கிடையே அவரது வருகைக்கு எதிர்ப்பு தெரிவித்து நேற்று சாலைமறியல் உள்ளிட்ட போராட்டங்கள் நடைபெற்றன. பா.ம.க. கொடி எரிக்கப்பட்டது.

திடீர் மறியல்

நெல்லை சந்திப்பில் தேவேந்திர மக்கள் முன்னேற்ற கழகத்தைச் சேர்ந்த ரவி தேவேந்திரன், பகுஜன் சமாஜ் கட்சி மாநில செயற்குழு உறுப்பினர் தேவேந்திரன், புரட்சி பாரதம் மண்டல செயலாளர் பெருமாவளவன், ஆதி திராவிடர் நல உரிமைச் சங்க பொருளாளர் சுந்தரராஜன் உள்பட சுமார் 50–க்கும் மேற்பட்டவர்கள் திடீர் மறியல் போராட்டம் நடத்தினர்.

மக்கள் தேசம் கட்சி சார்பில் வண்ணார்பேட்டையில் சாலை மறியல் நடந்தது. மள்ளர் நாடு மாவட்ட செயலாளர் மகேஷ் மள்ளர் தலைமையில், பா.ம.க. கொடி எரிப்பு போராட்டம் நடந்தது.

புதிய தமிழகம் கட்சி மாநகர் மாவட்ட செயலாளர் செல்லப்பா தலைமையில், அந்த கட்சியினர் டாக்டர் ராமதாஸ் கலந்து கொண்ட கூட்டம் நடைபெற்ற ஓட்டலை முற்றுகையிடச் சென்றனர். அவர்களை போலீசார் தடுத்து கைது செய்தனர்.

நெல்லை சந்திப்பு பஸ் நிலையம் அருகே அம்பேத்கார் சிலை முன்பு தலித் கூட்டமைப்பு சார்பில், விடுதலை சிறுத்தைகள் மாவட்ட செயலாளர் எம்.சி.கார்த்திக் தலைமையில், சாலை மறியல் போராட்டம் நடந்தது. இதனால் அங்கு போக்குவரத்து பாதிக்கப்பட்டது.

டாக்டர் ராமதாசுக்கு எதிர்ப்பு தெரிவிக்க மக்கள் விடுதலை கட்சி தலைவரும், முன்னாள் எம்.எல்.ஏ.வுமான முருகவேல்ராஜன் தலைமையில் அந்த கட்சியினர் ரெயில் மூலம் நேற்று முன்தினம் இரவு நெல்லைக்கு வந்தனர். அவர்களை ரெயில் நிலையத்தில் போலீசார் கைது செய்தனர்.

பஸ்கள் மீது கல்வீச்சு

நெல்லை சந்திப்பில் இருந்து ராஜவல்லிபுரம் சென்று கொண்டு இருந்த அரசு பஸ் மீது கரையிருப்பு அருகே மோட்டார் சைக்கிளில் வந்த 2 பேர் கல் வீசினர். இதில் பஸ்சின் முன்பக்க கண்ணாடி உடைந்து நொறுங்கியது. இது பற்றி டிரைவர் பாலசுப்பிரமணியன் தச்சநல்லூர் போலீஸ் நிலையத்தில் புகார் செய்தார்.

இதே போல் நெல்லையில் இருந்து இலந்தைகுளம் சென்று கொண்டு இருந்த அரசு பஸ் மீது ராமையன்பட்டி போலீஸ் காலனி அருகே சிலர் கல்வீசினர். அங்கு இருந்து ஒரு கிலோ மீட்டர் தொலைவில் உள்ள சுண்ணாம்பு குவாரி அருகே மற்றொரு பஸ் மீது கல் வீசப்பட்டது. இந்த சம்பவங்கள் குறித்து மானூர் போலீசார் வழக்குப்பதிவு செய்து விசாரணை நடத்தி வருகின்றனர்.

303 பேர் கைது

டாக்டர் ராமதாசுக்கு எதிர்ப்பு தெரிவித்து நடந்த போராட்டங்களில் மொத்தம் 303 பேர் கைது செய்யப்பட்டனர். நெல்லை சந்திப்பு ஆர்.கே.வி. திருமண மண்டபம், கொக்கிரகுளம் ரோஸ் மகால் ஆகிய இடங்களில் கைதானவர்கள் தங்க வைக்கப்பட்டனர்.

இந்த சம்பவங்களால் நெல்லை மாநகர பகுதியில் போலீஸ் துணை கமிஷனர் ராஜராஜன் தலைமையில் பலத்த போலீஸ் பாதுகாப்பு போடப்பட்டு இருந்து.

தினத்தந்தி

எனக்கென்னவோ இந்த சாதி சங்கங்கள் ஒன்றிணைந்து இருப்பதை நீர்த்து போக செய்யதான் இந்த விஸ்வரூப மத பிரச்சினை கிளப்பி விடப்பட்டிருக்கும் என தோன்றுகிறது

ராஜா wrote:எனக்கென்னவோ இந்த சாதி சங்கங்கள் ஒன்றிணைந்து இருப்பதை நீர்த்து போக செய்யதான் இந்த விஸ்வரூப மத பிரச்சினை கிளப்பி விடப்பட்டிருக்கும் என தோன்றுகிறது

மேலும் பல பிரச்சனைகள் விஸ்வரூபத்தினால் மறக்கடிக்கப்பட்டுள்ளது தல! மிகக் கேவலமான அரசியல் தலைவர்கள் அமைந்தால் ஒரு நாடு எப்படி இருக்கும் என்பதற்கு நம் நாடு சிறந்த உதாரணம்!

தலித் அமைப்பாளர் என்றால் என்ன?

தலித் அமைப்பாளர் என்றால் என்ன?

தலித் அமைப்பாளர் என்றால் என்ன?