வளர்ப்பு மகளை கூண்டில் அடைத்து விட்டு சினிமாவுக்கு சென்ற காதலர்கள் கைது

by ஹர்ஷித் Thu Jan 31, 2013 8:14 am

லாஸ் ஏஞ்சல்ஸ்: அமெரிக்காவில், வளர்ப்பு குழந்தையை கூண்டில் அடைத்து விட்டு, சினிமாவுக்கு சென்ற காதல் ஜோடியை, போலீசார் கைது செய்துள்ளனர்.அமெரிக்காவின், நியூ மெக்சிகோ பகுதியை சேர்ந்தவர்கள் சின்டி, 33; இவரது காதலர் எட்மன்ட், 37. இவர்கள் சமீபத்தில், மூன்று குழந்தைகளுடன் சினிமா பார்க்கச் சென்றனர். இவர்களது, எட்டு வயது வளர்ப்பு மகள், வீட்டில் அடைத்து வைக்கப்பட்டுள்ளதாக, போலீசாருக்கு புகார் வந்தது.இதையடுத்து, சின்டி வீட்டுக்கு வந்து போலீசார் சோதனையிட்டனர். அதற்குள், சினிமா பார்த்து விட்டு வந்த சின்டி, வீட்டின் கதவை திறக்க, வீட்டின் படுக்கை அறையில் இருந்த, மரக் கூண்டுக்குள், எட்டு வயது வளர்ப்பு மகள், அடைத்து வைக்கப்பட்டிருந்ததை, போலீசார் பார்த்தனர்.சின்டியின், முதல் கணவர் கொடுத்த புகாரின் பேரில், போலீசாருக்கு இந்த விஷயம் தெரிந்துள்ளது. சிறுமியை கூண்டில் அடைத்து விட்டு, சினிமாவுக்கு சென்ற குற்றத்துக்காக, சின்டியும், எட்மன்டும் கைது செய்யப்பட்டுள்ளனர்.

தகவல் : தினமலர்