குட் டச்,பாட் டச்

by ஹர்ஷித் Thu 31 Jan 2013 - 12:45

"மிக முக்கியமான அருமையான விழிப்புணர்வு பதிவு" - படித்து பகிருங்கள்

குழந்தைகளுக்கு குட் டச்,பாட் டச் பற்றி ..முக்கிய விஷயங்கள். பாலியல் சார்ந்த பிரச்சனைகள் ஐந்தில் ஒரு குழந்தைக்கு நடக்கிறது.

1.குழந்தைகளிடம் அண்டர் வேர் ரூல் பற்றி தெளிவாக விளக்க வேண்டும்..லிங்க் கொடுத்து இருக்கிறேன்..குழந்தைகளிடமும் சொல்லி கொடுங்கள்..அவர்களின் பள்ளிக்கும் சொல்லுங்கள்.

2.உடல் என்பது தனிப்பட்டவரின் உடமை..அதில் அத்து மீற யாருக்கும் உரிமை இல்லை.தாய்,தந்தை கூட சில வயது வரைதான்.

3.எந்த உறுப்பையும் அதன் பெயர் சொல்லி விளக்க வேண்டும்.

4.உள்ளாடை அணியும் பகுதிகள் யாராலும் தொடப்பட்ட கூடாது.அங்கு யாரவது கை வைத்தால் உடனே "No "சொல்ல கற்று கொடுக்கவேண்டும்.உடனே உதவிக்கு யாரையாவது கூப்பிட வேண்டும்.

5.நம்பிக்கையான நபர்கள் என்று தாய் அல்லது தந்தை இல்லை குடும்பத்தில் நெருக்கமானவர்களை கூறி அவர்களிடம் உடனே விஷயத்தை கூற சொல்லி கொடுக்க வேண்டும்.

6.நம்பிக்கையான நபர் குடும்பத்தின் வெளியிலும் ஒருவர் இருக்க வேண்டும்.சில விஷயங்களை குழந்தைகள் குடும்பத்தில் சொல்ல தயக்கப்படும்..அல்லது வெளியில் நடக்கும் விஷயங்களை அவரிடம் சொல்லலாம்.அவர் பள்ளி ஆசிரியை அல்லது நெருக்கமான நண்பர் என்று இருக்கலாம்..

7.குழந்தைகளின் மேல் பாயும் காமுகர்கள் (pedophile ) குழந்தைகளுக்கு நெருக்கமான சூழலில் இருந்தே கண்டுபிடிக்க முடியாதபடி செயல்படுவார்கள். பெரும்பாலும் நெருங்கிய உறவினர்கள், நண்பர்கள், அக்கம் பக்கத்தில் வசிப்பவர்கள்,வேலை செய்பவர்கள்.... எனவே குழந்தைக்கு விழிப்புணர்வு மிக முக்கியம்.

8.முதலில் குழந்தைக்கு பரிசுகள் வாங்கி தன் வசப்படுத்த முயற்சிப்பார்கள். எனவே குழந்தைக்கு பரிசு வாங்கி கொடுப்பவர்கள் எல்லாம் மிக அன்புடையவர்கள் என்று நாம் போதிக்க கூடாது.அது ஆழமாக தவறான புரிதலாக மாறும்.

9.குழந்தையை யாருக்கும் முத்தம் கொடுக்க சொல்லியோ, கட்டி பிடிக்க சொல்லியோ வற்புறுத்த கூடாது. அது சரி என்று வாதம் செய்ய கூடாது. மாமா எத்தனை ஆசையா இருக்கார்.. போய் முத்தம் கொடு என்று கூறக்கூடாது.

10.அவர்களுக்கு ரகசியத்தை எப்படி வெளிபடுத்த வேண்டும்.. யாரிடம் சொல்லவேண்டும் என்று தெரிந்திருக்க வேண்டும்.

11.டிரைவர் போன்றவர்களிடம் ஒப்படைக்கும் பொழுது மடியில் குழந்தைகளை வைத்து கொண்டு வண்டி ஓட்ட அனுமதிக்க கூடாது.

12.யார் எது கொடுத்தாலும் வீட்டில் வந்து கூறும் இனிமையான சூழல் வீட்டில் இருக்கவேண்டும். பயம் இருக்க கூடாது. நேருக்கு நேர் பேச.. மனதை திறந்து பேசும் சூழல் வேண்டும்.

13.தனது உடலில் அத்துமீற யாருக்கும் உரிமை இல்லை என்று தெரியவும், அப்படி யாரவது செய்தால் எதிர்ப்பை வெளிப்படுத்தி அந்த இடத்தை விட்டு விலகவும் தெரிந்திருக்க வேண்டும்.

14.அவர்கள் குழந்தைகளை மிரட்டுவார்கள்.. அம்மா ,அப்பாவை கொன்றுவிடுவேன்.. உன் தவறுகளை சொல்லிவிடுவேன் என்று...யார் மிரட்டினாலும் உண்மைகளை கூற இன்னொரு நம்பிக்கையான நபர் ஒருவர் குடும்பத்தை தவிர தேவை.

15.குழந்தைகள் இதை போன்ற விஷயங்களை கூறினால் உடனே கோபப்படுவதோ இல்லை அழுவதோ கூடாது. அம்மாவை வருத்தப்படுவார்கள் என்று விஷயங்களை மறைக்க முயற்சி செய்யலாம்.

17.ஒவ்வொரு வயது குழந்தைக்கும் அவர்கள் வயதுக்கு ஏற்றவாறு சொல்லி கொடுக்கவேண்டும்.அதே சமயம் மிக சிறிய குழந்தைகளுக்கு அடிக்கடி சொல்லி கொடுக்க வேண்டும். இல்லாவிடில் மறந்து விடுவார்கள்.

20.குழந்தைகளை காப்பாற்றும் பொறுப்பு நம்மை சேர்ந்தது என்று ஒவ்வொரு பெற்றோரும்,மற்றோரும் உணர வேண்டும்.அந்த பொறுப்புடன் நடந்து கற்பிக்க வேண்டும்.

முகநூல்.,

by பாலாஜி Thu 31 Jan 2013 - 12:49

சிறப்பான வழிகாட்டல் பதிவு ..

நன்றி ஜேன் சூப்பருங்க

by பூவன் Thu 31 Jan 2013 - 12:50

மிக சிறந்த பதிவு அண்ணா , தலைப்பை கொஞ்சம் புரியும் படியாக வைக்கலாமே ?

by **ராஜா** Thu 31 Jan 2013 - 12:50

நல்ல பதிவு நன்றி

by **சிவா** Thu 31 Jan 2013 - 13:14

ஏம்பா, நமக்கெல்லாம் இதச் சொல்லிக் கொடுத்தா வளர்த்தாங்க..!!

இதெல்லாம் ஒவ்வொருவருக்கும் உரிய வயதடைந்தவுடன் தானாகத் தெரிந்துகொள்ள வேண்டியது! அதுவும் இப்பொழுது உள்ள காலக்கட்டத்தில் அன்று நாம் 20 வயதில் தெரிந்து கொண்டதை இப்பொழுது 12 வயதிலேயே விளங்கிக் கொள்கின்றனர்! (ஒருவேளை நான் மட்டும்தான் அப்படி இருந்தேனா எனத் தெரியவில்லை)

by **Ahanya** Thu 31 Jan 2013 - 13:18

நல்ல பதிவு அண்ணா......நன்றி.....

by **ராஜா** Thu 31 Jan 2013 - 13:19

சிவா wrote:ஏம்பா, நமக்கெல்லாம் இதச் சொல்லிக் கொடுத்தா வளர்த்தாங்க..!!
இதெல்லாம் ஒவ்வொருவருக்கும் உரிய வயதடைந்தவுடன் தானாகத் தெரிந்துகொள்ள வேண்டியது! அதுவும் இப்பொழுது உள்ள காலக்கட்டத்தில் அன்று நாம் 20 வயதில் தெரிந்து கொண்டதை இப்பொழுது 12 வயதிலேயே விளங்கிக் கொள்கின்றனர்! (ஒருவேளை நான் மட்டும்தான் அப்படி இருந்தேனா எனத் தெரியவில்லை)

சரி தான் தல , அன்று நாம் சிறு குழந்தைகளாக இருந்து போது சொந்த பந்தங்கள் எப்போதுமே கூட இருப்பார்கள் அதனால் ஒரு பாதுகாப்பு இயற்கையாகவே இருந்தது.

ஆனால் இப்பொது , குழந்தைகள் காலை 6 மணிக்கு யோகா என்று ஆரம்பித்தால் அப்புறம் பள்ளி , மாலையில் tuition , நடனம் அது இதுவென்று மற்றவர்களிடம் தான் அதிகம் வளர்கிறது அதனால் சிலவற்றை சொல்லிகொடுத்து வளர்ப்பதில் தவறில்லை.

by **சிவா** Thu 31 Jan 2013 - 13:24

ராஜா wrote:அன்று நாம் சிறு குழந்தைகளாக இருந்து போது சொந்த பந்தங்கள் எப்போதுமே கூட இருப்பார்கள் அதனால் ஒரு பாதுகாப்பு இயற்கையாகவே இருந்தது.

ஆனால் இப்பொது , குழந்தைகள் காலை 6 மணிக்கு யோகா என்று ஆரம்பித்தால் அப்புறம் பள்ளி , மாலையில் tuition , நடனம் அது இதுவென்று மற்றவர்களிடம் தான் அதிகம் வளர்கிறது அதனால் சிலவற்றை சொல்லிகொடுத்து வளர்ப்பதில் தவறில்லை.

ஏற்றுக் கொள்ளக் கூடிய கருத்து தல! சூப்பருங்க

by யினியவன் Thu 31 Jan 2013 - 13:35

சிவா உங்களுக்கு புரியற மாதிரி சொல்றேன்:

நம்ம பாக்கட்ல இருக்கற பர்ஸ நாம தொட்டா அது குட் டச்

அதையே மனைவியோ இல்ல பிளேடு பக்கிரியோ தொட்டா அது பாட் டச்

by **சிவா** Thu 31 Jan 2013 - 13:36

யினியவன் wrote:சிவா உங்களுக்கு புரியற மாதிரி சொல்றேன்:

நம்ம பாக்கட்ல இருக்கற பர்ஸ நாம தொட்டா அது குட் டச்

அதையே மனைவியோ இல்ல பிளேடு பக்கிரியோ தொட்டா அது பாட் டச்

ம்ம்... இப்படி தெளிவா சொல்லிக் கொடுத்தாத்தானே எனக்கு புரியும்!

அற்புதமாகப் புரிந்துவிட்டது தல!