Latest topics

"ஜன தந்த்ர' அமைப்பை தொடங்கினார் ஹசாரே

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

"ஜன தந்த்ர' அமைப்பை தொடங்கினார் ஹசாரே

Post by ஹர்ஷித் Thu 31 Jan 2013 - 9:34

சமூக சேவகர் அண்ணா ஹசாரே, "ஜன தந்த்ர' என்ற அரசியல் அமைப்பைத் தொடங்கியுள்ளார். இந்த அமைப்பு நடைமுறை மாற்றத்துக்காகப் போராடும்; ஆனால், தேர்தலில் போட்டியிடாது என்று தெரிவித்துள்ளார்.

பிகார் மாநிலம் பாட்னாவில் உள்ள புகழ்பெற்ற காந்தி மைதானத்தில் புதன்கிழமை நடைபெற்ற பொதுக்கூட்டத்தில், "ஜன தந்த்ர' அமைப்பை ஏற்படுத்துவதற்கான அறிவிப்பை அவர் வெளியிட்டார்.

இது குறித்து அவர் கூறியது: அதிகாரத்தில் அமரவோ, அது தொடர்பான சலுகைகளைப் பெறவோ இந்த அமைப்பு முயலாது. நடைமுறை மாற்றத்துக்காக இந்த அமைப்பு போராடும்.

இந்த இரண்டாவது சுதந்திரப் போராட்டத்துக்காக அனைவரும் ஒன்றிணைய வேண்டும். வலிமையான லோக்பால் மசோதா கொண்டு வரப்படவில்லை என்றால் ஆட்சியில் இருந்து அகற்றப்படுவோம் என்று ஐக்கிய முற்போக்குக் கூட்டணி அஞ்ச வேண்டும். சிபிஐ மற்றும் மத்திய ஊழல் கண்காணிப்பு ஆணையம் (சிவிசி) ஆகியவற்றுக்கு தன்னாட்சி அதிகாரம் கொடுக்கப்பட வேண்டும்.

அரசியல் சட்டங்கள் வகுக்கப்படும் போது, பொதுமக்களின் உணர்வுகளைக் கருத்தில் கொள்ள வேண்டும். நாடாளுமன்றம் சட்டங்களை உருவாக்கலாம். ஆனால், அவை பொதுமக்களின் கருத்துகளைப் பிரதிபலிக்க வேண்டும். லோக்பால் என்பது ஊழலை முற்றிலுமாக ஒழிக்கும் சர்வரோக நிவாரணி அல்ல. ஆனால், 50 முதல் 60 சதவீத ஊழலைக் கட்டுப்படுத்தும் என்றார் அவர்.

தகவல் : தினமணி.

ஹர்ஷித்: நிர்வாகக் குழு; பதிவுகள் : 8103
இணைந்தது : 13/10/2011